Krishna Mukunda Murari : కృష్ణను చంపడానికి తెగించిన భవానీ దేవి.. ఆకట్టుకున్న ముకుంద మంచి మనసు..

Krishna Mukunda Murari April 26 Episode: మురారీని, కృష్ణని వెలివేశాను అని.. భవానీ దేవి చెప్పినప్పటి నుంచి మురారీ ఏడుస్తూనే ఉంటాడు. అది చూడలేని కృష్ణ.. డైరెక్ట్‌గా రాత్రి పూట భవానీ దేవి తలుపు కొడుతుంది. తలుపు తీసిన భవానీ దేవి.. కృష్ణని చూసి.. అత్తయ్యా.. ఒక్కనిమిషం అంటుంది ఆవేదనగా.

అత్తయ్యా మీది ఉమ్మడి కుటుంబం.. అసలు కుటుంబమే లేని దాన్ని నేను.. అందుకే కుటుంబం విలువ తెలియలేదు.. నేనే కదా ఈ పరిస్థితికి కారణం.. ప్లీజ్.. అత్తయ్యా ఆ శిక్ష ఏదో నాకు వేయండి.. ప్లీజ్ అత్తయ్యా ఏసీపీ సార్‌ని క్షమించండి.. తన బాధని నేను చూడలేకపోతున్నాను’ అంటూ రిక్వస్ట్ చేస్తుంది. వెంటనే భవానీ దేవి.. ‘ముకుందా?’ అని పెద్దగా అరుస్తుంది. ఉలిక్కి పడిన ముకుంద బయటికి పరుగుతీస్తుంది. అప్పటికే ఇంట్లో అంతా అక్కడికి చేరుతారు. అప్పటికే కృష్ణ.. భవానీదేవి ఆవేశంగా గన్ గురి పెట్టేస్తుంది. అయితే ఆ సీన్ కాస్త ఓవర్‌గా ఉంది. ఎందుకుంటే భవానీ దేవి గుమ్మం ఉండాల్సిన భవానీ, కృష్ణలు హాల్లో ప్రత్యేక్షమవుతారు ఉన్నట్టుండి. అయితే ఆ గుమ్మం దగ్గర సీన్ నడిస్తే అంత మంది సరిపోరని డైరెక్టర్ ఇలా ప్లాన్ చేసినట్లు ఉన్నారు.

మురారీ రావడం రావడమే.. పెద్దమ్మా అంటూ అడ్డపడబోతారు. ‘మీరు ఆగండి ఏసీపీ సార్..’ అంటుంది కృష్ణ. గన్‌కి ఎదురుగా ధైర్యంగా నిలబడి భవానీ దేవితో.. ‘నేను బయట దాన్ని.. మీ దృష్టిలో పరాయి దాన్ని.. నన్ను చంపేసినా అడిగేవాళ్లు లేరు.. నేను పోతే ఏడ్చేవాళ్లు కూడా లేరు. కాబట్టి నన్ను చంపేయండి.. ఆ మరుక్షణమే ఏసీపీ సార్‌ని క్షమిస్తానంటేనే ఆ పని చేయండి. లేని పక్షంలో నన్ను చంపే హక్కు మీకు లేదు..’ అంటుంది. భవానీ దేవి మాత్రం ఆవేశంగా చూస్తూ ఉంటుంది. అప్పుడే ముకుంద నోరు తెరుస్తుంది.

‘అత్తయ్యా.. మిమ్మల్ని ఎదిరిస్తే ఇంత దారణమైన శిక్ష వేస్తారా? ఇక్కడ ఇంత మంది ఉన్నారు.. ఎవ్వరూ మాట్లాడరేంటీ? అత్తయ్యా నందిని మీకు దూరం చేసి ఉండొచ్చు. కానీ నందినికి మాత్రం న్యాయమే చేసింది.. మురారీ కూడా నందిని జీవితానికి ఒక బాటని చూపించాడు.. వీలైతే మీరు వాళ్లని క్షమించండి.. లేదంటే వదిలేయండి. కానీ ఇలా ప్రాణం తీసే హక్కు.. మీకు లేదు.. ఐ యామ్ సారీ.. నేను ఇలా మాట్లాడాల్సి వచ్చింనందుకు..’ అంటూ గట్టిగానే మాట్లాడుతుంది ముకుంద. అప్పుడే ముకుంద స్వచ్ఛమైన మనసు ప్రేక్షకుల్ని మెప్పిస్తుంది.

‘ముకుందా నువ్వు చెబితే నేర్చుకునే స్థితిలో నేను లేను.. నా ఇంట్లో చీలికలు ఏర్పడ్డాయి.. వీటన్నింటికీ కారణం ఈ అమ్మాయి.. ఎక్కడి నుంచో వచ్చి మన జీవితాల్లో చిచ్చురేపింది.. సముద్రంలో ముసలం మొదలైంది. దాన్ని తొలగించకపోతే మహా సామ్రాజ్యమైనా కూలిపోతుంది’ అంటుంది భవానీ దేవి కృష్ణని ఉద్దేశించి. వెంటనే రేవతి కూడా వేడుకుంటుంది. వద్దు అక్కా.. అవసరం అయితే.. మురారీ కన్నందుకు.. కృష్ణకు అండగా నిలబడినందుకు నన్ను కాల్చు అంటూ రిక్వస్ట్ చేస్తుంది. అయినా సరే భవానీ దేవి తగ్గదు.

దాంతో మురారీ కృష్ణను పక్కకు లాగి.. తాను గన్‌కి ఎదురు నిలబడతాడు. ‘మా పెద్దమ్మకు ఓ బిడ్డ ప్రాణం తీసేంత కర్కసత్వం ఉండదని నా నమ్మకం’ అంటాడు. వెంటనే భవానీ దేవి గన్ కింద పడేస్తుంది. ఇక ఆవేశంగా అక్కడి నుంచి వెళ్లిపోతుంది. ఇక అంతా ఎవరి రూమ్స్‌లోకి వాళ్లు వెళ్తారు కానీ.. ఏడుస్తూనే ఉంటారు. మురారీని కృష్ణ.. కృష్ణని మురారీ ఒకరిని ఒకరు ఓదార్చుకోవడం చాలా ఎమోషనల్‌గా ఉంటుంది. Krishna Mukunda Murari ‘కృష్ణ ముకుంద మురారి’ కొనసాగుతోంది. మరిన్ని వివరాలు తరువాయి భాగంలో చూద్దాం! (photo courtesy by star maa and disney+ hotstar)

Also Read: 'రాధకు నీవేరా ప్రాణం' ఏప్రిల్ 25 ఎపిసోడ్: కార్తిక్‌కు రెండో పెళ్లి చేయాలని తల్లి ప్లాన్.. తొలి చూపులోనే పడిపోయిన రాధిక.. ట్విస్ట్ అదిరింది!