Karthika Deepam Today: వంటలక్క ఆక్రోశం.. రీఎంట్రీలో అల్లాడించిన దీప (కొన్నేళ్ల క్రితం ఏం జరిగిందంటే)

వంటలక్క వచ్చేసింది. మాట్లాడుతోంది. ఏడుస్తోంది. నేడు అభిమానుల మనసుల్ని మెలిపెట్టే నటనతో రీఎంట్రీ అదిరిపోయింది. నేటి కథనంలో వారణాసి.. సౌందర్య కుటుంబాన్ని కలవడమే కాకుండా.. దీప, కార్తీక్‌లు బతికే ఉన్నారనే శుభవార్త చెబుతాడు. గుడిలో ఉన్న సౌందర్య, సౌర్య, హిమ, ఆనందరావు, సత్య, స్వప్న వీళ్లందరి ముందు జరిగింది మొత్తం చెబుతూ ఉంటాడు. అదే సీన్ ఇప్పుడు చూద్దాం. నేటి కథనంలో మొదటి భాగం మిస్ అయ్యి ఉంటే.. ఈ కింద లింక్ క్లిక్ చేయండి. ఫొటోస్‌తో సహా హైలైట్స్ మీకోసం.
Read also: ‘నా కొడుకు కోడలు బతికే ఉన్నారా’ సౌందర్య సంబరం.. ‘నిన్ను పెంచినవాళ్లే నన్ను కాపాడారు’ నిజం బయటపెట్టిన హిమ

ప్రమాదం జరిగిన కొన్ని సంవత్సరాల తర్వాత..
దీప కోమాలో ఉన్నట్లుగా చూపిస్తారు. ‘డాక్టర్ బాబు..’ అంటూ గతంలో జరిగినవన్నీ తలుచుకుంటూ.. ప్రమాదాన్ని తలుచుకుంటూ ఉలిక్కిపడి కోమాలోంచి బయటికి వస్తుంది దీప. ‘డాక్టర్ బాబు..’ అని అరుస్తుంటే.. ‘నేనే డాక్టర్ బాబుని.. నేనే నీకు వైద్యం చేశానమ్మా’ అంటాడు అక్కడి డాక్టర్(దీప కార్తీక్‌ని అడుగుతున్న విషయం తెలియక). దాంతో దీప.. ఆవేదనగా పైకి లేచి.. డాక్టర్ బాబు డాక్టర్ బాబు అని పరుగులు తీస్తుంది. మొత్తం వెతుకుతూ ఉంటుంది. దీప వెనుకే డాక్టర్, నర్స్ పరుగుతీస్తారు. ‘ఆగమ్మా.. ఎవరు డాక్టర్ బాబు.. కారు యాక్సిడెంట్ టైమ్‌లో కారులో నీతో ఇంకా ఎవరైనా ఉన్నారా?’ అంటాడు డాక్టర్ అర్థం చేసుకుంటూ. ‘అవును.. కారులో నాతో పాటు.. నా డాక్టర్ బాబు ఉన్నారు’ అంటుంది దీప ఏడుస్తూ.

‘అమ్మా.. నిన్ను రంగురాళ్లు ఏరుకునే వాళ్లు ఇక్కడికి తీసుకొచ్చారు. ప్రాణాపాయ స్థితిలో లోయ వద్ద పడి ఉన్నావట.. బహుశా మీరు బతికి.. మీ డాక్టర్ బాబు..’ అని పూర్తిగా అనకుముందే.. ఆ డాక్టర్ కాలర్ పట్టుకుంది దీప ఆక్రోశంగా. వెంటనే ఏడుస్తూ.. ‘నా డాక్టర్ బాబుకి ఏం కాదు..’ అంటూ అలా పరుగుతీస్తుంది. ‘డాక్టర్ బాబు.. డాక్టర్ బాబు..’ అంటూ మొత్తం ఆసుపత్రి అంతా వెతుకుతుంది. నర్స్ దీప వెనుకే వెళ్లబోతుంటే.. ‘ఆమెని అలా ఒంటరిగా వదిలేయండి’ అంటాడు డాక్టర్. డాక్టర్ బాబు.. డాక్టర్ బాబు అని మొత్తం ఆసుపత్రి అంతా వినిపించేలా.. గుండెలు అవిసేలా దీప అరుస్తుంటే.. ఆ సీన్ చాలా ఎమోషనల్‌గా ఉంటుంది. దీప(ప్రేమి విశ్వనాథ్) ఎప్పటి లానే ఈ రీఎంట్రీలో కూడా నటనతో అభిమానుల మనసుల్ని మెలిపెట్టింది.

అలా వెతుకుతూ వెతుకుతూ వెళ్లి.. ఓ చోట కూలబడి ఏడుస్తుంది. అప్పుడు యాక్సిడెంట్ రోజున ఏం జరిగిందో గుర్తు చేసుకుంటుంది. సౌర్య.. వెనుకే పరుగు పెట్టిన సీన్.. హిమని కారులోంచి బయటకి విసిరేసిన సీన్.. అంతా తలుచుకుంటూ అల్లాడిపోతుంది. ‘నా.. నా.. పిల్ల..లు.. నా.. పిల్లలు ఏం అయ్యారు..’ అంటూ కుమిలిపోతుంది. దీప అలా ఏడుస్తుంటే.. అభిమానుల గుండెలు బరువెక్కడం ఖాయం. మరి డాక్టర్ బాబుకి ఏమైంది? వారణాసి చెప్పిన మాటల్లో ఇద్దరూ బతికే ఉన్నారు అన్నాడు. మరి డాక్టర్ బాబు ఎక్కడా? అనేది తెలియాల్సి ఉంది. రేపటి ట్విస్ట్ అదిరిపోయింది. మీరూ ఓ లుక్ వేయండి.
Read also: కార్తీకదీపం రేపటి ట్విస్ట్: మార్చురీకి వెళ్లిన దీప.. ఆ శవం డాక్టర్ బాబుదే! గుండెలు పగిలేలా రోదన