Karthika Deepam: అదరగొట్టిన మాస్ మహారాణి దీపక్క.. ‘కత్తందుకో వారణాసి’ మోనిత బతుకు వీధి పాలు!

Karthika Deepam Today: కార్తీకదీపం సీరియల్‌ 1565 ఎపిసోడ్‌లోకి అడుగుపెట్టింది. అయితే గత ఎపిసోడ్‌లో హిమకు మోనిత నిజం చెప్పడంతో పాటు.. నేనే మీ అమ్మని కాపాడగలను.. వెళ్లి మా నాన్నని ఒప్పించు అంటూ రెచ్చగొట్టి పంపిస్తుంది. ఇక హిమ.. నేటి కథనంలో ఇంటికి వెళ్తూ వెళ్తూ.. గుడి ముందు కార్తీక్ వాళ్ల కారు చూసి.. ఆగిపోతుంది. సరిగ్గా దీప గుడిలో బయలుదేరేసమయానికి.. కార్తీక్ సార్యని పిలుచుకుని వెళ్లేసరికి.. దీపకు ఉన్నట్టుండి గుండె పోటు వస్తుంది. అక్కడే పడిపోతుంది. హిమ చూసి.. అమ్మా అమ్మా అనేసరికి.. కార్తీక్ వస్తాడు. కార్తీక్ ఏదో టాబ్లెట్ ఇస్తే.. దీప కాస్త కోలుకుంటుంది. ఇక సౌర్య కూడా దీప అలా పడిపోవడం చూసి కంగారుపడిపోతుంది. ఇక దీపని సౌర్య తీసుకుని కారు దగ్గరకు వెళ్తుంది. ఇంతలో హిమ.. కార్తీక్‌ని.. ‘అమ్మ ఎక్కువ కాలం బతకదు కదా.. నాకు మోనిత ఆంటీ చెప్పింది. మోనిత ఆంటీ చెప్పినట్లే చేస్తాను అని దేవుడి ముందు ప్రమాణం చెయ్ డాడీ’ అంటూ కార్తీక్‌ని ఒప్పించే ప్రయత్నం చేస్తుంది.

కార్తీక్ ప్రమాణం చేయకుండా.. మోనిత మాటలు నమ్మొద్దని చెబుతాడు హిమకి. దాంతో ‘నాకు తెలుసు డాడీ.. మీరు మారలేదు.. అమ్మ అంటే మీకు ఇప్పటికీ ఇష్టం లేదు కదా?’ అంటూ తిట్టేస్తుంది ఏడుస్తూ. ఇక సీన్ కట్ చేస్తే.. సౌందర్యని కూడా అలానే ఒప్పించడానికి ట్రై చేస్తుంది. మీకు అమ్మ బతకడం ఇష్టం లేదా? అంటూ అరిచేస్తుంది. ఇక సౌందర్య, కార్తీక్.. హిమ ప్రవర్తన గురించి.. మోనిత చేస్తున్న కుట్ర గురించి మాట్లాడుకుంటూ ఉంటే.. మళ్లీ హిమ వచ్చి.. గొడవ పడుతుంది. ‘మోనిత ఆంటీ అసలు ఏం అంటుందో నీకు తెలియదు హిమా.. వింటే నీకే అర్థమవుతుంది’ అంటూ నచ్చజెప్పే ప్రయత్నం చేస్తారు కార్తీక్, సౌందర్య. ‘నాకు అదంతా అవసరం లేదు.. మోనిత ఆంటీ మాట విని.. మీరు అమ్మని కాపాడాల్సిందే..’అంటూ మాటలు అనేసి.. ఏడుస్తూ వెళ్లిపోతుంది.

