Karthika Deepam Serial ట్విస్ట్: వంటలక్క, డాక్టర్ బాబు కాంబినేషన్‌లో సీన్ అదుర్స్.. ఇది కంటతడి పెట్టించే సంఘర్షణ

బుల్లితెర ప్రేక్షకుల్ని ఎంతగానో ఆకట్టుకుంటున్న ‘కార్తీకదీపం’ సీరియల్.. నేడు(2021 ఏప్రిల్ 8)న 1008 ఎపిసోడ్‌కి ఎంటర్ అయ్యింది. అయితే రేపటి ప్రోమోలో అదిరిపోయే ట్విస్ట్ ఉంది.

ప్రోమో హైలైట్స్..
దీప చీర మడతపెట్టుకుంటూ ఉండగా కార్తీక్ వచ్చి చేతిలోని చీర తీసి పక్కనే వేసి..‘రేడీ అవ్వు..’ అంటాడు కార్తీక్ చాలా నెమ్మదిగా. ‘ఎక్కడికి డాక్టర్ బాబు’ అంటుంది దీప అమాయకంగా. ‘నీ ఆరోగ్యం బాలేదు.. హాస్పెటల్‌కి తీసుకుని వెళ్తాను’ అంటాడు కార్తీక్ ముభావంగా. ‘అయితే ఏముంది? నా బతుకే బాగోలేదు’ అంటుంది దీప ధీనంగా. ‘ఇప్పుడు ఇవన్నీ చర్చించే ఓపిక నాకు లేదు’ అంటాడు కార్తీక్ కోపంగా. ‘క్షమించండి.. నాకు క్లారిటీ కావాలి డాక్టర్ బాబు’ అంటుంది దీప బాధగా.

దాంతో కార్తీక్ ఆవేశంగా.. ‘ఇది పంతమా? మొండితనమా? మూర్ఖత్వమా?’ అంటాడు. ‘మూడు అనుకోండి.. మరి మీరు చేసింది ఏంటీ? నేను చెప్పనా? మోసం..’ అంటుంది దీప. ‘ఏంటీ నేను నిన్ను మోసం చేశానా?’ అంటాడు కార్తీక్. దీప కళ్లనిండా నీళ్లతో కళ్లతోనే ప్రశ్నిస్తోంది ధీనంగా. ఆ సీన్ చాలా ఉత్కంఠగా ఉంది.