‘ఇంటింటి గృహలక్ష్మి’ డిసెంబర్ 23 ఎపిసోడ్! తులసిని రెచ్చగొట్టిన లాస్య! తనదైన శైలిలో దిమ్మతిరిగే సమాధానమిచ్చిన గృహలక్ష్మి

‘ఇంటింటి గృహలక్ష్మి’ సీరియల్ రోజుకో ట్విస్ట్‌తో బుల్లితెర ప్రేక్షకుల్ని ఎంతగానో ఆకట్టుకుంటున్న విషయం తెలిసిందే. ఇప్పటికే 195 ఎపిసోడ్‌లను పూర్తి చేసుకుని.. 196 ఎపిసోడ్‌కి నేడు(డిసెంబర్ 23)న ఎంటర్ అయ్యింది. నేటి ఎపిసోడ్‌లో ఆసక్తికరంగా రెండు సీన్స్ ఉన్నాయి. ఒక్కఛాన్స్ ఇవ్వమని నందు తులసిని అడగడం ఒక ఎత్తైతే.. లాస్య తులసితో ఛాలెంజ్ చెయ్యడం.. దానికి తులసి ఏ మాత్రం తొనక్కుండా సమాధానం ఇవ్వడం మరో ఎత్తు. దానికి సంబంధించిన హైలైట్స్ ఇప్పుడు చూద్దాం.
Read also: ‘ఇంటింటి గృహలక్ష్మి’ డిసెంబర్ 23 ఎపిసోడ్! నందు ప్రశ్చాత్తాపం! ఒక్క అవకాశం ఇవ్వమని కన్నీళ్లు..

196 ఎపిసోడ్‌ హైలైట్స్.. (రెండవ భాగం)
తులసి బాధగా నిలబడి ఏదో ఆలోచిస్తూ ఉంటే.. లాస్య తులసిని చూసి నవ్వుకుంటుంది. ‘ఏంటి తులసీ ఏదో ఆలోచిస్తున్నట్లు ఉన్నావ్?’ అంటూ దగ్గరకు వెళ్లి మరీ రెచ్చగొడుతూ మాట్లాడుతుంది. ‘నీకో నిజం తెలుసా తులసి.. నేను మరీ పిరికిదానిలా చచ్చిపోయే టైప్‌ కాదు.. దేన్నైనా బతికి ఉండి సాధించే టైమ్. అందుకే చివరికి సాధించాను. అది తెలియక అందరూ బెంబేలు ఎత్తిపోయారు. సూసైడ్ అనేది నా ప్లాన్‌ మాత్రమే..’ అంటూ అసలు విషయం చెప్పి ఓపెన్ అయిపోయింది లాస్య.

దాంతో తులసి నవ్వుతూ.. ‘నాకు ముందే తెలుసు.. నిజానికి చచ్చిపోవాలని అనుకున్నవాడు.. జీవితాన్ని కోల్పోయిన బాధలో ఉంటాడు తప్పా.. పగతో, పన్నాగాలతో మాట్లాడలేడు. కానీ నువ్వు సృహలోని రాగానే.. మాట్లాడిన మాటలే.. నీ దురుద్దేశాన్ని నాకు అర్థమయ్యేలా చేశాయి.. ఆ మాత్రం తెలుసుకోలేని పిచ్చిదాన్ని కాదు.. నీ నటన నాటకం నాకు తెలియక కాదు.. అప్పుడే నిన్ను పట్టించగలను. కానీ నాఅంత నేను నిన్ను పట్టించని చెప్పాను కదా.. అందుకే ఆగిపోయాను. అందరినీ మోసం చేశానని నువ్వు అనుకుంటున్నావ్‌.. కానీ నిన్ను నువ్వే మోసం చేసుకుంటున్నావ్‌.. నీ పెళ్లి జరగడం అనేది కళ మాత్రమే..’ అంటూ స్ట్రాంగ్‌ రిప్లై ఇచ్చింది తులసి.

దాంతో మరింతగా రగిలిపోయిన లాస్య.. ‘కళ నాది కాదు తులసి.. నీది. నా పెళ్లి ఆపడం నీ వల్ల కాదు..’ అంటుంది. దాంతో తులసి కోపంగా.. ‘నేను కళ్లెదురుగా ఉంటే ఆయన నీకు ఉంగరమే పెట్టలేకపోయారు.. ఇక తాళి ఎలా కడతారని నువ్వు అనుకుంటున్నావ్‌? నిజాయితీ లేని ప్రయత్నం ప్రతిఫలాన్ని ఇవ్వదని నువ్వు గుర్తుపెట్టుకో..’ అంటూ బదులిస్తుంది. దాంతో లాస్య బిత్తరపోయతుంది. మారు మాట్లాడకుండా నిలబడిపోతుంది. మరిన్ని వివరాలు తరువాయి భాగంలో చూద్దాం! ‘ఇంటింటి గృహలక్ష్మి’ కొనసాగుతోంది.