‘అంతా విన్నాను డాక్టర్ బాబు.. ఆ మోనిత చిన్న పిల్ల మనసు కూడా చెడగొట్టేసిందంటే.. దాన్ని ఏం చేసినా పాపం లేదు.. దాని అంతు చూస్తాను. అసలేం జరిగింది?’ అంటూ దీప ఆవేశపడిపోతుంది. మోనిత గుండె నీకు ఇస్తుందట అని దీపకు తెలియజేయడంతో పాటు.. ఆవేశపడొద్దు దీపా.. అంటూ కార్తీక్, సౌందర్యలు ఆపే ప్రయత్నం చేస్తారు. కానీ.. ‘లేదు డాక్టర్ బాబు.. రేపు నేను పోయాక హిమ మనసులో మీరు చెడ్డవాళ్లుగా మిగిలిపోతారు కదా.. దాని పని చెబుతాను’ అంటూ దీప లోపలకిి వెళ్లిపోతుంది.

ఇక మరునాడు ఉదయాన్నే.. మోనిత నిద్రలేచేసరికి.. సూర్యకిరణాలు మోనిత మీద పడుతూ ఉంటాయి. ఉలిక్కిపడి లేస్తుంది మోనిత. తను మంచంతో సహా.. వీధిలో ఉంటుంది. షాక్ అయిపోతుంది. ‘మంచం వీధిలోకి ఎవరు తెచ్చారు?’ అనుకునేసరికి జనం మూగిపోతారు. ‘నేనేనే.. అందరి బతుకులు వీధిపాలు చేస్తుంటావ్ కదా.. అందుకే నేను నిన్ను వీధిలో పడుకోబెట్టాను’ అంటూ వారణాసితో కలిసి ఎంట్రీ ఇస్తుంది దీప. నిజానికి వారణాసి కోమాలో ఉన్నాడని చెప్పడమే కానీ.. కోలుకున్నట్లు కూడా చూపించలేదు. నేటి కథనంలో సీన్ కోసం తీసుకొచ్చినట్లు సడెన్‌గా దించేశారు.

‘హేయ్ నిన్నూ’ అంటూ మోనిత రెచ్చిపోతూ పైకి లేవబోతుంటే.. ‘హేయ్.. ఏంటే ఎక్కువ చేస్తున్నావ్.. నిన్ను పడుకోబెట్టడం కాదే.. ఎక్కువ చేస్తే పాతేస్తా.. ఏంటే కొత్త నాటకాలు మొదలుపెట్టావ్? నన్ను బతికించడానికి నీ గుండెనిస్తావా? కత్తి తీసుకుని రా వారణాసి.. ఇప్పుడే కోసి తీసుకెళ్తాను.. ఎలా ఇస్తుందో చూస్తాను.. ఇవ్వవే..’ అంటూ మోనితని గుంజుతుంది దీప. ‘హూ.. వదులు.. ఇంతే విషయం.. ఇంకేదో అయిపోయిందనుకున్నాను కదా.. దీపా.. సరేలే.. ఒకప్పుడంటే మనం కొట్టుకున్నాం కానీ.. ఇప్పుడు నేను నీకు నా గుండెని ఇస్తాను కదా.. చివరి కోరికగా కార్తీక్‌ని పెళ్లి చేసుకుందాం అనుకున్నా’అంటూ ఇక్కడ కూడా మోనిత తన బుద్ధి చూపిస్తుంది.

దాంతో దీప.. చడామడా తిట్టడంతో పాటు.. చుట్టు ఉన్న జనాల ముందు మోనిత పరువు తీసేస్తుంది. ‘పన్నెండేళ్లుగా ఈ మోనిత నా మొగుడి కోసం మమ్మల్ని వేధిస్తూనే ఉంది’ అంటూ మోనిత గురించి చాలా తప్పుగా మాట్లాడుతూ ఉంటుంది. మోనిత రెచ్చిపోతూ.. ‘తప్పు చేస్తున్నావ్ దీపా.?’ అంటూ వార్నింగ్ ఇస్తూ ఉంటుంది. మరిన్ని వివరాలు తరువాయి భాగంలో చూద్దాం! ‘కార్తీకదీపం’ karthika deepam కొనసాగుతోంది. (photo courtesy by star మా and disney+ hotstar)