Krishna Mukunda Murari: వామ్మో భవానీ చాలా డేంజర్.. గౌతమ్ గతాన్ని తెలుసుకున్న కృష్ణ..

Krishna Mukunda Murari Today: సీరియల్‌ 113 ఎపిసోడ్‌లోకి అడుగుపెట్టింది. తన గతం గురించి కృష్ణకు చెప్పాలని గౌతమ్ వాయిస్ మెసేజ్ చేస్తాడు. అయితే నందినికి ఇచ్చిన టాబ్లెట్ విషయంలో తన తప్పు లేదని నిరూపించుకోలేకపోవడంతో.. కృష్ణ ఇల్లు వదిలి వెళ్లాల్సిన సమయం వచ్చేసింది. కానీ కృష్ణ.. తనని తాను నిరూపించుకోవడానికి తనకో గంట సమయం కావాలని.. బయటికి వెళ్లి వస్తానని కోరుతుంది. దానికి భవానీ కుదురదు మొత్తంగా వెళ్లిపో అంటుంది. దాంతో కృష్ణ ఆవేదనగా.. అక్కడే ఉన్న మురారీతో.. ‘మీరైనా నా తరపున నిలబడరా? భార్యగా నేను అడిగిన ఒక చిన్న సహాయం కూడా చేయలేరా?’ అంటుంది కృష్ణ ఎమోషనల్‌గా. ‘చేస్తాను.. ఎక్కడికి వెళ్తున్నావో చెప్పు.. ఎందుకు వెళ్తున్నావో చెప్పు..’ అంటాడు మురారీ దగ్గరకంటూ వస్తూ.

‘నేనొక పని మీద గౌతమ్ సార్‌ని కలవడానికి వెళ్తున్నాను’ అంటుంది కృష్ణ. ‘అస్సలు పంపిచను’ అంటాడు మురారీ కోపంగా. ‘నాకు వ్యక్తిగత స్వేచ్ఛ ఉంది.. నేను వెళ్తున్నాను’ అంటూ కృష్ణ ముందుకు అడుగులు వేయబోతుంది. మురారీ వెంటనే చేయి పట్టుకుని ఆపేస్తాడు. కృష్ణ అలాంటి రియాక్షన్‌ని ఊహించదు. ఆ తర్వాత కృష్ణ చేతిని మరింతగా బిగిస్తాడు. అంతా షాక్ అవుతారు. పాపం కృష్ణ.. విడిపించుకోవడానికి చాలా ట్రై చేస్తుంది. విడిపించుకోలేక నొప్పితో అల్లాడుతుంది. ‘మురారీ వదలు.. ఆడపిల్లతో ఏంటది’ అంటూ అంతా తిడతారు.

అయినా సరే వదిలిపెట్టమన్నా వదలకపోవడంతో రేవతి అయితే మురారీ చెంపలు వాయిస్తుంది. అయినా వదిలిపెట్టడు. దాంతో కృష్ణ కోపంగా.. ఆవేశంగా వదలండీ అంటూ అరుస్తుంది. దాంతో మురారీ వదిలేస్తాడు. చేతి నొప్పితో చూసుకుంటూ.. ‘మీలో ఇంకో మనిషి ఉన్నాడు.. అది అచ్చమైన మగాడు. భార్య పరాయి మగాడితో మాట్లాడితే సగటు మగవాడు ఉన్నాడు.. మీ అహంకారానికి తలదించడానికి నేను సిద్ధంగా లేను.. శాశ్వతంగా వెళ్లిపోవడానికే నిర్ణయించుకున్నాను.. ఇప్పుడువెళ్తున్నాను.. గంటలో వస్తాను. కానీ ఉండటానికి మాత్రం కాదు’ అంటూ కృష్ణ ఏడుస్తూ అక్కడి నుంచి గౌతమ్ దగ్గరకు బయలుదేరుతుంది.

