Guppedantha Manasu అక్టోబర్ 16 ఎపిసోడ్: దేవయాని ప్లాన్ చిత్తు చేసేసిన వసు! సూపర్ ట్విస్ట్..

బుల్లితెర ప్రేక్షకుల్ని ఎంతగానో ఆకట్టుకుంటున్న ‘గుప్పెడంత మనసు’ సీరియల్.. నేడు(2021 అక్టోబర్ 16)న 270 ఎపిసోడ్‌కి ఎంటర్ అయ్యింది.

270వ ఎపిసోడ్‌ హైలైట్స్..
దేవయాని వేసిన ప్లాన్ ఫలించింది. జగతిని పిలిచి రెచ్చగొట్టి జగతి మాటలన్నీ వీడియో తీయించిన సంగతి తెలిసిందే. అయితే అదేవిషయం చెప్పడానికి రిషికి కాల్ చేస్తుంది దేవయాని. ఫోన్ లిఫ్ట్ చేసిన రిషితో.. ‘రిషీ.. నాన్నా..’ అంటూ ఆందోళనగా మాట్లాడుతుంది. రిషి కంగారుపడతాడు. ‘నాన్నా రిషి.. నిన్ను చిన్నప్పటి నుంచి ఎంత అపురూపంగా చూసుకున్నాను నేను.. కానీ .. ఇలా జరుగుతుందంటే..’ అని నాటకం మొదలుపెడుతుంది దేవయాని. ‘పెద్దమ్మా ఏం అయ్యింది?’ అని రిషి అనడంతో.. ‘అసలు నాకు బతకాలనే లేదు నాన్నా’అంటుంది దేవయాని నవ్వుతూ మాట్లలో వణుకుని నటిస్తూ.. ‘పెద్దమ్మా ఏంటి అలా మాట్లాడుతున్నారు?’ అంటాడు రిషి కంగారుగా.. ‘ఆ జగతి..’ అని గ్యాప్ ఇచ్చి.. రిషి ఎమోషన్స్‌ని రెచ్చగొడుతుంది దేవయాని.

‘పెద్దమ్మా ఏం జరిగింది.. త్వరగా చెప్పండి.. ప్లీజ్.. నన్ను.. కాదు.. నిన్ను.. నానా మాటలు అంది రిషి.. తనేమంటుందో రిషి.. ఈ రోజు జరిగే ఛానల్ ఇంటర్వ్యూలో తను అంతా చెప్పేస్తుందట..’ అని దేవయాని.. చెబుతుంటే.. ‘అంతా అంటే’ అని అంటాడు రిషి కోపంగా.. ‘అంతా అంటే.. నువ్వు తన కొడుకువి అని.. మహేంద్ర తన..’ అని గ్యాప్ ఇవ్వగానే.. ‘పెద్దమ్మా మీరు చెప్పేది నిజమా? అసలు తనని మీరెందుకు కలిశారు’ అంటాడు రిషి కంగారుగా.. ‘అయ్యో నేనెందుకు అబద్దం చెబుతాను..తను ఎలా బెదిరిస్తుందో తెలుసా తను..? బయట కలిశాం. నన్ను ఎన్ని మాటలు అందో.. నన్ను ఎంత అవమానించిందో.. నన్ను వదిలెయ్.. తనే కాల్ చేసి రమ్మంది.. ఏదోలా మాట మార్చకూడదు అనే నేను వీడియో రికార్డింగ్ చేయించాను రిషి.. నీకు పంపించాను చూడు’ అంటూ ఫోన్ పెట్టేస్తుంది దేవయాని.

