Intinti Gruhalakshmi Lasya: అమ్మ చనిపోయిందన్నారు.. స్టేజ్‌పై ఏడ్చేసిన గృహలక్ష్మి లాస్య

కష్టాలు ఎక్కువైతే.. ఈ సినిమా కష్టాలేంట్రా బాబూ అని అంటుంటారు. కానీ ఆ సినిమా వాళ్ల వాస్తవ జీవితాలు వర్ణణాతీతమే. తమ తమ పాత్రలలో వాస్తవ జీవితాల్లో కష్టాల్లోను కళ్లకి కట్టే నటీనటుల జీవితాలు పైకి గ్లామరస్‌గానే ఉన్నా.. వాళ్ల రియల్ లైఫ్ మాత్రం ఘోరమే. వెతికి చూస్తే ఒక్కొక్కరిదీ ఒక్కో వ్యధ.. తరగని కథ.

జీ తెలుగులో ప్రసారం అవుతున్న ‘సూపర్ క్వీన్’ తాజా ప్రోమోలో బుల్లితెరపై మనల్ని రంజింపజేస్తున్న నటీమణులు తమ రియల్ లైఫ్ కష్టాలను చెప్పుకుని కన్నీళ్లు పెట్టుకున్నారు. ప్రతి ఒక్కరి జీవితం ముడిపడేది అమ్మతోనే. ఆ అమ్మే దూరం అయిన బాధ వెలకట్టలేనిది. అలాంటి బాధను ఆడియన్స్‌కి చెప్పి అందరి కళ్లు చెమ్మగిల్లేట్టు చేసింది బుల్లితెర నటి ప్రశాంతి. గృహలక్ష్మి సీరియల్‌లో లాస్యగా విలనిజం పండిస్తున్న మన తెలుగింటి ఆడపడుచు ప్రశాంతి ‘‘సూపర్ క్వీన్’’ ప్రోమోలో తన తల్లిని తలుచుకుని ఎమోషనల్ అయ్యింది.


‘అమ్మ ప్రతి స్టేజ్‌లో అవసరం.. అమ్మ ఆరోగ్యం సడెన్‌గా పాడవడం స్టార్ట్ అయ్యింది. హాస్పటల్‌కి తీసుకుని వెళ్తే.. మీ అమ్మకి లివర్ క్యాన్సర్ థర్డ్ స్టేజ్‌లో ఉందని చెప్పారు. ఆ తరువాత అమ్మ కొన్నాళ్లకి చనిపోయింది’ అని చెప్పి కన్నీటి పర్యంతం అయ్యింది ప్రశాంతి.

యాంకర్‌గా కెరియర్ స్టార్ట్ చేసిన యాంకర్ ప్రశాంతి ‘గృహలక్ష్మి’ సీరియల్‌తో గుర్తింపు తెచ్చుకుంది. నిజానికి మన తెలుగు సీరియల్స్‌లో తెలుగు వాళ్లకి అవకాశాలు తక్కువ. అంతా కన్నడ భామలపై పడ్డారు మన తెలుగు దర్శకనిర్మాతలు. హీరో హీరోయిన్లు మొదలు క్యారెక్టర్ ఆర్టిస్ట్‌లు అంతా కన్నడ నుంచే దిగుమతి అవుతున్నారు. పక్క ఇండస్ట్రీ పోటీని తట్టుకుని విలనిజం పండించడంతో పక్క ఇండస్ట్రీ నటీమణులకు ధీటుగా నిలబడింది ప్రశాంతి. తన అద్భుతమైన నటనతో పాటు.. గ్లామర్‌తో లాస్య పాత్రలో విలనిజాన్ని అద్భుతంగా పండిస్తుంది ప్రశాంతి.


ఇంకా చెప్పాలంటే.. ఆ గృహలక్ష్మి సీరియల్‌లో నటనపరంగా.. గ్లామర్ పరంగా నూటికి నూరు మార్కులు పడాలంటే ఈ తెలుగు బ్యూటీకే పడాలి. నిజానికి హీరోయిన్ రోల్ చేస్తున్న కస్తూరి కంటే కూడా హావభావాలు అద్బుతంగా పండిస్తుంది ప్రశాంతి. ఇక ప్రశాంతి కట్టు బొట్టు.. సెక్సీలుక్స్‌కి పిచ్చ ఫ్యాన్స్ ఉన్నారు. అందం అభినయం అన్నీ ఉన్నా మన తెలుగు బ్యూటీకి మాత్రం ఇటు సీరియల్స్‌తో పాటు.. అటు సినిమాల్లోనూ కూడా అవకాశాలు రావడం లేదు. ప్రశాంతికి సరైన పాత్ర పడేలే కానీ.. సీన్ చినిగిపోయేట్టుగా నటింటే టాలెంట్ ఉంది. కానీ ఏం చేస్తాం తెలుగు టాలెంట్ కదా.. ఇలా తొక్కబడుతూనే ఉన్నారు.