ఇక గౌతమ్ ఇచ్చిన అడ్రెస్‌కి ఆటోలో వెళ్తుంది. వెళ్తున్నంత సేపు... ఏడుస్తూనే ఉంటుంది. మురారీ ప్రవర్తన గుర్తు చేసుకుంటూనే ఉంటుంది. ఇక కాఫీ షాప్‌లో గౌతమ్‌ని చూడగానే.. వెళ్లి లాగిపెట్టి కొట్టేస్తుంది. ‘సీరియర్ అని గౌరవం ఇస్తే పిచ్చిదాన్ని అనుకుంటున్నారా? అంతా అయిపోయింది. నా జీవితమే నాశనం అయ్యింది తెలుసా మీకు’ అంటూ చాలా సేపు గౌతమ్ మీద అరిచేస్తుంది. ‘అసలు నిజం నీకు తెలియదు కృష్ణా..’ అంటూ తను నిజం చెప్పడానికి ట్రై చేస్తాడు. కానీ కృష్ణ శాంతించదు.

‘నిజం తెలిస్తే ఏమవుతుంది?’ అంటూ అరుస్తుంది కృష్ణ. ‘అయితే నందినిని చంపేస్తారు. లేదంటే నన్ను మా అమ్మ ళ్లని చంపేస్తారు’ అంటాడు గౌతమ్. ‘ఆ ఇంట్లో అంత కృరమైన వాళ్లు ఎవరు ఉన్నారా?’ అంటుంది కృష్ణ కోపంగా. ‘అవును పరువు కోసం ఎంతకైనా తెగిస్తారు.. ఎందుకంటే నందిని నేను ప్రేమించుకున్నాం కాబట్టి.. అసలు ఏం జరిగిందో పూర్తిగా చెబుతాను విను.. నేను బతికి ఉన్నట్లు మీ వాళ్లకు తెలియకూడదు.. నువ్వు విన్నదంతా ఇక్కడే మరిచిపోవాలి’ అంటాడు గౌతమ్.

‘మరి నందిని.. సిద్దూ సిద్దూ అని కలవరిస్తుంది అది ఎవరు?’ అంటుంది కృష్ణ తల పట్టుకుంటూ. ‘అది నేనే.. నా పేరు గౌతమ్ సిద్ధార్థ్..’ అంటాడు గౌతమ్. షాక్ అయిపోతుంది కృష్ణ. ఇక సైలెంట్ వాయిస్‌లో కృష్ణకు గౌతమ్ తన గతం మొత్తం చెబుతాడు. గత ఎపిసోడ్‌లో భవానీ, గౌతమ్‌కి గన్ గురిపెట్టడం కూడా ఆ గతంలోనే చెబుతాడు. అంటే అది గౌతమ్ ఊహ కాదు.. నిజంగా జరిగిందే అని క్లారిటీ వచ్చేసింది. మొత్తానికీ భవానీ క్రూరత్వం గురించి.. కృష్ణ పూర్తిగా తెలుసుకుంది. ‘నాకు ఇప్పుడు నా బాధ్యత పెరిగింది. నేను మిమ్మల్నికలుపుతాను.. నందినీకి మీకు నేను పెళ్లి చేస్తాను’ అంటూ మాటిచ్చి అక్కడి నుంచి బయలుదేరుతుంది. ‘నువ్వు జాగ్రత్త కృష్ణా’ అంటాడు గౌతమ్.

ఇక కృష్ణ బయలుదేరేటప్పుడు.. నేను ఇక ఇక్కడ ఉండను అని తెగేసి చెప్పింది. తిరిగి వెళ్లేప్పుడు బాధ్యత అంటూ ఇంటికే బయలుదేరింది. మరి భవానీ సైన్యం కృష్ణని లోనికి రానిస్తారో లేదో చూడాల్సిందే. మరిన్ని వివరాలు తరువాయి భాగంలో చూద్దాం! Krishna Mukunda Murari ‘కృష్ణ ముకుంద మురారి’ కొనసాగుతోంది. (photo courtesy by star maa and disney+ hotstar)