Karthika Deepam ఆగష్టు 24 ఎపిసోడ్: మోనితని గుర్తుపట్టేసిన వంటలక్క.. ఫ్యూజులు ఎరిగిపోయే ట్విస్ట్

బుల్లితెర ప్రేక్షకుల్ని ఎంతగానో ఆకట్టుకుంటున్న ‘కార్తీకదీపం’ సీరియల్.. నేడు(2021 ఆగష్టు 24)న 1126 ఎపిసోడ్‌కి ఎంటర్ అయ్యింది. karthika deepam August 24 episodeహైలైట్స్ చూద్దాం.

1126వ ఎపిసోడ్‌ హైలైట్స్..
దీప అఖండ జ్యోతి వెలిగించడానికి పైకి లేచి.. మరో పూజారితో కలిసి పూజ చేస్తున్న క్షణంలో మోనిత గన్ పేల్చినట్లు.. ఆ బుల్లెట్ తగిలి దీప వెనక్కి పడిపోతున్నట్లు.. పంతుళ్లు సైతం షాక్ అవుతున్నట్లు చూసించిన ప్రోమో సీన్ నేటి ఎపిసోడ్‌లో అస్సలు కనిపించకపోవడం షాక్‌కి గురి చేస్తుంది. అయితే దీప క్షేమంగా అఖండ జ్యోతి వెలిగిస్తుంది. మోనిత భయపడుతూ అటు ఇటూ చూస్తూ గన్ గురి పెట్టిన తర్వాత.. మనసులో.. ‘ఎలాగో నన్ను కలవడానికే వస్తున్నావ్‌గా.. రా అక్కడే నేను ఎవరినో చెప్పి మరీ చంపుతాను’ అనుకుంటూ సోదమ్మలా ఓ చోట కూర్చుని.. సోది చెబుతా అంటూ ఉంటుంది. దీప క్షేమంగా పూజ చేసుకుని సోదమ్మని వెతుక్కుంటూ వెళ్లి మోనితకు ఎదురుగా కూర్చుంటుంది.

‘రా తల్లి.. నిన్న నీ మారుతల్లి వచ్చింది. కన్నతండ్రి కలిశాడు.. కట్టుకున్నాడో కొలువులోంచి రావాలనే నీ తపన తీరుతుంది.. కూర్చో తల్లీ.. అంటూ దీపని కూర్చోబెట్టిన మోనిత.. చేయి అందుకుని జాతకం చూస్తుంది. ‘అమ్మా నువ్వు కాలినడకన దుర్గ గుడికి వెళ్లి రావాలి.. కళ్లు మూసుకుని దుర్గమ్మనే తలువు.. నేను తెరవమనే దాకా తెరవకు.. అంటుంది. దీప సోదమ్మని నమ్ముతూ.. కళ్లు మూసుకుని దన్నం పెట్టుకుంటూ ఉంటే.. మోనిత గన్ తీసి.. దీపకు గురిపెట్టి.. కాల్చడానికి సిద్ధంగా ఉంటుంది. అయితే సరిగ్గా అప్పుడే గుడిలో గంటలు మోగుతూ ఓ చిరుగాలి వారిపైకి రావడంతో.. కుంకుమ పసుపులు ఎగిరి మోనితకు తుమ్ము వస్తుంది. ఓ తుమ్ము తుమ్మి ‘ఎక్స్‌క్యూజ్మీ’ అంటుంది. దీప కళ్లు తెెరుస్తుంది. వెంటనే రివాల్వర్ బియ్యంలో దాచి పెట్టే ప్రయత్నం చేస్తుంది. దీప షాక్‌లో రివాల్వర్ చూసి.. ‘ఏయ్ ఎవరు.. ఎవరు నువ్వు’ అనేసరికి.. మోనిత మరింత కంగారు పడుతుంది.

సరిగ్గా అప్పుడే దీపమ్మా అంటూ దుర్గ ఎంట్రీ ఇస్తాడు. మోనిత బిత్తరపోతుంది. దుర్గ ఇక్కడికి ఎందుకొచ్చాడు? అనుకుంటూ చీర కొంగు సరి చేసుకునే క్రమంలో దీప మోనితని చూస్తుంది. ‘మోనితా..’ అంటూ వెనుకే పరుగుతియ్యబోతుంది. దుర్గ, అంజీ దగ్గరకు రావడంతో విషయం చెబుతుంది. ‘మోనిత ఎందుకుంటుంది దీపమ్మా.. మీరు ఇంటికి వెళ్లండి. మేము వెతుకుతాం’ అని నచ్చజెప్పి దీపని ఇంటికి పంపించేస్తారు. ఇక ఇంటికి వచ్చిన దీప.. సౌందర్య, భాగ్యం, ఆనందరావు,ఆదిత్య, శ్రావ్య, మురళీ కృష్ణ అందరికీ మోనితని చూశారని సోదమ్మే మోనిత అని చెప్పే ప్రయత్నం చేస్తుంది. కానీ ఎవ్వరూ నమ్మరు. భాగ్యం, మురళీ కృష్ణ అయితే.. ‘నిన్న మేము 10 నిమిషాల ఆ సోదమ్మతోనే మాట్లాడాం.. మాకు ఆ మాత్రం తెలియదా.. నువ్వు ఏదో భ్రమలో ఉన్నావ్ దీపా’ అంటూ నచ్చజెబుతారు. దాంతో దీప షాక్‌లో... ‘అంటే నేను భ్రమపడుతున్నానా’ అనుకుంటూ తనలో తనే మాట్లాడుకుంటూ పైకి వెళ్లిపోతుంది.

మొత్తానికీ మరోసారి డైరెక్టర్ రాజేంద్రగారు.. అభిమానుల్ని బురిడీ కొట్టించారు. గతంలో కూడా దీప, కార్తీక్‌లు ముద్దాడుకునే సీన్ ప్రోమోలో చూపించి ఎపిసోడ్‌లో మిస్ చేశారు. ఈ సారి దీప మర్డర్ సీన్ మిస్ చేశారు. రేటింగ్ కోసం ఇలాంటి సీన్స్ పెట్టినప్పుడు కనీసం కలలా అయినా మార్చి ప్రేక్షకుడ్ని సంతృప్తి పరచకపోతే.. అలాంటి సీన్స్ మొత్తంగా ఎపిసోడ్ నుంచే తప్పిస్తే.. కథ అభిమానుల నమ్మకాన్ని పోగొట్టుకునే అవకాశం ఎక్కవే. మరిన్ని వివరాలు తరువాయి భాగంలో చూద్దాం! ‘కార్తీకదీపం’ karthika deepam కొనసాగుతోంది. రేపటి ట్విస్ట్ మామూలుగా లేదు.. కింద లింక్‌లో చూడండి.