Guppedantha Manasu జూన్ 15 ఎపిసోడ్: వసుధరపై స్కెచ్, వినేసిన ధరణి.. రసవత్తరంగా మారిన రాజీవ్ పథకం

బుల్లితెర ప్రేక్షకుల్ని ఎంతగానో ఆకట్టుకుంటున్న ‘గుప్పెడంత మనసు’ సీరియల్.. నేడు(2021 జూన్ 15)న 164 ఎపిసోడ్‌కి ఎంటర్ అయ్యింది.

164వ ఎపిసోడ్‌ హైలైట్స్..
వసుధరకు మరోసారీ టీ పెట్టి శభాష్ అనిపించుకున్నాడు రిషి. వసు మనసులో.. ‘ఇదంతా చూస్తుంటే.. సార్ బాగా హర్ట్ అయినట్లు ఉన్నారు’ అనుకుంటుంది. సీన్ కట్ చేస్తే ధరణి బట్టలు ఆరేస్తుంది. సరిగ్గా అప్పుడే సంజు దేవయానిని ‘పెద్దమ్మా పెద్దమ్మా ఇటురా..’అంటూ అక్కడకి తీసుకొస్తుంది. వెంటనే ధరణి ఆగి వింటూ ఉంటుంది. ‘పెద్దమ్మా ఈ రోజు రిషీ అన్నయ్యా ఆ వసుధరకు లెఫ్ట్ అండ్ రైట్ ఇచ్చేశాడు తెలుసా.. భలే భలే మాట్లాడాడు. వసుధర మాట్లాడలేకపోయింది తెలుసా’ అంటూ చెబుతుంది. ‘మనకు కావాల్సిందే అదే కదా సంజూ.. అందుకే కదా.. ఆ వసుధరను ఇక్కడికి పిలిపించింది. ఆ జగతిని చూసుకుని ఆ వసుధర రెచ్చిపోతుంది. దాని పొగరు మనం అనిచేలా చెయ్యాలి’ అంటూ అంటూ బట్టల మధ్యలో ఉన్న ధరణీని చూసి షాక్ అవుతుంది దేవయాని.

‘ఏయ్.. ఇలా రా..’ అంటుంది బట్టలు వెనుక వైపు ఉన్న ధరణిని. భయపడుతూ వచ్చిన ధరణీని.. ‘ఏయ్ మేము మాట్లాడుకునేవన్నీ దొంగచాటుగా వింటున్నావా’ అని తిడుతుంది. దాంతో ధరణి అమాయకంగా ముఖం పెట్టి.. ‘మీరు మాట్లాడుకుంటుంటే నేను వచ్చి విన్నప్పుడు దాన్ని దొంగతనంగా వినడం అంటారు అత్తయ్యా.. నేను బట్టలు ఆరేసుకుంటే మీరు వచ్చి మాట్లాడుకునేదాన్ని దొంగతనంగా వినడం అనరు కదా అత్తయ్యా..’ అంటూ అదిరిపోయే సమాధానం ఇస్తుంది. దాంతో దేవయాని కోపంగా.. ‘చాలు ఎదురు సమాధానం చెప్పడం బాగా అలవాటు అయ్యింది. వెళ్లలు ఇక్కడ నుంచి’ అని తిట్టి పంపించేస్తుంది. ‘ఈ ధరణి ఆ వసుధరకి ఫ్యాన్.. దీని మీద కూడా ఓ కన్ను వేసి ఉంచు’ అంటుంది సంజుతో దేవయాని. ధరణి కాస్త దూరం వెళ్లి వెనక్కి తిరిగి.. ‘వసుధర, రిషి కొట్టుకుంటున్నారని గొడవపడుతున్నారని మీరు అనుకుంటున్నారు. కానీ అది నిజం కాదు వాళ్లు దగ్గర కాబోతున్నారు’ అనుకుంటుంది.

