Galatta Geetu Royal: బాడీ షేమింగ్‌పై గీతూ రాయల్‌ కంటతడి.. రెచ్చిపోయిన షణ్ను ఫ్యాన్స్

బిగ్‌బాస్ షో రివ్యూలతో సోషల్ మీడియాలో మంచి పేరు సంపాదించింది చిత్తూరు పాప గలాటా గీతూ రాయల్ (Galatta Geetu Royal). ఈ మధ్య జబర్దస్త్‌లో అడుగుపెట్టి.. బుల్లితెర ఆడియన్స్‌ను అలరించింది. టిక్‌టాక్ వీడియోలు.. ఇన్‌స్టాగ్రామ్ రీల్స్, యూట్యూబ్‌తో ఈ బ్యూటీకి బాగానే ఫాలోయింగ్ ఏర్పడింది. ఈ దెబ్బతో బిగ్‌బాస్ షో సీజన్‌-6కు గీతూ రాయల్‌ను సెలెక్ట్ చేసినట్లు వార్తలు వస్తు్న్నాయి. ఈ విషయం పక్కన పెడితే తాజాగా.. బాడీ షేమింగ్ గురించి చెబుతూ లైవ్‌లో ఏడ్చేసింది.

'చిన్నప్పటి నుంచి నా బాడీ షేమింగ్ గురించి మాట్లాడుతున్నారు. ఇంట్లో వాళ్లు సహా చాలా మంది కామెంట్స్ చేశారు. అందుకే చాలా వరకు బాడీ కవర్ చేసుకుంటూ.. డ్రెస్సులు వేసుకుంటున్నా. నేను రీల్స్ చేసినప్పుడు కూడా చాలా జూమ్ పెట్టుకుని చేశా. జబర్దస్త్ షోలో కూడా ఎలాంటి డ్రెస్సులు వేసుకుంటే జనాలు ఏమనుకుంటారో అనే భయం ఉండేది. ఫుల్ బాడీ కనిపించేలా ఒక రీల్ చేశాను. వెంటనే నన్ను కామెంట్స్ చేయడం మొదలుపెట్టారు. ఇది చాలా హర్టింగ్‌గా ఉంటుంది..' అంటూ రీతూ కంటతడి పెట్టుకుంది. అందరూ ఇలా చెప్పడంతో తనకు బాడీపై ఇష్టం పోయిందని చెప్పింది.

కొంత మంది బాడీ సరిగా లేదని బాధ పడుతుంటారరని.. మరికొంతమంది ఎక్కువ ఉందని ఇబ్బంది పడుతుంటారని చెప్పింది ఈ సోషల్ మీడియా క్రేజీ బ్యూటీ. జనాలు ఏమనుకుంటున్నారో పట్టించుకోవద్దని.. మన లుక్స్‌ను బట్టి అంచనా వేయకండని సూచించింది. ఎవరి లైఫ్‌లో వాళ్లే హీరోలని, ఎవరికి వాడే తోపు అని చెప్పింది. బాడీ షేమింగ్‌పై కామెంట్స్ చేయొద్దని రిక్వెస్ట్ చేసింది.

గీతూ రాయల్‌ను వీడియోపై బిగ్‌బాస్ ఫేమ్ షణ్ముక్ జశ్వంత్ ఫ్యాన్స్ ఫైర్ అవుతున్నారు. బిగ్‌బాస్ షోపై రివ్యూలు చెప్పే టైమ్‌లో షణ్ను బాడీ షేమింగ్‌పై కామెంట్స్ చేయలేదా..? అని ప్రశ్నించారు. దీనిపై గీతూ స్పందిస్తూ.. బిగ్‌బాస్‌ ఆటను జడ్జ్‌ చేయడమే తన పని అని చెప్పింది. షణ్ముక్ బిగ్‌బాస్ హౌస్ నుంచి బయటకు వచ్చిన తరువాత తాను అతని పేరు కూడా ఎత్తలేదంది. తాను సింపతీ క్రియేట్ చేసేందుకు మాట్లాడట్లేదని.. ఆ అవసరం తనకు లేదని చెప్పుకొచ్చింది ఈ చిత్తూరు అమ్మాయి. అయితే పాత రివ్యూలను.. పాత విషయాలను ఇంకా పట్టుకుని వేలాడుతున్న వారిని నిబ్బాస్ అంటారని అంటూ గట్టిగా రిప్లై ఇచ్చింది. షణ్ముక్ బాడీ షేమింగ్ గురించి కామెంట్స్ చేసినట్లు వీడియోలు చూపిస్తే.. సారీ చెబుతానని చెప్పింది గీతూ రాయల్‌.