Attitude Star Chandrahas: అయ్యప్ప మాలలో ఉన్నా.. నువ్ మారావా? ఈటీవీ ప్రభాకర్ కొడుకుపై మళ్లీ ట్రోలింగ్

Prabhakar Son Trolls And Memes: పాఫం ప్రభాకర్ కొడుకు చంద్రహాస్ ఏం చేసినా ట్రోలింగే.. ఈ పిల్లోడ్ని చెడుగుడు ఆడుకుంటున్నారు ట్రోలర్స్. అతను ఎక్కడైనా కనిపించానా.. మాట్లాడినా.. నడిచినా.. డాన్స్ చేసినా.. తుమ్మినా.. దిగ్గినా.. ఇంకేదో చేసినా ట్రోలింగే. అయితే ట్రోలింగ్‌కి భయపడే బ్లడ్ కాదని ఇప్పటికే చంద్రహాస్ ట్రోలర్స్‌కే రంకుమొగుడయ్యాడు. చేస్తే చేస్కోండెహే.. నేను మాత్రం తగ్గేదేలే అన్నట్టుగా తన పని తాను చేసుకునిపోతున్నాడు.

ఎవరైనా ట్రోల్ చేస్తున్నారంటే.. జాగ్రత్త పడతారు. కానీ ప్రభాకర్ కొడుకు చంద్రహాస్ మాత్రం.. ట్రోలర్స్‌ కష్టపడకుండా కావాల్సినంత కంటెంట్ ఇస్తున్నాడు. ఇక ప్రభాకర్ కూడా మావాడ్ని ట్రోల్ చేస్తున్నారు.. చేస్తే చేసుకోండి.. ఇలాగైనా పాపులర్ అవుతున్నాడు అది చాలని లైట్ తీసుకున్నాడు.

అయితే ఈ తండ్రీ కొడుకుల్ని మరోసారి ట్రోల్ చేస్తున్నారు నెటిజన్లు. ఇటీవల ప్రభాకర్ కొడుకు చంద్రహాస్ తార్ కారు కొనుకున్నాడు. అసలే 17 ఏళ్ల కుర్రాడు.. ఆపై కొత్త కారు కొన్నాడు. అందులోనూ అది తార్ జీప్.. ఇంత చిన్న వయసులో ఇంతకంటే పెద్ద గిఫ్ట్ ఏముంటుంది. అందుకే చిందులు వేశారు.. ఆ కారుతో ఫొటోలు దిగుతూ తన ట్రోలర్స్‌ తనకి ఇచ్చిన యాటిట్యూడ్ స్టార్ ట్యాగ్‌కి న్యాయం చేస్తూ ఫొటోలతో పోజులు కొట్టి వాటిని సోషల్ మీడియాలో షేర్ చేశాడు.

ఇంత వరకూ బాగానే ఉంది కానీ.. ఇందులో ట్రోల్ చేయడానికి ఏముంది? అదేమైనా పెద్ద నేరమా? అనుకుంటే.. మామూలుగా అయితే పర్లేదు కానీ.. ప్రభాకర్‌తో పాటు అతని కొడుకు చంద్రహాస్ అయ్యప్ప మాలలో ఉన్నారు. స్వామి మాలలో ఉండి కూడా పిచ్చి వేషాలు ఏంటి? మాల వేసింది దేవుడిపై భక్తితో ఉండాలి కానీ.. ఈ పిచ్చి చేష్టలు ఏంటి అంటూ.. చంద్రహాస్‌ని ట్రోల్ చేయడం మొదలుపెట్టారు.

అయితే మరికొన్ని ఫొటోలలో అయ్యప్ప మాల వేసుకున్న చంద్రహాస్, ప్రభాకర్‌లు తన ఫ్యామిలీకి సంబంధించిన మహిళలతో కలిసి ఫొటోలు దిగారు. వాళ్లపై చేతులు వేసి ఫొటోలు దిగడంతో.. ‘మాలలో ఉన్న వాళ్లు ఆడాళ్లని తాకకూడదు స్వామీ.. ఇది కూడా తెలియదా?’ అంటూ తిడుతూ కామెంట్లు పెడుతున్నారు నెటిజన్లు.

కొంతమంది అయితే.. ఊరుకోండ్రా సామీ.. ఆ పిల్లోడు ఏం చేసినా ట్రోల్ చేస్తున్నారు.. మీకేం పనీ పాటా ఉండదా? టీనేజ్‌లో ఉన్న కుర్రాడు కొత్త కారు కొనుక్కున్నాడు.. నాలుగు ఫొటోలకు ఫోజులు ఇచ్చాడు.. అందులో తప్పేం ఉందని.. చంద్రహాస్‌కి మద్దతు పలుకుతున్నారు.

ఇదిలా ఉంటే.. ఈటీవీ ప్రభాకర్ తన కొడుకు చంద్రహాస్‌ని ఇటీవలే హీరోగా పరిచయం చేశారు. వరుసగా మూడు సినిమాలను లైన్‌లో పెట్టాడు చంద్రహాస్. కొత్త దర్శకుడు కృష్ణ దర్శకత్వంలో ఒక సినిమా.. ఏవీఆర్‌ మూవీ వండర్స్‌ బ్యానర్‌లో సంపత్‌ వి. రుద్ర దర్శకత్వంలో రెండో సినిమా చేస్తున్నారు. దీంతో పాటు..ప్రభాకర్ సొంత నిర్మాణ సంస్థ శ్రీ సుమనోహర ప్రొడక్షన్స్‌ పతాకంపై మూడో చిత్రానికి సన్నాహాలు చేస్తున్నారు. మొత్తానికి ఎంట్రీలోనే మూడు సినిమాలను లైన్‌లో పెట్టిన చంద్రహాస్.. ట్రోలింగ్స్‌ని పిచ్చ లైట్ తీసుకుంటూ తన పని తాను చేసుకుని పోతున్నాడు.

Read more Cinema News and Telugu News, TV News