సీన్ కట్ చేస్తే.. నైట్‌కి వసుధర జగతి దగ్గరకు వెళ్లి తన సంతోషాన్ని పంచుకుంటుంది. ‘మేడమ్ నేను సాధించాను.. నేను సాధించాను.. రేపే మా బావకి డబ్బు విసిరికొట్టి తన పీడ వదిలించుకుంటాను’ అంటుంది. దాంతో జగతీ సంతోషిస్తుంది. సరిగ్గా అప్పుడే రాజీవ్ కాల్ చేసి.. ‘సారీ వసు నేను తాగి పడిపోకుండా ఉండాల్సింది’ అంటూ ఏదో చెప్పబోతుంటే.. ‘బావా చాలు నువ్వేం చెప్పొద్దు.. నేనేం వినను. రేపు ఉదయాన్నే బ్యాంక్ దగ్గరకు రా.. నీ డబ్బు నీ ముఖాన్న కొడతాను..’ అంటూ ఫోన్ పెట్టేస్తుంది. ఇక ఆ రోజు రాత్రంతా వసుధర కారులో సెటైర్స్ వేసిన వన్నీ గుర్తు చేసుకుని ‘వసుధరా నీ పొగరు నాకు నచ్చలేదు’అంటూ ఊహల్లో విహరిస్తాడు మన హీరో రిషేంద్ర భూషణ్. తండ్రి వచ్చి కాలేజ్ పనుల గురించి మాట్లాడుతున్నా నాకు ఇప్పుడు మూడ్ లేదని పంపించి మరీ వసుధర గురించే ఆలోచిస్తాడు.

ఇక మరునాడు ఉదయాన్నే వసుని కలవడానికి ఆఫీస్‌కి త్వరగా వస్తాడు. అయితే వసు రాదు. వసు ఫ్రెండ్ పుష్పాని పిలిచి.. ‘మీ ఫ్రెండ్ ఏంటీ ఇంకారాలేదు’ అంటే.. ‘ఈ రోజు రానంది సార్’ అంటుంది పుష్ప. దాంతో రిషీ.. ‘అలా ఎలా రాకుండా ఉంటుంది’ అని ఫైర్ అయ్యి వెంటనే కవర్ చేసుకుంటూ.. ‘అదే.. క్లాసులు మిస్ అవుతుంది కదా.. ఓకే నువ్వు వెళ్లు’ అంటూ.. ‘వసుధార నువ్వు కాలేజ్‌కి రాకుంటే వదిలేస్తానా’ అనుకుంటాడు. కారు తీసుకుని బయలుదేరతాడు. వసుధర బ్యాంక్ వెళ్తున్నప్పటికే రాజేంద్ర బ్యాంక్ దగ్గర ఉంటాడు. వసు లోపలికి వెళ్లగానే.. ‘వెల్లు వసు.. రాగానే నీ ధైర్యం, నీ ఆత్మవిశ్వాసం అన్నీ పోగొట్టి.. నిన్ను నా దాన్ని చేసుకునే ప్లాన్ నా దగ్గర ఉంది’ అంటూ వసు వచ్చేసరికి ముఖానికి కర్చిప్ కట్టుకుని.. హెల్మెట్ పెట్టుకుని.. వసు డబ్బుతో సహా బయటికి రాగానే.. బ్యాగ్ లాక్కుని బైక్ మీద వెళ్లిపోతాడు. పాపం వసు ఏడుస్తూ అరుస్తూ బైక్ వెనుకే చాలా దూరం పరుగుతీస్తుంది.

ఓ చోట ఆయాసం వచ్చి ఆగిన వసు దగ్గరకు రిషి కారు వచ్చి ఆగుతుంది. ‘సార్ మీరా.. ప్లీజ్ దొంగ నా బ్యాగ్ తీసుకుని పారిపోతున్నాడు.. ప్లీజ్ సార్.. వాడ్ని పట్టుకోవాలి’ అనడంతో.. సరే కారు ఎక్కు అంటాడు రిషి. కమింగ్ అప్‌లో.. రిషి దొంగని పట్టుకోవడానికి ప్రయత్నించడకుండా.. వసుని వేరే చోటకి తీసుకుని వెళ్లిపోతాడు. ‘ముందు మనసంగతి తేల్చమంటాడు. దాంతో వసు ఏడుస్తూ ఆ బ్యాగ్‌లో లక్షలు ఉన్నాయి అనడంతో రిషి షాక్ అవుతాడు. ఇక గొడవ స్టార్ అవుతుంది. మరిన్ని వివరాలు తరువాయి భాగంలో చూద్దాం! ‘గుప్పెడంత మనసు’ కొనసాగుతోంది.