మల్లెపూలు పాల గ్లాస్తో శోభనం గదిలోకి జానకి..
ద్యావుడా.. మళ్లీ ఈ సోది కూడా ఉందా?? కోడలు శోభనం ఫిక్స్ చేసింది.. ఇప్పుడు మళ్లీ కూతురు పెళ్లి కూడానా?? వెన్నెలకు మంచి సంబంధం చూశాను.. రేపే పెళ్లి వాళ్లు వస్తున్నారు అని జ్ఞానాంబ. సీన్ కట్ చేస్తే.. ప్రపంచ ఉత్తమ కోడలు జానకి తెల్లచీర కట్టుకుని మల్లెపూలు పెట్టుకుని పాల గ్లాస్తో రామా గదిలోకి వెళ్తుంది. దీనమ్మా జీవితం.. మళ్లీ శోభనం గదిని మల్లెపూలతో రెడీ చేసేస్తారు. శోభనం పెళ్లి కొడుకు రామా.. తెల్ల బట్టల్లో గదిలో రెడీగా ఉంటాడు. మ్యూజిక్ స్టార్ట్ అవుతుంది. జానకి చేతిలో పాల గ్లాస్ తీసుకుని రామా పక్కనపెట్టేస్తాడు.
మ్యాటర్ ఏం లేదు.. అంతా తుస్సే.. పాత సోదే
ఆ తరువాత జరిగే సోది అందరూ ఊహించిందే.. ‘అమ్మ ఇలా ఎందుకు చేస్తుందండీ జానకి గారూ అని రామా అంటే.. ‘తెలియంది ఏముంది? నా ఐపీఎస్ కల కోసమే’ అని అంటుంది. అత్తయ్య గారి ప్రాణాలు పోయినా పర్వాలేదు.. కానీ మనం మాత్రం బాగుండాలని ఎలా అనుకుంటుంది.. అమ్మ చేతిలో ఈ ఇంటి వారసుడ్ని ఎలా పెడతాం అనుకుంటుంది? బతికే అవకాశం ఉన్నా.. చావుకి ఎందుకు తెగిస్తుంది.. అసలు అమ్మ ఎందుకు ఇలా ప్రవర్తిస్తుంది? అని ఎప్పుడూ చెప్పుకునే సోదే చెప్పుకుని తెగ బాధపడిపోతుంటారు జానకి రామాలు.
అపస్మారక స్థితిలో జ్ఞానాంబ..
ఇక గోవిందరాజులు.. జ్ఞానాంబ ప్రవర్తనలో మార్పుని గమనిస్తాడు. సడెన్గా చావు గురించి మాట్లాడుతుంది? ఆట చివర అంటుంది ఏంటీ.. అసలు నా భార్యకి ఏమైందని ఆలోచిస్తూ ఉంటాడు. ఏదో జరగబోతుంది? ఆమె మాటలకు అర్ధం ఏంటని ఆలోచిస్తూ ఉంటాడు. ఇంతలో జ్ఞానాంబ దేవుడికి దండం పెట్టుకుంటూ ఒక్కసారి కుప్పకూలిపోతుంది. బాధతో విలవిల్లాడుతుంది. గోవిందరాజులు, జానకి, రామాలు పరుగుపరుగున జ్ఞానాంబ దగ్గరకు వెళ్లేసరికి జ్ఞానాంబ.. అపస్మారక స్థితిలోకి వెళ్లిపోతుంది.
గోవిందరాజులు గుండె బద్దలు.. నిజం తెలిసిపోయింది
హుటాహుటిన జ్ఞానాంబని హాస్పటల్కి తరలిస్తారు. శోభనం బట్టల్లోనే జానకి, రామాలు హాస్పటల్కి వెళ్లిపోతారు. ఇక జ్ఞానాంబని పరీక్షించిన డాక్టర్.. మీరు ఇప్పటికే చాలా ఆలస్యం చేశారు.. ఆమెకు అర్జెంట్గా కిడ్నీ మార్పిడి పరీక్ష చేయాలి అని అంటుంది. ఆ మాటని గోవిందరాజులు వినేస్తాడు. ఒక్కసారిగా కుప్పకూలిపోతాడు. జ్ఞానాంబ కిడ్నీ కొట్టేసిందనే విషయం.. గోవిందరాజులుతో పాటు అక్కడున్నవాళ్లంతా వినేస్తారు.
