Gruhalakshmi kasthuri: 'గృహలక్ష్మి' కస్తూరికి అవార్డు.. ఒకే వేదికపై రోజా, కవిత, సబిత!

'ఇంటింటి గృహలక్ష్మి' సీరియల్‌లో 'తులసి' పాత్ర గురించి ప్రత్యేకంగా పరిచయం అక్కర్లేదు. ఎందుకంటే బుల్లితెర ప్రేక్షకులను తన నటనతో కట్టిపారేసే కస్తూరి ఈ పాత్రలో నటిస్తుంది. సీరియల్‌లో కస్తూరి కట్టు, బొట్టు చూస్తే అచ్చమైన గృహిణి గుర్తొస్తుంది. అంతేకాదు ఆమె యాక్టింగ్ కూడా అదే లెవల్లో ఉంటుంది. ఇక అసలు మేటర్ ఏంటంటే.. కస్తూరికి తాజాగా ఓ అవార్డు వచ్చింది. ఈ విషయాన్ని ఆమె స్వయంగా తన ఇన్‌స్టాగ్రామ్‌లో పోస్ట్ చేసింది.

నారీ పురస్కారం

తమతమ రంగాల్లో విశేష ప్రతిభన చూపిస్తూ అద్భుత విజయాలు అందుకున్న తెలంగాణ, ఆంధ్రప్రదేశ్ రాష్ట్రాలకు చెందిన ప్రముఖ మహిళలకు తాజాగా HMTV నారీ పురస్కారాన్ని ఇచ్చి గౌరవించింది. ఈ పురస్కారం కస్తూరికి కూడా దక్కింది. ఎమ్మెల్సీ కల్వకుంట్ల కవిత, ఆంధ్రప్రదేశ్ మంత్రి రోజా, తెలంగాణ విద్యాశాఖ మంత్రి సబితా ఇంద్రారెడ్డి చేతుల మీదుగా కస్తూరి ఈ అవార్డును అందుకుంది. ఈ సందర్భంగా వారందరికీ కృతజ్ఞతలు తెలుపుతూ ఆమె ఇన్‌స్టాలో పోస్ట్ చేసింది. వీరి చేతుల మీదుగా అవార్డు అందుకోవడం చాలా ఆనందంగా ఉందని కస్తూరి చెప్పింది.

సీనియర్ నటి

ఒకప్పుడు సినిమాల్లో హీరోయిన్‌గా, క్యారెక్టర్ ఆర్టిస్ట్‌గా ఓ వెలుగు వెలిగింది కస్తూరి. అయితే తర్వాత నెమ్మదిగా బుల్లితెరపైకి వచ్చేసింది. ఇక ఇంటింటి గృహలక్ష్మి సీరియల్‌తో ఆమెకు స్టార్‌డమ్ దక్కింది. ఈ సీరియల్ మొదట్లో తులసి క్యారెక్టర్ చాలా బావుండేది. ఆమె అందం, అభినయం చూసి బుల్లితెర ప్రేక్షకులు ఫిదా అయిపోయారు. అయితే కథ సాగే కొద్దీ సీరియల్ పట్టాలు తప్పింది. కథనంలో కొత్తదనం లేకపోవడం ముఖ్యంగా సాగదీత సీన్లు, తులసి లవ్ ఎఫైర్‌లు మళ్లీ తెరపైకి తీసుకురావడం వంటి పరిణామాలతో 'గృహలక్ష్మి' టీఆర్‌పీ రేటింగ్ కూడా పడిపోయింది.

ఒకప్పుడు టాప్-3 లో ఉన్న ఈ సీరియల్ నెమ్మదిగా కిందకు జారిపోతుంది. మరి ఇది గమనిస్తోన్న డైరెక్షన్ డిపార్ట్‌మెంట్ ఏ మార్పులు చేస్తుందో చూడాలి. ఇక ఈ సీరియల్ అభిమానులైతే ఇంకెంత ఇలా సాగదీస్తారు అంటూ తిట్టుకుంటున్నారు. కథనంలో ఏమైనా మార్పులు చేస్తే బావుంటుందని అభిప్రాయపడుతున్నారు.

ఇక మరోవైపు సీరియల్‌లో ఎంతో పద్ధతిగా కనిపించే కస్తూరి.. బయట మాత్రం అందాల ఆరబోతలో తగ్గేదేలే అంటుంది. ఎప్పటికప్పుడూ సోషల్ మీడియాలో హాట్ ఫొటోలు షేర్ చేస్తూ ఫ్యాన్స్‌కు ట్రీట్ ఇస్తూ ఉంటుంది. ఏ విషయం గురించి అయినా కామెంట్ చేయాలంటే కస్తూరి తర్వాతే. మొత్తానికి కస్తూరికి అవార్డు దక్కడంతో ఫ్యాన్స్ అయితే ఫుల్ ఖుషీగా ఉన్నారు.
Sreemukhi: పెళ్లయి వారం కూడా కాలేదు పొట్ట వచ్చేసిందేట్రా రాకేశ్: శ్రీముఖి

• Read latest TV News and Movie Updates