Anchor Varshini: 'ఇంకోసారి స్టేడియంలో కనిపించావో..' యాంకర్ వర్షిణికి నెటిజన్ల ధమ్కీ!

మన దేశంలో క్రికెట్ అంటే చడ్డీలు వేసుకొని తిరిగే పోరగాళ్ల దగ్గరి నుంచి కాటికి కాళ్లు చాపే ముసలోళ్ల వరకు అందరూ ముందుంటారు. అసలు టీవీలో మ్యాచ్ వస్తుందంటే ఒళ్లు పాయ మర్చిపోయి మరి చూస్తారు. అంతేకాకుండా క్రికెట్‌ చూసే ఫ్యాన్స్‌లో సెంటిమెంట్లు కూడా అదే రేంజ్‌లో ఉంటాయి. ఒకవేళ ఎవరైనా మ్యాచ్ చూస్తూ సడెన్‌గా ఏ బాత్‌రూమ్‌కే వెళ్తే.. ఆ టైమ్‌లో మన టీమ్ సిక్స్, ఫోర్ కొట్టిందంటే చచ్చింది గొర్రె. ఎందుకంటే ఇక వాడిని ఆ బాత్‌రూమ్‌లోనే కూర్చోబెట్టేస్తారు. అట్టా ఉంటాయి మన పిచ్చి సెంటిమెంట్లు. మరి ఇప్పుడు యాంకర్ వర్షిణి పరిస్థితి కూడా అలానే తయారైంది.

ఇదీ సంగతి

ఏదో మన టీమ్ మ్యాచ్ హైదరాబాద్‌లో జరుగుతుంది కదా అని నిన్న (మే 4).. వర్షిణి స్టేడియంకు వెళ్లింది. అయితే కోల్‌కతా నైట్ రైడర్స్ చేతిలో సన్ రైజర్స్ హైదరాబాద్ జట్టు 5 పరుగుల తేడాతో ఓడిపోయింది. ప్లేఆఫ్స్‌ రేసులో ఉండాలంటే తప్పక గెలవాల్సిన మ్యాచ్‌లో గెలుపు ముంగిట బోల్తాపడింది. అవును కానీ మన టీమ్ మ్యాచ్ ఓడిపోవడానికి, వర్షిణి స్టేడియంకు వెళ్లడానికి లింకేంటబ్బా.. అనేగా మీ డౌట్. వర్షిణి ఇప్పటివరకు ఈ ఐపీఎల్‌లో మూడు సార్లు స్టేడియంకు వెళ్లింది. మూడు సార్లు మన జట్టు మ్యాచ్ ఓడిపోయింది. అసలే సెంటిమెంట్లు ఎక్కువ అయిన క్రికెట్ ఫ్యాన్స్.. వర్షిణిపై ఫైర్ అవుతున్నారు. ఒకసారి, రెండుసార్లు అయితే పర్లేదు.. మూడుసార్లు ఇదే రిపీట్ కావడంతో ఓ రేంజ్‌లో తిడుతున్నారు.

ఫస్ట్ టైమ్

ఈ ఐపీఎల్‌లో ఫస్ట్ టైమ్ ఏప్రిల్ 18న రాజీవ్ గాంధీ ఇంటర్నేషనల్ స్టేడియంకు వెళ్లింది వర్షిణి. ఆ మ్యాచ్‌లో ముంబయి ఇండియన్స్ చేతిలో సన్ రైజర్స్ హైదరాబాద్.. 14 పరుగుల తేడాతో ఓడిపోయింది. ఇక్కడ వరకు ఓకే అయితే పోనీ వెళ్లింది ఊరుకోకుండా మ్యాచ్ అయిపోయాక వర్షిణి ఫొటో తీసి ఇన్‌స్టాగ్రామ్‌లో పెట్టింది. అసలే మ్యాచ్ పోయిన బాధలో ఉన్న ఫ్యాన్స్.. ఈ ఫొటో చూసి "నువ్వు స్టేడియంకు వెళ్లావ్.. అందుకే మ్యాచ్ దొబ్బింది" అంటూ కామెంట్లు పెట్టడం స్టార్ట్ చేశారు. ఇంకేముంది ఆ ఫొటో కిందంతా ఇదే రచ్చ.
Guppedantha Manasu:'గుప్పెడంత మనసు' ప్రేక్షకులకు బ్యాడ్ న్యూస్.. కొత్త సీరియల్ కోసం టైమ్ ఛేంజ్!
మళ్లీ అంతే

తనపై ఫ్యాన్స్ వేసిన నిందలు చెరిపేసుకుందామనుకుందో ఏమో కానీ వర్షిణి మళ్లీ ఏప్రిల్ 24న అదే స్టేడియంలో దర్శనమిచ్చింది. కానీ అప్పుడు కూడా రిజల్ట్ సేమ్. దిల్లీ క్యాపిటల్స్ చేతిలో సన్ రైజర్స్ 7 పరుగుల తేడాతో ఓడిపోయింది. కానీ వర్షిణి మాత్రం తగ్గేదేలే అన్నట్లు మళ్లీ ఫొటో పెట్టింది. ఇక ఫ్యాన్స్ ఊరుకుంటారా ఓ రేంజ్‌లో ఇచ్చిపడేశారు. "ఇంకోసారి మ్యాచ్‌కు వెళ్లకు.. ఉన్న దరిద్రం చాలు, నువ్వు మ్యాచ్‌కే పోమాకు తల్లి.. ఎస్ఆర్‌హెచ్ ఓడిపోతుంది, నువ్వు ఎందుకు వచ్చావ్ అక్కా.. మొన్నే ఓడిపోయింది.. జర నువ్వు మ్యాచ్‌ రోజు ఇంట్లో చూడు" అంటూ తెగ కామెంట్లు పెట్టారు.

కానీ ఏ మాటకు ఆ మాటే చెప్పుకోవాలి కానీ.. వర్షిణి స్టేడియంకు వెళ్లిన ప్రతిసారి తనకు అయితే బాగా వర్కవుట్ అయింది. ఎందుకంటే ఫస్ట్ టైమ్ వెళ్లినప్పుడు ముంబయి ఇండియన్స్ ప్లేయర్ సూర్యకుమార్ యాదవ్‌తో ఓ క్యూట్ సెల్ఫీ కొట్టేసింది వర్షిణి. ఆ తర్వాతు రెండుసార్లు వెళ్లినప్పుడు టీవీలో కనిపించింది. ఇలా పాపం చేయని మిస్టేక్‌కు వర్షిణికి నిందలు తప్పడం లేదు.

• Read latest TV News and Movie Updates