ఆపరేషన్కి ఏర్పాట్లు చేయండి డాక్టర్..
ఇన్నాళ్లూ ఎవరికీ చెప్పకూడదని డ్రామా క్రియేట్ చేసి జానకి.. ‘వెంటనే ఆపరేషన్కి ఏర్పాట్లు చేయండి డాక్టర్.. కిడ్నీ నాది కోసేయండి’ అని అంటుంది. దీంతో డాక్టర్లు జ్ఞానాంబని ఆపరేషన్ థియేటర్లోకి తీసుకుని వెళ్తారు. ఏంటమ్మా.. ఏం జరగుతుంది..? ఆపరేషన్ ఏంటి.. కిడ్నీ ఏంటీ అని నిలదీస్తాడు గోవిందరాజులు. అప్పుడు మన అబద్దాల సత్యవతి జానకి నోరు తెరవదు. అప్పుడు రామా అసలు విషయం చెప్తాడు. అమ్మకి కిడ్నీ పాడైపోయింది.. అర్జెంట్గా ఆపరేషన్ చేయాలి.. లేదంటే బతకదు’ అని అంటాడు.
కుమిలికుమిలి ఏడ్చిన గోవిందరాజులు.. జానకి ఓదార్పు.. సోది బాబోయ్
ఈ విషయం మనకి తెలిస్తే ఏమైపోతామో జానకి గారు చెప్పలేదు.. అమ్మకి తెలిసినా.. మనకి తెలియకుండా చేసింది అంటూ జరిగింది మొత్తం చెప్తాడు రామా. ఆ తరవాత సీన్.. అంత ఊహించిందే. గోవిందరాజులు బాధపడటం.. మన జానకి మేడం వెళ్లి ఓదార్చడం.. ‘మామయ్య గారూ ఊరుకోండి.. అత్తయ్యగారికి ఏం కాదు’.. అని అంటుంది. ‘ఈ విషయం మాకు ఎందుకు చెప్పలేదన్నయ్యా అని అఖిల్ విష్ణులు అనడంతో.. ‘మీరు తట్టుకోలేరని తమ్ముడూ’ అని అంటాడు రామా. ‘తొక్కలో తట్టుకోవడం.. బాగానే ఉన్నాం కదా..’ ఓ చూపు చూస్తుంది మల్లిక.
నా కిడ్నీ కోసేయండీ.. వెంటనే ఆపరేషన్
ఇక మన హీరోయిన్ జానకి.. ‘అత్తయ్య గారికి నా కిడ్నీ ఇచ్చేస్తా.. నేను కాపాడుకుంటా మామయ్య గారూ’ అని అంటుంది జానకి. ఆ మాటతో మళ్లీ అంతా షాక్.. మళ్లీ మ్యూజిక్ స్టార్ట్. ఇంతలో డాక్టర్ వచ్చి.. ‘ఈరోజే ఆపరేషన్ చేయాలి.. ఆలస్యం చేస్తే ఆమె ప్రాణాలకే ప్రమాదం’ అని అంటాడు. దీంతో జానకి.. ‘ఆలస్యం చేయొద్దు డాక్టర్.. నా కిడ్నీ కోసేయండి.. మా అత్తయ్యని కాపాడుకునే అదృష్టం నాకే దక్కింది.. కోసేయండి.. కోసేయండి’ అన్నట్టుగా తెగ కంగారుపడిపోతుంది జానకి.
అబ్బబ్బే పెర్ఫామెన్స్ పండట్లేదమ్మా..
