Gruhalakshmi Serial జూన్ 17 (ఈరోజు) ఎపిసోడ్: అభికి ఘోర అవమానం.. రసవత్తరంగా మారిన కథనం

జరిగిన కథ.. నందు-తులసిలు కలిసి అభి దగ్గరకు వెళ్తారు. తల్లి కాబోతున్న కోడలు అంకితను చూసి తెగ పొంగిపోతారు. అయితే ఆనందం ఎక్కువ సేపు నిలవకుండా ‘అంకిత.. అబార్షన్ చేయించుకుంది’ అని బాంబ్ పేల్చుతుంది గాయిత్రి. అంతేకాకుండా నందు-తులసిలను ఘోరంగా అవమానించింది పంపుతుంది. ఈ ఘర్షణలో తనకి తెలియకుండా అబార్షన్ చేయించుకున్న అంకితపై చేయి చేసుకుంటాడు అభి.

ఇక నేటి (జూన్ 17) ఎపిసోడ్‌లో ఏం జరిగిందంటే.. తులసి రాకకోసం ఆసక్తిగా ఎదురుచూస్తుంటుంది దివ్య. అక్కడ ఏం జరిగిందో అని కంగారు పడుతూ ఉంటుంది. ఇంతలో తులసి దిగులుగా వచ్చి.. జరిగిన గొడవను ఇంట్లో వాళ్లతో చెప్పుకుని కన్నీళ్లు పెట్టుకుంటుంది. అంకిత అబార్షన్ చేయించుకుందని తులసి చెప్పగానే.. అనసూయ అంతెత్తున లేస్తుంది. దానికేం పోయేకాలం వచ్చింది అంటూ తులసిని నిందించడం మొదలుపెడుతుంది.

అంతా నీవల్లే జరిగింది.. ఏ సంబంధం లేని శృతిని ఇంట్లో పెట్టుకోవడం కోడల్ని బయటకు పంపించావు.. ఈరోజు అది అబార్షన్ చేయించుకుంది అంటే నీ వల్లే అని.. తులసితో పాటు శృతిని కూడా నానా మాటలు అంటుంది. అయితే తులసి ఎదురుతిగిరి.. మీరు అనాల్సింది శృతిని కాదు.. మీ కొడుకుని వెళ్లి బుద్ధి చెప్పండి అని అంటుంది.

మరోవైపు గాయిత్రి ఇంట్లో జరిగిన అవమానాన్ని తలచుకుని బాధపడుతూ ఉంటాడు నందు. ఇంతలో లాస్య వచ్చి.. నేను చెప్తే వినలేదు కదా.. కొడుకు కాకరకాయ అంటూ వెళ్లి వాళ్లతో నానా మాటలు అనిపించుకున్నావ్ అని నందుని మరింత బాధపడేట్టు చేస్తుంది లాస్య. వాడు నా కొడుకు.. అది నా ఫ్యామిలీ.. వాళ్లే నాకు ముఖ్యం అని లాస్య ముందు తెగేసి చెప్తాడు నందు.

ఇక అంకిత తనకి చెప్పకుండా అబార్షన్ చేయించుకోవడంతో బాధపడుతూ ఉంటాడు అభి. ‘నాతో మాట్లాడవా? అభి.. అని అంకిత రావడంతో.. ఏమని మాట్లాడాలి.. నాకు పిల్లలు అంటే ఎంత ఇష్టమో నీకు తెలుసు.. నువ్ నా బిడ్డను చంపేశావు.. నువ్ చంపేసింది నా బిడ్డను కాదు.. మన ప్రేమను.. ఇలాంటి పని ఎందుకు చేశావ్ అని అంకితను పదే పదే అనడంతో అంకిత కంట్రోల్ తప్పి అభిని నిందించడం మొదలుపెడుతుంది.

నేను అబార్షన్ చేయించుకోవడానికి కారణం నువ్వే.. డాక్టర్ డిగ్రీ తీసుకుని ఇంత కాలం అయ్యింది ఇప్పటి వరకూ సెటిల్ కాలేదు.. ఫారిన్ వెళ్దాం అంటే.. మా అమ్మపై ఆధారపడటం ఇష్టం లేదు అంటావ్.. పోనీ ఇక్కడ ఏదైనా చేస్తావా అంటే అదీ లేదు.. సెటిల్ కాకుండా పిల్లల్ని కంటే వాళ్లని ఎలా చూసుకుంటావ్.. ఇప్పటికే నువ్కొక చేతకానివాడిలా మిగిలిపోయావ్.. రేపు పిల్లలు పుడితే వాళ్లని అలాగే చేతకాని వాళ్లని చేస్తావా? పెళ్లైనప్పటి నుంచి రూపాయి సంపాదన లేదు.. ఇక్కడకి వచ్చి మా అమ్మనాన్నలపై ఆధారపడి బతుకుతున్నావ్.

ఒకరిపై ఆధారపడి బతికేవాళ్లని చేతకాని వాళ్లని కాకుండా ఏమని అంటారు. ప్రేమించానని నా వెంటపడి.. పెళ్లి చేసుకుని నా కోసం ఏమి చేశావ్.. నా ఆశల్ని కలల్ని వదిలేసుకుని నీకు భార్యగా మాత్రమే మిగిలిపోయా.. నేను ఏం సాధించాను.. చేసింది అంతా చేసి నువ్ నన్ను అంటావ్ ఎందుకు.. నేను అబార్షన్ చేయించుకున్నది నీవల్లే’ అని తెగేసి చెప్తుంది అంకిత. ఆమె అన్న మాటలకు ఒక్కసారిగా కుప్పకూలిపోతాడు అభి. చేతకాని వాడిలా మిగిలిపోయానని కుంగిపోతాడు.