Devatha జనవరి 10 ఎపిసోడ్: గుండె ముక్కలయ్యే నిజం బట్టబయలు.. తలపట్టుకున్న సూరి

గత ఎపిసోడ్‌లో ఆశావర్కర్స్ వచ్చి.. సత్య, కమలలు కడుపుతో ఉన్నారని తెలుసుకుని వివరాలు రాసుకుంటారు. అప్పుడే వాళ్లు.. ‘డాక్టర్ గారు ఉన్నారు.. చెకప్ చేయించుకుంటే రండీ’ అని చెబుతాడు. దాంతో దేవుడమ్మ సత్య, కమలలను రెడీ అవ్వమంటుంది. అది విన్న ఆదిత్య కంగుతింటాడు. సత్య చెకప్‌కి వెళ్తే.. కడుపు కాదు అనే నిజం బయటపడిపోతుందేమో.. వారి సంతోషాలు దూరం అయిపోతాయేమో అని చాలా తనలో తనే సతమతమవుతాడు. ఈ క్రమంలోనే నేటి కథనం చాలా ఉత్కంఠగా మారింది.

436వ ఎపిసోడ్‌ హైలైట్స్..
‘అమ్మా నేను ఆల్ రెడీ ఓ డాక్టర్‌కి చూపిస్తున్నానుగా సత్యని.. మళ్లీ ఈ కొత్త డాక్టర్ దగ్గరకు ఎందుకమ్మా..’ అని ఆపే ప్రయత్నం చేస్తాడు ఆదిత్య. అయితే దేవుడమ్మ కానీ.. సత్య కానీ పెద్దగా పట్టించుకోరు ఆదిత్య మాటలని. ‘ఒకరికి ఇద్దరు చూస్తే.. తీసుకోవాల్సిన జాగ్రత్తలపై మంచి అవగాహణ వస్తుంది..’ అంటూ వెళ్లేందుకే సిద్ధపడతారు. ఆదిత్య వద్దు అని ఎంత వారించినా వినిపించుకోకుండా.. దేవుడమ్మ, సత్య, కమలా ముగ్గురు రెడీ అవ్వడానికి పైకి వెళ్తూ ఉంటారు. అప్పుడే ఆదిత్య పెద్దగా.. ‘ఎంత మంది డాక్టర్లని కలిసినా.. జరిగేది ఆగదు. సత్య తల్లి కాలేదు’ అరుస్తాడు. దాంతో అంతా షాక్‌లో ఉండిపోతారు.

దేవుడమ్మ, సత్య ఎమోషన్స్ చూస్తుంటే.. గుండెలు మెలితెప్పినంత భారంగా ఉంటుంది ప్రేక్షకులకు. ‘నేను తల్లికాలేనా ఆదిత్యా’ అంటూ సత్య కూలబడి ఏడవడం.. ‘ఏం మాట్లాడుతున్నావ్ రా..’ అంటూ దేవుడమ్మ ఏడుస్తుంటే.. ఆదిత్య అంతే ఎమోషనల్‌గా.. ‘ఇప్పుడే కాదు ఎప్పటికీ సత్య తల్లి కాలేదు’ అంటాడు. .దాంతో గుండె ముక్కలైపోతుంది కుటుంబంలో అందరికీ. ‘లోపం ఎవరికి?’ అని అరుస్తుంది దేవుడమ్మ. దాంతో ఆదిత్యకి సత్య మాటలు గుర్తొస్తాయి. ‘నా వల్ల పిల్లలు పుట్టరు అంటే ఆదిత్యకి మళ్లీ పెళ్లి చేసి తీరతాను’ అని సరదాగా ఉన్న మాటలు గుర్తు చేసుకుని.. ‘లోపం సత్యలో అంటే సత్య అన్నంతపని చేస్తుంది..’ అని మనసులో మథనపడతాడు ఆదిత్య. వెంటనే.. ‘నాలోనే ఉంది లోపం’ అంటూ అబద్దం చెప్పి చాలా ఏడుస్తాడు ఆదిత్య.

ఆదిత్య సమాధానం విన్న సూరి బుర్ర తిరిగిపోతుంది. గతంలో రుక్మిణీ తల్లి అని తెలుసుకున్న సీన్ గుర్తు చేసుకుని.. ఆదిత్య నిజం చెబుతున్నాడా అబద్దం చెబుతున్నాడా? అనే అనుమానంతో తలపట్టుకుంటాడు. ఇక ఆదిత్య ఆవేదనగా లోపం తనలోనే అని చెప్పడంతో పాటు.. టాబ్లెట్స్ వాడుతున్నాను అని దేవుడమ్మకి చెప్పి వెళ్లిపోతాడు. కుమిలికుమిలి ఏడుస్తున్న సత్యని దేవడమ్మవాళ్ల ఓదారుస్తారు. ఈ క్రమంలో ఆదిత్య దేవుడమ్మ వాళ్లకు చెప్పిన మాటలను తలుచుకుని కుమిలిపోతుంటే.. సూరి అటుగా వచ్చి.. తల పట్టుకుని తెగ ఆలోచించేస్తూ ఉంటాడు. ఆదిత్యలో లోపం ఉండటం ఏంటి? ఆ రోజు రుక్మిణీ కడుపుతో ఉందంటే ఆదిత్యలో లోపం లేనట్లే కదా? అసలు ఏం జరుగుతోంది ఈ ఇంట్లో?’ అంటూ తనలో తనే సతమతమవుతాడు. తిరిగి చూసే సరికి ఎదురుగా ఆదిత్య కనిపిస్తాడు. బహుశా ఇప్పుడైనా సూరి.. ఆదిత్యముందు ఆ నాడురుక్మిణీ తల్లి అయ్యిందనే నిజాన్ని చెబితే.. దేవి తన కూతురునన్న నమ్మకం బలపడుతుంది. మరిన్ని వివరాలు తరువాయి భాగంలో చూద్దాం! devatha కొనసాగుతోంది.