అదేంటో కానీ.. జానకి ఐపీఎస్ కల గురించి మాట్లాడితే ఎంత కామెడీగా అనిపిస్తుందో.. ఇప్పుడు కిడ్నీ గురించి ఎమోషనల్ అవుతున్నా.. అంతకు మించిన కామెడీగా అనిపిస్తుంది. ఇంత ఎమోషనల్ సీన్లో కూడా భావోద్వేగం పలికించడం పక్కనపెడితే.. సీరియస్ని సీన్ని కామెడీగా మార్చేశాడు దర్శకుడు. అసలు లాజిక్లు లేని సీన్లతో ఓవర్ డ్రామాతో సీరియల్పైనే చిరాకుదొబ్బించేట్టు చేశారు. అందుకే వీళ్లు ఎంత చించుకుని పెర్పామెన్స్లు చేస్తున్నా.. సీన్ పండటం లేదబ్బా.
ఓరి మీ ఓవర్ డ్రామా తగలెయ్యా..
నా కిడ్నీ ఇస్తా కోసేయండి అని డాక్టర్ వెనకే వెళ్లిపోతుంది జానకి. ఆ తరువాత గోవిందరాజులు జానకిని పిలిచి.. ‘అమ్మా మీ అత్తయ్య కోసం నీ జీవితాన్ని నాశనం చేసుకుంటావా? ’ అంటూ రొటీన్ డైలాగ్లు కొడితే.. ‘అత్తయ్య కోసం ఒక కిడ్నీ కాదు.. వంద కిడ్నీలైనా ఇచ్చేస్తా’ అన్నట్టుగా జానకి ఓవర్ డ్రామ్ క్రియేట్ చేసి.. రోత పుట్టించింది. ఇక గోవిందరాజులు అయిపోయిన తరువాత.. ‘నువ్వు ఇంత త్యాగం చేస్తావా? వదినా అని వెన్నెల అంటే.. ‘అమ్మ కోసం ఈ మాత్రం చేయనా మరదలా’? అని జానకి అంటుంది.
మా అమ్మ కోసం నీ ప్రాణం త్యాగం చేస్తున్నావా? వదినా??
మరి నాకు డైలాగ్లేదా? అని అన్నాడో ఏమో కానీ.. విష్ణుకి కూడా డైలాగ్ ఉంది ఈ సీన్లో. ‘కొడుకులు మేం ఉండగా.. మా అమ్మ కోసం నువ్వు త్యాగం చేస్తున్నావా? వదినా.. మా చేతకాని తనానికి నువ్వు బలి అవుతున్నావా? వదినా?? అంటూ భారీ డైలాగ్లు కొడతాడు. ఇక జానకి సమాధానాలు ఎలా ఉంటాయో తెలిసిందే కదా.. ఆమె గురించి చెప్పుకోవడం అనవసరమే. ‘వద్దని చెప్పరా రాముడూ’.. అని గోవిందరాజులు అంటే.. ఏం చెప్పమంటావ్ నాన్నా అని ఏడ్చేస్తాడు రామా.
ఆపరేషన్ పూర్తి..
ఇక ఆలోచించేది లేదు.. నేను నా కిడ్నీ ఇచ్చేస్తా.. బెడ్ ఎక్కేస్తా అని వెళ్లిపోతూ ఉంటుంది జానకి. హమ్మా.. మరి జెస్సీ ఉందిగా.. ఆమెకి లేవా డైలాగ్లూ.. ఇక్కడ ఆమెకు ఒట్టి డైలాగ్లు మాత్రమే కాదు.. పెర్ఫామెన్స్ కూడా.. ‘జాగ్రత్త అక్కా’ అని జానకిని పట్టుకుని ఏడ్చేస్తుంది. అయితే మల్లిక మాత్రం.. ఈ ఓవర్ పెర్ఫామెన్స్లకు కాస్త దూరంగా ఉంటుంది. ఆ తరువాత జ్ఞానాంబకి కిడ్నీ మార్పిడి పరీక్ష స్టార్ట్ అవుతుంది. డాక్టర్ బయటకు వచ్చి ఆపరేషన్ బాగా జరిగింది అని చెప్తుంది.
మీకు కిడ్నీ ఇచ్చింది నేను కాదు..
