MLA Roja: నలుగురు పెళ్లాళ్లో ఒకటి వాడికి.. మూడు సుధీర్‌కి.. ఏం సెట్ చేశారండీ రోజా గారూ!

ఎక్స్ ట్రా పంచ్‌లు.. ఎక్స్ ట్రా నవ్వులతో పాటు ఎక్స్ ట్రా డబుల్ మీనింగ్ డైలాగ్‌లతో ఈవారం ఎక్స్ ట్రా జబర్దస్త్ ప్రోమో వచ్చేసింది. ఐదేళ్ల నుంచి పాట పాడుతున్నానండీ అని సింగర్ అంటే.. అంత పెద్ద పాట ఎవడిచ్చాడయ్యా నీకు అంటూ ఆటో పంచ్‌తో ఎంట్రీ ఇచ్చాడు రాకింగ్ రాకేష్. ఇక పొట్టి రమేష్ పెళ్లికి హైట్ ప్రాబ్లమ్ కావడంతో ఆరడగుల బుల్లెట్ అంటూ 16 అడుగులు ఎత్తు ఎదిగాడు. ‘ఏం చేశార్రా ఇంత పొడుగు అయ్యావ్.. ఇది పెరిగింది కాని అది పెరగలేదు’ అని బుల్లెట్ భాస్కర్ పంచ్ వేయగా.. ‘ఆపరేషన్ చేశారు. దరిద్రుడు కాళ్లు ఒక్కటే పెంచాడు చేతులు పెంచలేదని’ ఏడుస్తూ చెప్పడం నవ్వులు తెప్పించింది.

Read Also: ‘ఉమామహేశ్వర ఉగ్ర రూపస్య’ రివ్యూ.. గమ్మతైన రివెంజ్ డ్రామా

‘ఇక్కడ రౌడీయిజం నేర్పబడును’.. అంటూ మాదాపూర్, కొండాపూర్ రౌడీలుగా ఎంట్రీ ఇచ్చారు సుధీర్, ఆటో రాం ప్రసాద్‌లు. నువ్వు రౌడీలా లేవే అని రాం ప్రసాద్.. అనుమానం వ్యక్తం చేయడంతో.. నేను రౌడీలా లేకపోవడం ఏంటి మంచి సెటిల్ మెంట్లు చేస్తా.. మొన్న ఒకడు ఇద్దర్ని పెళ్లి చేసుకున్నాడు అంటూ తాను చేసిన సెటిల్ మెంట్ గురించి సుధీర్ ప్రారంభించగా.. ‘అందులో ఒకర్ని సుధీర్ లాగేశాడు’ అంటూ పంచ్ వేశారు జడ్జీ మనో.

ఒకవేళ నలుగులు పెళ్లాలు ఉంటే అని యాంకర్ రష్మి.. జబర్దస్త్ ప్రశ్న వేయగా.. ఒకటి వాళ్లకి ఇచ్చేసి మూడు సుధీర్ తీసుకుంటాడు అంటూ ఎక్స్ ట్రా జబర్దస్త్ ఆన్సర్ ఇచ్చారు రోజా. ఇక వీళ్లకు ‘తేడా’ గురువుగా గెటప్ శీను కామెడీతో అదరగొట్టేశాడు.. డబ్బులు ఎలా వసూలు చేయాలో సుధీర్‌ని నేర్పిస్తూ పొట్టచెక్కలు చేశాడు. ఇక చివర్లో కరోనా వ్యాప్తిని అరికట్టడంలో పోలీస్‌లు పడుతున్న తిప్పల్ని ఎమోషనల్‌గా చూపించడం కోసం పోలీస్ అవతారం ఎత్తాడు షకలక శంకర్. బిర్యానీ కోసం రోడ్ల మీదకి వచ్చేవాడి తాట తీసి భారీ డైలాగ్‌తో అలరించి జడ్జీలతో చప్పట్లు కొట్టించుకున్నాడు షకలక శంకర్.

Read Also: సెక్స్ కోసమే నేను ట్రాన్స్ జెండర్‌గా మారలేదు.. ఆ ఆపరేషన్ చాలా నొప్పి కాని..: జబర్దస్త్ పింకీ

photo and video courtesy mallemala