Ennenno Janmala Bandham ఎపిసోడ్: వేద, మాలవికల మధ్య వార్.. రెచ్చగొట్టి వదిలేసిన అభి..

Ennenno Janmala Bandham వసంత్, కీర్తీ(దామోదర్ చెల్లెలు)ల నిశ్చితార్థానికి మాలవిక, అభి వచ్చిన సంగతి తెలిసిందే కదా.. ఈ క్రమంలోనే కథనం ఉత్కంఠగా మారింది. ‘నాపై ఇంకా యష్‌ని ఏ మాత్రం ప్రేమ చావలేదు’ అంటుంది అభితోనే చెబుతుంది మాలవిక. అభి కాస్త ఈర్ష్యగా ఫీల్ అయినా.. మాలవిక మాత్రం అదే మాట మీద ఉంటుంది. తన అందాన్ని యష్ బానిస అన్నట్లుగా చూస్తూ ఉంటుంది. మరోవైపు వసంత్, చిత్రల ప్రేమాయణం గురించి ఆరా తియ్యడానికి.. దామోదర్‌తో మాట్లాడుతుంది మాలవిక.

అప్పుడే దామోదర్ మాటల్లో.. ‘యష్, వేదాలు నాకు భార్యభర్తలుగా ఎప్పుడో తెలుసు’ అంటాడు. దాంతో పెళ్లి కాకుండానే వేదా, యష్‌ల భార్యభర్తల నాటకం గురించి దామోదర్‌కి ఇంకా తెలియదు అనుకున్న మాలవిక.. ‘వాళ్లు భార్యభర్తలు కాదు.. కుషీ వేద కూతురు కాదు.. యష్ భార్యని నేను.. కుషీ నా కూతురు.. ఆ నిజం మీకు చెప్పకుండా మిమ్మల్ని యష్, వేదాలు మోసం చేశారు.. ఇంకా యష్ నన్ను ప్రేమిస్తూనే ఉన్నాడు’ అంటుంది. ఆ మాటలు దామోదర్ నవ్వుతాడు. ‘వేదా, యష్‌ల గురించి నాకు బాగా తెలుసు.. వాళ్ల పెళ్లి అని తర్వాత మొత్తం నిజం చెప్పారు.. అయినా మీరు అభితో ఉంటున్నారట కదా.. మీ జీవితం మీరు చూసుకున్న తర్వాత కూడా యష్ జీవితాన్ని దెబ్బతియ్యాలని ఇలాంటి ఆలోచనలు మానుకుంటే మంచిది’ అంటూ వార్నింగ్ ఇచ్చి మరీ పక్కకు వెళ్లిపోతాడు దామోదర్.

ఇక నేటి కథనంలో(656వ ఎపిసోడ్‌‌లో).. వేదా చేతికి మెహిందీ పెట్టుకుని నటిస్తుంటే.. కాలి పట్టీ ఊడిపోతుంది. అందుకుందామనుకునేలోపు యష్ వస్తాడు. చూసి చూడనట్లుగా పక్కకు వెళ్లిపోతాడు. అది చూసి.. ‘ఇదేం మొగుడో’ అనుకుంటూ వంగి కాలి పట్టా ఇబ్బందిగా అందుకుంటూ ఉంటే.. యష్ వెనుక నుంచి వచ్చి.. కాలి పట్టా తీయడంతో పాటు.. వేదా కాలిని తన మోకాలిపై పెట్టుకుని తనే కాలికి పెడితాడు. ఆ సీన్ చాలా రొమాంటిక్‌గా ఉంటుంది. బ్యాగ్రౌండ్‌లో పాట కూడా ప్లే అవుతూ ఉంటే.. ఇద్దరూ ఒకరి కళ్లల్లోకి ఒకరు చూసుకుంటూ ప్రేమని ఆశ్వాదిస్తూ ఉంటారు. ఆ సీన్ చూసేస్తుంది మాలవిక. రగిలిపోతుంది. అయితే మాలవికని గమనించని వేదా, యష్‌లు.. తమ లోకంలో విహరిస్తూ ఉంటారు.

అప్పుడే వేద.. యష్‌తో.. ‘ఇది నా అందం కాదు.. చీర వల్ల వచ్చింది అన్నారు కదా? ఇప్పుడు ఏం అంటారు?’ అంటుంది కొంటెగా చూస్తూ.. వెంటనే యష్.. వేదా కంటికి ఉన్న కాటుకుని తీసుకుని వేదా అరికాలుకి అంటిస్తాడు దిష్టి చుక్కలా. వేద గుండెల్లో గుబులు మొదలవుతుంది. అది చూసి మరింత రగిలిపోతుంది మాలవిక. ఇక వేద కాలు తీసి ముందుకు కదులుతుంది. యష్ అక్కడ నుంచి వెళ్తాడు. మరోవైపు చిత్ర మీద వసంత్‌కి ఉన్న ప్రేమని తిరిగి రప్పించడానికి.. ఈ పెళ్లి వద్దు అని వసంత్ తనంతట తాను చెప్పేలా చేయడానికి చిత్ర, వైభవ్, వేదా అంతా ప్రయత్నిస్తూనే ఉంటారు.

మాలవిక మాత్రం.. వేదా, యష్‌ల ప్రేమని గుర్తు చేసుకుంటూ ఉండగా.. అభి వచ్చి.. ‘పదా డార్లింగ్ పోదాం.. మళ్లీ మళ్లీ ఆ యష్ దగ్గర ఓడిపోవడం దేనికీ.. మరో అవకాశం వచ్చినప్పుడు చూసుకుందాం’ అంటాడు కావాలనే. ‘లేదు అభి.. ఏదో అవకాశం ఇప్పుడే దొరకుతుంది.. ఇప్పుడే ఏదొకటి చేద్దాం.. చిత్ర, వసంత్‌ల విషయంలో నాకు ఏదో డౌట్ కొడుతుంది. ఆ దామోదర్ కూడా నీతులు చెప్పడానికే ప్రయత్నించాడు.. నా మీద యష్‌కి ఉన్న ప్రేమని నిరుపించే ఇక్కడి నుంచి కదులుతాను’ అంటూ రెచ్చిపోతుంది. ‘నువ్వు ఇలా రెచ్చిపోవడమే నాకు కావాలి బంగారం’ అనుకుంటాడు అభి మనసులో.

ఇక వేద.. కాస్త దూరం నుంచి యష్‌ని చూసుకుని మురిసిపోతుంటే.. అక్కడికే వెళ్తుంది మాలవిక. ‘నా మాజీ మొగుడ్నే కన్ను ఆర్పకుండా చూస్తున్నట్లు ఉన్నావ్.. యష్ ప్రేమ నాకే సొంతం.. నీది కాదు.. ఎప్పటికీ యష్ నన్నే ప్రేమిస్తాడు’ అంటూ పొగరుగా మాట్లాడుతుంది కమింగ్ అప్‌లో.. వేదా ఆ మాటలకు నొచ్చుకుని కంటతడిపెడతున్న సీర్ రేపటి ఎపిసోడ్‌లో చూద్దాం. మరిన్ని వివరాలు తరువాయి భాగంలో చూద్దాం! Ennenno Janmala Bandham కొనసాగుతోంది.