జ్ఞానాంబ కళ్లు తెరిచేసరికి అంతా ఎదురుగా ఉంటారు కానీ.. జానకి కనిపించదు. దీంతో జ్ఞానాంబ రామాని పిలిచి.. ‘జానకి ఎందుకురా ఇలాంటి పనిచేసింది.. నా కోసం తన జీవితాన్ని ఎందుకు త్యాగం చేసిందిరా? అని కన్నీళ్లు పెట్టుకుంది. ఇంతలో మన హీరోయిన్ ఎంట్రీ ఇచ్చేస్తుంది. ‘మీకు కిడ్నీ ఇచ్చింది నేను కాదు’ అని అంటుంది. వార్నీ ఈమధ్య ఈ సీరియల్లో ట్విస్ట్లు కూడా పెడుతున్నారా? సర్లే ఇంతకీ కిడ్నీ ఇచ్చింది ఎవరో చెప్పమ్మా అన్నట్టుగా అందరూ చూస్తారు.
కిడ్నీ ఇచ్చింది గోవిందరాజులు..
మరి కిడ్నీ ఎవరు ఇచ్చారమ్మా.. అని జ్ఞానాంబ అడగడంతో.. ‘మామయ్య గారు ఇచ్చారు’ అని అంటుంది. ఆయన నాకోసం ఇంత పనిచేశారా? ఆయన ఎక్కడ అని అంటుంది జ్ఞానాంబ. తీసుకుని వస్తానమ్మా అని బెడ్పై ఉన్న గోవిందరాజుల్ని జ్ఞానాంబ దగ్గరకు తీసుకుని వస్తాడు రామా. ఆ తరవాత ‘తెంచుకుంటే తెగిపోతుందా? దేవుడు వేసిన బంధం’ అంటూ ఓ సాంగ్ వేసుకుంటారు. నా కోసం ఇంత పని ఎందుకు చేశారండీ అని జ్ఞానాంబ అడుగుతుంది.
ఏం మాట్లాడుతున్నార్రా అయ్యా.. ఛీ ఛీ
ఇద్దరం ఒకటైనప్పుడు నాదీ నీది అని ఏముంది జ్ఞానం.. భర్తగా నిన్ను కాపాడుకున్నా.. అదే నాకు ఆనందం అని అంటాడు గోవిందరాజులు. ఓరి మీ పెర్ఫామెన్స్లు తగలయ్యా.. ఆపండ్రా అయ్యా.. అన్నట్టుగా చూస్తుంది మల్లిక. జానకి నిన్ను కాపాడుకోవడానికి తన ఆశయం వదులుకోవాలని అనుకుంది. అలాంటి అమ్మాయి మన కోడలు కావడం మన అదృష్టం అని అంటాడు. అక్కడ సీన్ ఏంటి? ఈ భజన ఏంటి?? హాస్పటల్ బెడ్పై ఉండి కూడా ఈ జానకి భజన అవసరమా? డైరెక్టరూ. కిడ్నీ ఇచ్చింది గోవిందరాజులు అయితే.. జానకిని పొగడటం ఏంట్రా సామీ. అది కూడా ఇలాంటి పరిస్థితుల్లో.. మొత్తానికి సీరియల్ని కంపు చేసిపారేశావ్ కదయ్యా డైరెక్టరూ. నేటి ఎపిసోడ్ అయితే ఓవర్ డ్రామాలతో పరమసోదిగా నడిచింది. కన్నీళ్లు పెట్టించాల్సిన పెర్ఫామెన్స్లను కామెడీ పీస్లను చేసేశారు.
Read Also: తులసి, జానకిలు వద్దుబాబోయ్ వద్దు.. ఈవారం టీఆర్పీ రేటింగ్ ఢమాల్.. టాప్లో కృష్ణ ముకుంద మురారి
Read Also: ఇంటింటి గృహలక్ష్మి మార్చి 03 ఎపిసోడ్: దివ్యకి పెళ్లి చూపులు.. పెళ్లి కొడుకుని తరిమేసిన తులసి కూతురు