Karthika Deepam Serial ట్విస్ట్: డాక్టర్ బాబు.. ఇదేం ప్రేమ నాయనా? చిటికెలేస్తూ మరీ ఫైర్ ‘దీపా.. నీకు ఉంటుంది చూడూ’

బుల్లితెర ప్రేక్షకుల్ని ఎంతగానో ఆకట్టుకుంటున్న ‘కార్తీకదీపం’Karthika Deepam Serial సీరియల్.. నేడు(2021 ఏప్రిల్ 10)న 1010 ఎపిసోడ్‌కి ఎంటర్ అయ్యింది. అయితే రేపటి ప్రోమోలో అదిరిపోయే ట్విస్ట్ ఉంది. నేటి ఎపిసోడ్ చాలా ఉత్కంఠగా మారింది. ఆ హైలైట్స్ మిస్ అయ్యి ఉంటే ఈ కింద లింక్ క్లిక్ చేయండి.
Karthika Deepam ఏప్రిల్ 10 ఎపిసోడ్: షాకింగ్ ట్విస్ట్.. ‘దీప బతకడం కష్టం’ రిపోర్ట్ చూసిన డాక్టర్ మాటిది
ప్రోమో హైలైట్స్..
దీప తన గదిలో తండ్రితో మాట్లాడుతూ ఉండగా గుమ్మం దగ్గర నుంచి వెళ్తున్న సౌందర్య అటు చూసి ఆగుతుంది. మురళీ కృష్ణ కార్తీక్ ఇచ్చిన టాబ్లెట్స్ టానిక్స్ అన్నీ తెచ్చి.. దీపకు అందిస్తూ.. ‘నేను డాక్టర్ దగ్గరకు వెళ్లి నీ పరిస్థితి చెబితే.. ఈ మందులు రాసిచ్చారు’ అంటాడు. దీప కళ్లు పైకి ఎత్తి చూస్తూ.. ‘ఇవన్నీ రాసిచ్చారా? ఇచ్చారా’ అంటుంది. ‘ఏంటమ్మా’ అని మురళీ కృష్ణ అర్ధం కానట్లుగా అడిగితే.. ‘ఇవి ఇచ్చింది డాక్టరా? డాక్టర్ బాబా?’ అంటుంది దీప. మురళీ కృష్ణ షాక్ అవుతాడు. అంతా వింటున్న సౌందర్య అప్పటికే వాళ్ల దగ్గరకి వచ్చినట్లుంది.. ‘దీపా..?’ అంటుంది బాధగా.

సీన్ కట్ చేస్తే కార్తీక్ పిల్లో విసిరి కొడుతూ ప్రెస్టేషన్ ఫీల్ అవుతాడు. ‘ఇప్పుడు కానీ మీ నాన్నతో పంపించిన మందులు వేసుకోలేదో..’ అంటూ వణుకుతున్న స్వరంతో చిటికెలు వేసిమరీ.. ‘నీకు ఉంటుంది.. నీకు ఉంటుంది’ అని తనలో తనే ఫైర్ అయిపోతూ ఉంటాడు. ‘నా గుండె మండిపోతుంది.. ఇప్పుడు మందులు ఇచ్చి వేసుకోమంటే ఎలా వేసుకుంటాను అనుకున్నాడు?’ అని అంటుంది దీప.. సౌందర్య, మురళీ కృష్ణలతో. ‘నీకోసం కాకపోయినా నీ పిల్లల కోసమైనా’ అని మురళీ కృష్ణ ఎమోషనల్‌గా రిక్వస్ట్ చేస్తుంటే.. ‘ఆపు నాన్నా’ అని అరుస్తుంది దీప. కార్తీక్ ‘దీని బోడి సెల్ఫ్ రెస్పెక్ట్.. ప్రాణం కన్నా ఎక్కువా’ అంటూ కార్తీక్ చైర్‌లో కూర్చుని చాలా రగిలిపోతాడు. ప్రోమోలో అటు దీప, ఇటు కార్తీక్ సీన్స్ కట్ చేసి కలిపి చూపించడంతో కథ చాలా ఉత్కంఠగా మారింది. మొత్తానికి కార్తీక్ ఆవేశం చూస్తుంటే.. ‘డాక్టర్ బాబు ఇదేం ప్రేమయ్యా బాబు’ అనేట్టుగా ఉంది సీన్.