Intinti Gruhalakshmi నవంబర్ 29 ఎపిసోడ్: తులసి ప్రాణాల మీదకు తెచ్చిన సరదా.. కొత్త క్యారెక్టర్ ఎంట్రీ అదుర్స్

రోజురోజుకి ఉత్కంఠగా మారుతున్న ‘ఇంటింటి గృహలక్ష్మి’ సీరియల్ నేడు(నవంబర్ 29)న 489వ ఎపిసోడ్‌కి ఎంటర్ అయ్యింది. నేటి ఎపిసోడ్ చాలా ఉత్కంఠగా మారింది.

489 ఎపిసోడ్‌ హైలైట్స్..
వెల్ నెస్ సెంటర్ మొత్తం చూస్తూ సంతోషంగా ఉంటుంది. సరిగ్గా అప్పుడే ఓ మ్యూజిక్ తులసి మనసుని అటుగా లాగుతుంది. ప్రేమ్ తులసిని ఆపే ప్రయత్నం చేస్తే.. ‘ఏంట్రా ఇది.. పెళ్లి కాకముందు మానాన్నమాట విన్నాను.. పెళ్లి అయ్యాక.. పతికేళ్లు మీ నాన్న మాట విన్నాను.. ఇప్పుడు మీ మాట వినాలా.. కనీసం నాకంటూ నిర్ణయం తీసుకునే అవకాశం లేదా’ అంటూ బుంగబోతి పెట్టడంతో ప్రేమే దగ్గరుండి ఆ మ్యూజిక్ వస్తున్న వైపుగాతీసుకుని వెళ్తాడు. వాళ్లు వచ్చిన అలికిడికి.. ఆ న్యూ క్యారెక్టర్(అధ్వత కృష్ణ) వెల్ నెస్ సెంటర్ ఓనర్.. ఫ్లూట్ ఊదటం ఆపి.. వెనక్కి తిరగుతాడు. అచ్చం అతడి ఎంట్రీ గోపాలా గోపాలా సినిమాలో పవన్ కళ్యాణ్ రేంజ్‌లో ఉండటంతో కథ ఏ మలుపు తిరగనుంది.. ఈ కథలో తులసికి అతడు ఎలా హెల్ప్ కాబోతున్నాడు అనేది ఆసక్తిగా మారింది.

అయితే తులసిని, ప్రేమ్‌ని చూసి.. సంతోషంగా పలకిరించిన అతడు.. మా గురువుగారు ఎలా ఉంటారో నేను అలానే ఉంటాను.. గురువుగారు అంటే.. గడ్డాలు పెంచే గురువులానే ఉండలేను కదా.. అంటూ కామెడీగా మాట్లాడుతూనే తులసికి షేక్ హ్యాండ్ ఇచ్చి మరీ పరిచయం చేసుకుంటాడు ‘ఐయామ్ అధ్వత కృష్ణ. ఆంకాలజిస్ట్’ అంటూ. అయితే నిజానికి తులసిని తీసుకొచ్చిందే అతడి దగ్గర ట్రీట్మెంట్ కోసమే. అయితే ‘మేము డాక్టర్ సునీత కోసం వచ్చాం’ అని ప్రేమ్ అధ్వతకి చెబుతాడు.

అనంతరం తులసి ప్రేమ్ నడుస్తూ.. శ్రుతి, అంకిత, దివ్య ఆడుకుంటూ ఉంటే అటుగా వెళ్తారు. వాళ్లు ముగ్గురు కొట్టుకుంటూ సరదాగా ఎంజాయ్ చేసిన తర్వాత స్కిప్పింగ్ ఆడుతూ ఉంటారు. అయితే తులసి, దివ్య, అంకిత, ప్రేమ్ నలుగురూ కలిసి.. తులసిని స్కిప్పింగ్ ఆడమని బలవంతపెడతారు. అయితే తులసికి క్యాన్సర్ అనే అనుమానం కూడా లేని వాళ్లంతా తులసి ఆడుతుంటే చాలా సంతోషంగా చప్పట్లు కొడుతూ ఉంటారు. తులసికి ఆడి ఆడి కళ్లు తిరుగుతూ పడిపోతూ ఉంటే.. అప్పుడే దూరం నుంచి చూసిన నందు, అభిలు తులసి వైపు పరుగున వస్తారు. తులసి చివరికి నందు పట్టుకునే సరికి పడిపోతుంది. సృహ కోల్పోతుంది. వెంటనే అభి, నందులు మిగిలిన నలుగురిని తులసి చేత ఎందుకు ఆడించారు అంటూ సీరియస్ అయ్యి డాక్టర్ దగ్గరకు తీసుకుని వెళ్తారు. తులసి మాత్రం మాట మంతి లేకుండా సృహలో లేకుండా ఉండటంతో కథనం ఉత్కంఠగా మారింది. మరిన్ని వివరాలు తరువాయి భాగంలో చూద్దాం! ‘ఇంటింటి గృహలక్ష్మి’ కొనసాగుతోంది.