‘ఇంటింటి గృహలక్ష్మి’ జనవరి 20 ఎపిసోడ్: గుండె తరుక్కుపోయే ఎమోషనల్ సీన్! ‘మేము ఎవరివైపు ఉండాలి నాన్నా?’

‘ఇంటింటి గృహలక్ష్మి’ సీరియల్ రోజుకో ట్విస్ట్‌తో బుల్లితెర ప్రేక్షకుల్ని ఎంతగానో ఆకట్టుకుంటున్న విషయం తెలిసిందే. ఇప్పటికే 220 ఎపిసోడ్‌లను పూర్తి చేసుకుని.. 221 ఎపిసోడ్‌కి నేడు(2021 జనవరి 20)న ఎంటర్ అయ్యింది.

221 ఎపిసోడ్‌ హైలైట్స్..
నందు చాలా ఫీల్‌ అవుతాడు. పరిస్థితి చేయిదాటిపోయిందనుకుంటూ తనలో తనే మదనపడతాడు. అయితే ఇంతలో నందు తండ్రి నందు దగ్గరకు వచ్చి.. ‘తప్పుటడుగులు వేసేశావ్‌రా.. జరిగే నష్టాన్ని చూసి నేను తట్టుకోలేను’ అంటూ తన బాధని పంచుకుంటాడు. అయితే నందు బాధగా.. ‘నాన్నా తప్పటడుగు అన్నారుగా.. ఆల్‌ రెడీ తప్పటడుగు పడిపోయింది నాన్నా.. నేను మార్చలేను దాన్ని. లాస్యతో చాలా దూరంవచ్చేశాను. తనకి ఎన్నో ఆశలు కలిపించాను నేను.. ఇప్పుడు తప్పించుకోలేను’ అంటాడు. దాంతో నందు తండ్రి ‘తప్పు అని తెలిసినప్పుడు సరిదిద్దుకోవడమే గొప్ప’ అంటాడు. కానీ నందు బాధగా అక్కడ నుంచి వెళ్లిపోతాడు.

మరునాడు ఉదయమే లాస్య, అనసూయ చాలా హ్యాపీగా మాట్లాడుకుంటూ ఉంటారు. ‘విడాకులు వస్తే.. నీకు నందుకి పెళ్లి చేసేస్తాను’ అంటూ అనసూయ అంటుంది. లాస్య పొంగిపోతుంది. అయితే అంతా చూస్తున్న దివ్య మనసులో చాలా ఫీల్‌ అవుతుంది. ఇంట్లో అంతా బాధపడుతుంటే.. నాన్నమ్మ మాత్రం లాస్య ఆంటికి సపోర్ట్‌ చేస్తోంది’ అని చాలా ఫీల్‌ అవుతుంది. అనసూయ సంతోషంగా అంకితతో,.. ‘మాకు అసలైన పండుగ ఈ రోజే.. నువ్వు రాములమ్మని పాయసం చెయ్యమని చెప్పు’ అంటుంది. దాంతో అంకిత విసుక్కుంటుంది. అయినా లాస్య, అనసూయ అది పట్టనట్లుగా ఉంటారు. ఇంతలో మాధవి వస్తుంది.

మాధవి ‘స్వీట్‌ తీసుకో శుభవార్త.. మీ అన్నయ్య వదినలకు విడాకులు వచ్చేస్తున్నాయి’ అని అనసూయ అనగానే.. కారణం తెలుసుకున్న మాధవి.. అనసూయని తిట్టి తులసి దగ్గరకు వెళ్లిపోతుంది. తులసిని పలకరిస్తుంది. ‘ప్రపంచంలో ఎంతో మంది ఉండగా.. ఆయన నన్నే ఎందుకు ప్రేమించాలి? ఆయనతో అనుబంధం కేవలం ఈ తాళితో రాలేదు మాధవి.. ప్రేమతో వచ్చిన బంధం.. ఏ రోజు ఎప్పటికీ తెగిపోదు అని నేను అనుకున్న బంధం.. ఏ నాటికి చెరిగిపోదు అనుకన్నాను’ అంటుంది తులసి నమ్మకంగా. సీన్ కట్ చేస్తే నందు లాయర్‌ని కలుస్తాడు. ‘నిజానికి ఇప్పుడే విడాకులు మంజూరు కావడం నాకు ఇష్టం లేదు సార్.. కొంత కాలం వాయిదా వేస్తా బాగుంటుందేమోనని నా అభిప్రాయం’ అంటాడు. దానికి జడ్జ్ షాక్ అవుతాడు.

