Karthika Deepam Serial ట్విస్ట్: సౌర్యలో సంఘర్షణ.. ప్రేమని పరీక్షించే ప్రయత్నంలో ‘మీ అమ్మలాగే నీకు కాస్త తిక్క ఉన్నట్టుంది’ డాక్టర్ బాబు సెటైర్

బుల్లితెర ప్రేక్షకుల్ని ఎంతగానో ఆకట్టుకుంటున్న ‘కార్తీకదీపం’ సీరియల్.. నేడు(2021 ఏప్రిల్ 9)న 1009 ఎపిసోడ్‌కి ఎంటర్ అయ్యింది. అయితే రేపటి ప్రోమోలో అదిరిపోయే ట్విస్ట్ ఉంది. నేటి ఎపిసోడ్ మిస్ అయ్యి ఉంటే.. ఈ కింద లింక్ క్లిక్ చెయ్యండి.
Karthika Deepam ఏప్రిల్ 9 ఎపిసోడ్: సూపర్ హిట్ సీన్స్.. ఇందుకే కదూ కార్తీకదీపం నంబర్ 1 అయ్యింది..
ప్రోమో హైలైట్స్..
సౌర్య మేడపైనుంచి చూస్తూ.. ‘నాన్న వస్తే నేను డాక్టర్ బాబు అని పిలుస్తాను.. అలాగే పిలువు బాగుంది అని అంటే..నా మీద ప్రేమ లేనట్టే..’ అని ఓ టెస్ట్ పెట్టుకుంటుంది. సరిగ్గా అప్పుడే కార్తీక్ కారు వచ్చి ఆగడంతో.. కారుని చూసి సౌర్య కిందకి పరుగున వెళ్లి.. ‘పొద్దున్నే ఎక్కడికి వెళ్లారు డాక్టర్ బాబు..?’ అంటుంది. కార్తీక్ అయోమయంగా చూస్తూ.. ‘ఏంటే రౌడీ కొత్తగా మాట్లాడుతున్నావ్? మీ అమ్మలాగే నీకు కాస్త తిక్క ఉన్నట్టుంది..’ అంటాడు కాస్త కఠినంగా.

సీన్ కట్ చేస్తే.. దీప మెట్లు దిగుతూ బాధగా ఆవేదనగా.. ‘భగవంతుడా? ఏంటీ నాకీ పరీక్ష..?’ అనుకుంటూనే మెట్లపై కూలబడుతుంది. ‘పిల్లల భవిష్యత్ కోసం నా ఆత్మగౌరవం చంపుకోవాలా? నా మీద ప్రేమే లేదంటుంటే.. ఎందుకు ఉండాలి?’ అంటూ ఆవేశంగా అక్కడ నుంచి పైకి లేస్తుంది. మరి దీప ఉంటుందా? వెళ్లిపోతుందా? ఎవరైనా ఆపుతారా? అనేది ఉత్కంఠగా మారింది.