Is Karthika Deepam Serial Going To End? Here Is The Clear Analysis
కార్తీకదీపం అయిపోతుందా? ఏంటి.. ఇవి తేలకుండానే!
జాతీయస్థాయిలో టాప్ రేటింగ్తో దూసుకుపోతున్న తెలుగు సీరియల్ ‘కార్తీకదీపం’. సాయంత్రం 7.30 అయ్యిందంటే.. ప్రతి ఇంట్లోనూ స్టార్ మా ఛానల్ పెట్టి.. ‘కార్తీకదీపం’ సీరియల్ చూడాల్సిందే. అయితే ఈ సీరియల్ అయిపోవస్తుందని, త్వరలోనే శుభం కార్డు పడనుందని.. 700 ఎపిసోడ్లో దీప, కార్తీక్లను కవలలు(సౌర్య, హిమలు) కలపేయనున్నారని.. చాలా పుకార్లు పుట్టుకొస్తున్నాయి. నిజంగానే ఆ పరిస్థితి ఉందా? మన వంటలక్క కష్టాలు తీరిపోనున్నాయా? అభిమానులు మెచ్చే హ్యాపీ ఎండింగ్ పడిపోనుందా? అనేది ఇప్పుడు ఆసక్తిసాగుతున్న చర్య. అసలు నిజమేంటో ఆ లెక్కలేంటో ఇప్పుడు చూద్దాం!
Samayam Telugu29 Jan 2020, 9:07 pm
జాతీయస్థాయిలో టాప్ రేటింగ్తో దూసుకుపోతున్న తెలుగు సీరియల్ ‘కార్తీకదీపం’. సాయంత్రం 7.30 అయ్యిందంటే.. ప్రతి ఇంట్లోనూ స్టార్ మా ఛానల్ పెట్టి.. ‘కార్తీకదీపం’ సీరియల్ చూడాల్సిందే. అయితే ఈ సీరియల్ అయిపోవస్తుందని, త్వరలోనే శుభం కార్డు పడనుందని.. 700 ఎపిసోడ్లో దీప, కార్తీక్లను కవలలు(సౌర్య, హిమలు) కలపేయనున్నారని.. చాలా పుకార్లు పుట్టుకొస్తున్నాయి. నిజంగానే ఆ పరిస్థితి ఉందా? మన వంటలక్క కష్టాలు తీరిపోనున్నాయా? అభిమానులు మెచ్చే హ్యాపీ ఎండింగ్ పడిపోనుందా? అనేది ఇప్పుడు ఆసక్తిసాగుతున్న చర్య. అసలు నిజమేంటో ఆ లెక్కలేంటో ఇప్పుడు చూద్దాం!
కథని రక్తి కట్టిస్తున్న డైరెక్టర్!
కథ డల్ అవుతున్న సమయంలో కథనాన్ని ఆసక్తికరంగా మలుపు తిప్పతూ, బోర్ కొట్టిస్తున్న టైమ్లో ట్విస్ట్లు ఇస్తూ.. ప్రేక్షకుల్ని కట్టిపారేయడంలో.. డైరెక్టర్ కాపుగంటి రాజేంద్రది ప్రత్యేకమైన శైలి. ఒకప్పుడు కథాప్రేమికులు.. వారపత్రికల్లో, మాసపత్రికల్లో సీరియల్స్ చదవడానికి ఎలా ఆసక్తి చూపించేవాళ్లో.. ఇప్పుడు కార్తీకదీపం సీరియల్ చూడటానికి కూడా అలాంటి ఆసక్తినే చూపిస్తున్నారు. దానికి తగ్గట్టుగా ప్రతి ఎమోషనల్ సీన్లోనూ ఒక సున్నితమైన పాయింట్తో కథని రక్తి కట్టిస్తున్నారు డైరెక్టర్.
బుల్లితెర బాహుబలి అనగానే గుర్తు కొచ్చేది కార్తీకదీపం సీరియల్. కామెడీ షో అయినా, రియాల్టీ షో అయినా.. సూపర్ హిట్ మూవీ అయినా.. మన వంటలక్క ముందు దిగదుడుపే అన్నది రేటింగ్తో ఎప్పటికప్పుడు నిరూపితమవుతుంది. ‘అసలు ఏముంది ఈ సీరియల్లో?’ అనే ప్రశ్నిస్తే.. ఇదొక భార్య భర్తల కథ. ఇంకా చెప్పుకోవాలంటే.. భర్త అనుమానిస్తాడు. భార్య అనుక్షణం ఆ అవమానాన్ని భరించలేక నరకం అనుభవిస్తుంది. ఆ వేదనలో.. ఆ దుఃఖంలో.. ప్రేక్షకుల మనసులను మెలిపెట్టే ఏదో సున్నితమైన భావాలు దాగి ఉన్నాయి. వాటిని పలికించడంలో దీప(ప్రేమి విశ్వనాథ్) దిట్టా అనేది ప్రేక్షకులకు బాగా తేలిసిందే!
