Karthika Deepam Serial సూపర్ ట్విస్ట్: దీపకి పాయిజన్ ఇచ్చిన సంగతి తెలుసుకున్న కార్తీక్.. మోనితకి ఫ్యూజులు ఎగిరిపోయాయి

బుల్లితెర ప్రేక్షకుల్ని ఎంతగానో ఆకట్టుకుంటున్న ‘కార్తీకదీపం’ సీరియల్.. నేడు(2021 ఏప్రిల్ 19)న 1017 ఎపిసోడ్‌కి ఎంటర్ అయ్యింది. అయితే రేపటి ప్రోమోలో అదిరిపోయే ట్విస్ట్ ఉంది. దీపని హక్కున చేర్చుకున్నాడు కార్తీక్. దీప చావుబతుకుల మధ్య కొట్టుమిట్టాడుతుందని ఆరోగ్య పరిస్థితి ఏ మాత్రం బాగోలేదని తెలుసుకున్న కార్తీక్.. దీపని దగ్గరకు తీసుకోవడంతో కథ ఉత్కంఠగా మారిన సంగతి తెలిసిందే. అయితే నేటి ఎపిసోడ్‌లో దీప చాలా ఎమోషనల్ అయిపోయింది. ఇక మోనిత చేసే ప్రయత్నాలు సౌందర్య చెవిన పడతాయి. నేటి హైలైట్స్ మిస్ అయ్యి ఉంటే ఈ కింద లింక్ క్లిక్ చేయండి.
Karthika Deepam ఏప్రిల్ 19 ఎపిసోడ్: కుమిలి కుమిలి ఏడ్చిన దీప.. ‘ఈ మోనిత వదిలేలా లేదే’.. సౌందర్యకు షాక్
ప్రోమో హైలైట్స్..
‘చూడు దీపా నువ్వు అస్సలు కష్టపడకూడదు.. బాగా రెస్ట్ తీసుకోవాలి. ఆరోగ్యమే మహా భాగ్యం..’ అంటుంది మోనిత దీపతో ఫోన్‌లో. ‘నీకు అనవసరమైన విషయాల్లో తలదూర్చకు.. పెట్టెయ్ ఫోన్..’ అంటుంది దీప సీరియస్‌గా. ‘అయ్యో దీపా.. నీ మంచి కోరేదానిలా చేబుతున్నాను’ అంటూ మోనిత ఓవర్ చేస్తుంటే దీప కోపంగా ఫోన్ కట్ చేస్తుంది.
Karthika Deepam ఏప్రిల్ 20 ఎపిసోడ్: ఒక్క ఫోన్ కాల్‌తో మోనిత చిచ్చు.. ‘దీపకు జరిగిన అన్యాయం గురించి తెలుసుకున్న కార్తీక్’
సీన్ కట్ చేస్తే.. కార్తీక్ మోనితతో మాట్లాడుతుంటాడు. ‘ఇప్పుడు డాక్టర్ భారతి(దీపకి ట్రీట్మెంట్ ఇస్తున్న కార్తీక్ స్నేహితురాలు)ని కలిసి వస్తున్నాను..ఆమె నాకు ఓ షాకింగ్ న్యూస్ చెప్పింది’ అంటాడు కార్తీక్ మోనితతో. ‘ఏం చెప్పింది’ అంటుంది మోనిత అనుమానంగా.. ‘అసలు దీపకు అలా కావడానికి కారణం ఆమె శరీరంలోని ఏదో రాంగ్ డ్రగ్ ఇంజెక్ట్ చెయ్యడం వల్లేనట..’ అంటాడు కార్తీక్.

మోనిత గుండె ఆగినంత పని అవుతుంది. గతంలో దీపకు తను ఇచ్చిన పాయిజన్ ఇంజెక్షన్ గురించి గుర్తు చేసుకుంటూ.. ‘ఒకవేళ కార్తీక్ ఇదే విషయాన్ని దీపని అడిగితే.. నా గురించి చెప్పేస్తుంది కదా.. డెలివరీ టైమ్‌లో నేనే ఆ ఇంజెక్షన్ ఇచ్చానని చెబుతే.. నా పరిస్థితి ఏంటీ?’ అనుకుంటూ తనలో తనే అల్లాడిపోతుంది మోనిత.