ఇక మీడియా రావడానికి ముందు జరిగే కాలేజ్ ఏర్పాట్లు అన్నీ వసు చూసుకుంటూ ఉంటే.. రిషి మాత్రం ఆ వీడియో చూసి రగిలిపోతూ ఉంటాడు. జగతి కారు దిగగానే.. కాలేజ్ బాయ్ ‘మేడమ్ మిమ్మల్ని ఎండీ గారు రమ్మంటున్నారు’ అని పిలుస్తాడు. జగతి రిషి క్యాబిన్‌కి వెళ్తుంది. వెటకారపు మాటలు తర్వాత వీడియో చూపిస్తాడు. అందులో జగతి కోపంగా అన్న మాటలే.(మీడియా ముందు మహేంద్ర భూషణ్ నా భర్త అని.. రిషేంద్ర భూషణ్ నా కొడుకు అని చెప్పగలను) ఉండటం చూసి. జగతి షాక్ అయిపోతుంది. ‘ఏం చేద్దాం అనుకుంటున్నారు? కాలేజ్‌లో మా కుటుంబ పరువు తీద్దామని నిర్ణయించుకున్నారా.. మా కుటుంబ పరువు’ అంటూ గట్టిగానే అరుస్తాడు. ‘మీ పెద్దమ్మగారు మొత్తం మీడియో పంపిస్తే బాగుండేది.. వెనుక ముందు కట్ చేసి తనకు అనుకూలంగా ఉండేలా ఒక్క ముక్క మాత్రమే పంపించారు..’ అంటుంది జగతి. ‘అంటే..’ అంటాడు రిషి. ‘వీడియో తెలియకుండా తియ్యించారు.. ఈ విడియోకి అటు ఇటు లేదు.. మనం ఉన్నాం.. అంతే సార్’ అంటుంది జగతి బాధగా.. ‘అంటే ఇది మీరు అనలేదా’ అంటాడు రిషి. ‘అన్నాను.. ఏ పరిస్థితుల్లో అన్నానో.. కావాలని పిలిచి.. నాతో అలా అనిపించారు మీ పెద్దమ్మగారు’ అని జగతి బదులిస్తుంది.

బంధాలతో బ్లాక్ మెయిల్ చేద్దాం అనుకుంటున్నారా మేడమ్’ అంటాడు రిషి కోపంగా.. ‘హూ.. బంధం అంటూ ఉందని నమ్మితే కదా సార్ బ్లాక్ మెయిల్ చెయ్యడానికి.. అయినా బంధం అనే పదం మొదటిసారి మీ నోటి వెంట విన్నాను.. చాలా సంతోషం’ అంటుంది జగతి. ‘ఇదంతాకాదు.. ఈ వీడియో నిజమా అబద్దమా’ అంటూ గట్టిగా నిలదీసేసరికి.. ‘నిజమే’ అంటుంది జగతి. ‘మేడమ్ దయచేసి ఈ ఇంటర్వ్యూకి మీరు రావద్దు.. కాలేజ్‌ నుంచి వెళ్లండి.. ఈ విషయం మహేంద్ర సార్‌కి చెప్పరనే అనుకుంటాను’ అనడంతో.. జగతి బాధగా కాలేజ్ నుంచి వెళ్లిపోతుంది.

ఇక జగతి రాలేదని మహేంద్ర, జగతి కంగారు పడుతూ జగతికి కాల్ చేస్తున్నా జగతి బాధగా ఫోన్ చూసి కూడా అక్కడ నుంచి వెళ్లిపోతుంది. ఇక మహేంద్ర..కాల్ చేసి చేసి జగతి లిఫ్ట్ చెయ్యకపోవడంతో.. జగతి కోసం బయలుదేరతాడు. అప్పుడే ఆఫీస్ బాయ్.. ‘జగతి మేడమ్ వచ్చి వెళ్లిపోయారు’ అనడంతో కంగారు పడతాడు వసు, మహేంద్రలు. ‘మీతో నేను వస్తాను సార్’ అంటూ మహేంద్ర వెనుకే బయలుదేరుతుంది వసు. ఇక కమింగ్ అప్‌లో.. వసు, మహేంద్ర కారు ఎక్కి కాలేజ్ నుంచి బయలుదేరతున్న సమయంలో రిషి అడ్డుపడతాడు. ‘వసుధరా.. ఎక్కడికి’ అంటే.. జగతి మేడమ్ వచ్చి వెళ్లారట సార్.. తీసుకుని రావడానికి వెళ్తున్నాం అని వసు చెప్పగా మహేంద్ర కూడా అదే అంటాడు. ‘మీడియా వాళ్లు వచ్చేశారు.. ముందు రండీ’ అనగానే.. మహేంద్ర రిషి వెనుకే నడవబోతుంటే.. వసు ఆగిపోతుంది. ‘నేను రాను సార్.. మేడమ్ లేకుండా ఆ ఇంటర్వ్యూకి నేను రాను’అనేస్తుంది. ‘నీకు నేను ముఖ్యమా మేడమ్ ముఖ్యమా అని రిషి కోపంగా అనడంతో.. వసు ఎలాంటి సమాధానం ఇవ్వబోతుందోననే ఆసక్తి పెరిగిపోయింది. మొత్తానికీ రిషికి కంగుతినిపించిన వసు.. దేవయాని పాచికలు పారకుండా చెయ్యగలదు. జగతితోనే ఇంటర్వ్యూలో కూర్చుంటుంది. చూద్దాం ఏం జరగనుందో.