‘అసలు మీ ఉద్దేశం ఏంటి.. మీరు మీ భార్యని పట్టించుకుంటున్నట్లా లేక విడిపోతున్నట్లా? పైగా ఇలా రేపు కేసు తీర్పు సమయంలో మీరు ఇలా నన్ను కలవడం కూడా చట్టానికి వ్యతిరేకం. మీరు ఇక వెళ్లండి. నాకు ఏది సరి అనిపిస్తే అలానే నేను తీర్పు ఇస్తాను.. ఇది మీకు వార్నింగ్ లాంటిదే.. మీరు ఇలా కలవడం సరికాదు’ అంటాడు జడ్జ్. దాంతో నందు కాస్త చిన్నబుచ్చుకుని.. ‘సార్.. మీరు అన్నది నిజమే కానీ.. తులసికి ఇంకా సరైన గమ్యం లేదు. మేము విడిపోతే తను ఒంటరిదైపోతుంది. తనకు ఏదైనా ఆధారం దొరికితే బాగుంటుందని నా అభిప్రాయం. అప్పటి దాకా మేము కలిసి ఉండటం మంచిదని నా మనసుకి అనిపించింది. దాన్ని మీరు దృష్టిలో పెట్టుకుని తీర్పు ఇవ్వండి ప్లీజ్.. వెళ్లి వస్తాను.. సారీ సార్’ అంటూ వినయంగా అక్కడి నుంచి వెళ్లిపోతాడు నందు.

కమింగ్‌ అప్‌‌లో..
‘మీరిద్దరూ విడిపోతే.. మేము ఇప్పుడు ఎవరివైపు ఉండాలి? ఎవరివైపు నడవాలి?’ అంటుంది దివ్య బాధగా ఏడుస్తూ. ‘మమ్మల్ని ఇంతలా సపోర్ట్ చేస్తూ.. ఇంత వరకూ పెంచిన మీవైపు ఉండాలా నాన్నా? మమ్మల్ని ఎంతో ప్రేమగా పెంచి పెద్ద చేసిన అమ్మ వైపు ఉండాలా?’ అంటాడు ప్రేమ్. ‘దయచేసి విడాకులు వద్దని చెప్పుమామ్’ అంటుంది దివ్య ఏడుస్తూ. ‘ఇక్కడ ఏ నిర్ణయం తీసుకోవాలన్నా అది మీ నాన్నే తీసుకోవాలి..’ అంటుంది తులసి బాధగా. ‘లాస్య నన్ను నమ్ముకుని ఉంది.. తనతో నేను జీవితాంతం కలిసి ఉంటానని తను నమ్ముతోంది.. తను నా జీవితంలోకి ఎలా ఎంటర్ అయినా.. ఇప్పుడు విడదియ్యలేని బంధంగా ముడిపడిపోయిందిరా..’ అంటాడు నిస్సహాయుడిగా నందు. మొత్తానికి కథ చాలా ఆసక్తిగా ఉత్కంఠగా మారింది. మరిన్ని వివరాలు తరువాయి భాగంలో చూద్దాం! ‘ఇంటింటి గృహలక్ష్మి’ కొనసాగుతోంది.
Read also: ‘కార్తీకదీపం’ జనవరి 20 ఎపిసోడ్: ‘హిమని దారుణంగా హత్య చేశారు డాక్టర్ బాబూ..’ దీప మాట నమ్మిన కార్తీక్ మోనితతో..Read also: ‘వదినమ్మ’ జనవరి 20 ఎపిసోడ్: ట్విస్ట్ అదుర్స్! అమృతకు ఎదురు తిరిగిన వర్షిత! ఇళ్లు వదిలి వెళ్లిపోయిన సీత!