Sudigali Sudheer: నెల తప్పిన సుడిగాలి సుధీర్.. సీమంతం వేడుకలో రష్మి.. పండంటి బిడ్డ కావాలట

ఇదేందయ్యో.. సీన్ మొత్తం ఉల్టా ఉంది.. ఇది జంబలకిడిపంబ యవ్వారంలా ఉందే.. సుడిగాలి సుధీర్ నెల తప్పడం ఏంటి?? రష్మి పల్లెంతో పళ్లు తీసుకుని వెళ్లి పండంటి బిడ్డను కను అని చెప్పడం ఏంటి?? ఇదేదో తేడాగా ఉందే.. ఇలాంటి తేడా తేడా సీన్లు చూడాలంటే జబర్దస్త్‌కి వెళ్లాల్సిందే.

ఎక్స్ ట్రా ఫన్‌తో ఎక్స్ ట్రా వినోదాన్ని పంచే ఎక్స్ ట్రా జబర్దస్త్ లేటెస్ట్ ప్రోమోలో ఎక్స్ పెర్ఫామెన్స్‌తో నవ్వులు పూయించారు సుడిగాలి సుధీర్, రష్మి జోడీ.

తాజాగా ప్రోమోలో.. సుడిగాలి సుధీర్ వాంతులు చేసుకుంటూ కనిపించాడు. తీరా హాస్పటల్‌కి తీసుకుని వెళ్లగా సన్నీ డాక్టర్.. నువ్ నెల తప్పావ్ అని చెప్పి షాక్ ఇచ్చాడు. ఆ తరువాత సుడిగాలి సుధీర్‌కి సీమంతం వేడుక చేస్తూ జబర్దస్త్ వినోదాన్ని పంచారు.

సుధీర్ నిండు గర్భిణిగా నొప్పులు పడుతూ కడుపు చేయి వేసుకుని నడుస్తూ ఉండటం.. సుధీర్‌కి తండ్రిగా చేసిన గెటప్ శీను.. అతన్ని నడిపిస్తూ తీసుకుని కుర్చీలో కూర్చోబెట్టడం.. రాం ప్రసాద్‌తో కలిసి హారతి ఇవ్వడం స్కిట్‌లో ఒక ఎత్తు అయితే.. పల్లెంతో పళ్లు పట్టుకుని రష్మి ఎంట్రీ ఇచ్చి.. ‘‘కంగ్రాట్యునేషన్స్ అండీ.. అయినా 2 ఎలా తెచ్చుకున్నావ్’’ అంటూ పగిలిపోయే పంచ్ వేసింది. తరువాత ఆపిల్ పండు సుధీర్ చేతిలో పెట్టి పండంటి బిడ్డను కనూ అంటూ చెప్పడంతో స్కిట్‌లో ఎక్స్ ట్రా ఫన్ నింపింది. తాజా ప్రోమోపై మీరూ ఓ లుక్కేయండి.