Hyper Aadi: గ్యాప్ ఇవ్వలేదు వచ్చింది.. ‘జబర్దస్త్’ బ్రేక్‌పై హైపర్ ఆది రియాక్షన్

బుల్లితెరతో యూట్యూబ్‌లో హాస్యపు విందు అందించే జబర్దస్త్ కామెడీ షోలో హైపర్ ఆదికి ఉన్న క్రేజే వేరు. ఆయన స్కిట్ చేశారంటే మిలియన్లలో వ్యూస్ వస్తుంటాయి. తాజాగా గురువారం నాటి ఎపిసోడ్‌లో ఆయన లేకపోవడంతో జబర్దస్త్ గుడ్ బై చెప్పినట్టు వార్తలు వచ్చాయి.

ఒకవైపు రోజా కూడా జబర్దస్త్‌కి బ్రేక్ ఇవ్వడంతో హైపర్ ఆది కూడా బయటకు వచ్చేశాడేమో అనుకున్నారంతా.. అయితే ‘గ్యాప్ ఇవ్వలేదు.. వచ్చింది అంతే’ అంటూ వచ్చే వారం పంచ్‌లతో పంబరేపేందుకు ప్రోమోతో వచ్చేశాడు హైపర్ ఆది.

Read Also: అంత అహంకారమా? అలీ, బాబా భాస్కర్, వితికా జోడీకి నాగ్ క్లాస్

తాజాగా వచ్చేవారానికి సంబంధించిన ప్రోమో విడుదల కాగా.. అందులో రీ ఎంట్రీ ఇచ్చారు హైపర్ ఆది. ఇందులో ‘నీ దారి పూల దారి... పోవోయి బాటసారి’ అంటూ శాంతి స్వరూప్‌‌ని సైకిల్ ఎక్కించుకుని అదిరిపోయే ఎంట్రీ ఇచ్చారు.

ఏంట్రోయ్.. గ్యాప్ ఇచ్చావ్ అని శాంతి స్వరూప్ అంటే.. ‘గ్యాప్ ఇవ్వలేదు వచ్చింది’ అంటూ తనదైన శైలి పంచ్ పేల్చారు. ఇక రాం ప్రసాద్, దొరబాబులను సైతం పంచ్‌లతో ఆటాడుకుంటున్నాడు.

ఇక ఇదో ప్రమోలో రోజా సైతం రీ ఎంట్రీ ఇచ్చారు.. రెండు వారాలు కనిపించకపోయే సరికి రోజా జబర్దస్త్ షోకి గుడ్ బై చెప్పిందని వార్తలు రాగా తన రీ ఎంట్రీతో వాటికి ఫుల్ స్టాప్ పెట్టింది నవ్వుల ‘నగరి’ రోజా.

ప్రోమో కోసం క్లిక్ చేయండి..