మనోబలం, ఆత్మాభిమానం, ఆత్మస్తైర్యం కలిగిన దీప... తన ప్రాతివత్యాన్ని నమ్మకుండా అనుమానించినందుకు భర్త కార్తీక్ని.. విడిచి గర్భవతిగా బయట అడుగుపెట్టింది. ఆసరాగా నిలబడాల్సిన పుట్టిళ్లు కూడా అదే అనుమాన్ని వ్యక్తం చెయ్యడంతో.. బతకడమే భారమై నరకం అనుభవించింది దీప. ఎన్నో కష్టాలకు ఓర్చి ఇద్దరు ఆడపిల్ల(సౌర్య, హిమ)లకు జన్మనిస్తుంది. దీప ఏ తప్పు చెయ్యలేదని నమ్మిన అత్తమామలు(ఆనందరావు, సౌందర్యలు).. దీప కన్న ఆడపిల్లల్లో ఓ పసిబిడ్డ(హిమ)ని దీపకు తెలియకుండా తీసుకెళ్లి.. కార్తీక్కి దగ్గర చేయగా.. మరో ఆడపిల్ల(సౌర్య) దీప దగ్గర పెరుగుతుంది.
కార్తీక్ అనుమానంలో అర్థం ఉంది!
కథానాయిక దీప(ప్రేమి విశ్వనాథ్) క్యారెక్టర్ చుట్టూ తిరిగే ఈ కథలో హీరో కార్తీక్(నిరుపమ్ పరిటాల) క్యారెక్టర్ కూడా చాలా బలమైనదే చెప్పుకోవాలి. అందరి మగాళ్లలా అనుమానించాడంటే అనుమానించాడు కానీ.. దానికి బలమైన కారణం ఉంటుంది. అదేంటంటే.. కార్తీక్ ఒక యాక్సిండెంట్లో పిల్లలు పుట్టే అవకాశం కోల్పోతాడు. అయితే అది నిజం కాదు. కార్తీక్ స్నేహితురాలు మౌనితే అలా అబద్దం చెప్పిస్తుంది డాక్టర్స్ చేత. తనకి పిల్లలు పుట్టే అవకాశం లేదని నమ్మడం, అదే టైమ్లో విహారీ అనే కవితో దీప క్లోజ్గా ఉండటం, తర్వాత గర్భవతి కావడంతో అతడికి అనుమానం బలపడుతుంది. ఒకరోజు అదే విషయాన్ని అందరి ముందు బయటపెడతాడు. దాంతో దీప ఇంట్లోంచి వెళ్లిపోతుంది.
నిజం 1– సౌందర్య ముందుకు దీప!
వద్దన్నా సాయం చేస్తున్న అత్తగారు(సౌందర్య)కు దూరంగా సౌర్య(నెలల పిల్ల)ని తీసుకుని దీప బలబద్రాపురం వెళ్లిపోతుంది. 8 ఏళ్ల తర్వాత దీప, సౌర్యలు హైదరాబాద్ రావడంతో.. ఇక్కడ దీప వంటలక్కలా హిమ(కార్తీక్ దగ్గర పెరుగుతున్న అమ్మాయి)కు పరిచయం అవ్వడం, హిమ కన్నతల్లి దీపేనని తెలియక వంటలక్కా అని పిలిస్తూ.. ఇంట్లో వాళ్లకు పరిచయం చేసే క్రమంలో వంటలక్కే దీప అని సౌందర్య, ఆనందరావు, ఆదిత్య, శ్రావ్యలకు నిజం తెలుస్తుంది.
నిజం 2– వంటలక్క ఎవరో కార్తీక్కి తెలిసిపోయింది!
అప్పట్లో హిమ పదే పదే ‘వంటలక్కా వంటలక్కా..’ అంటూ తిరిగేది. ఎవరో వంటలక్క అనుకున్నాడు కానీ.. దీపే వంటలక్క అనే విషయం కార్తీక్ తెలియదు. అప్పటికే నిజం తెలిసి సౌందర్య, ఆనందరావు, ఆదిత్యలు కూడా కార్తీక్ దగ్గర నిజం దాస్తారు. సీన్ కట్ చేస్తే.. హిమ పుట్టినరోజు నాడు.. చాటుగా వచ్చి చూస్తే దీపని.. ‘వంటలక్కా’ అని హిమ దీపని హగ్ చేసుకోవడం చూసిన కార్తీక్కి నిజం తెలుస్తుంది. దాంతో దీప మీద మరింత పగబడతాడు కార్తీక్. ‘నువ్వు నా బిడ్డని నా నుంచి దూరం చేసి నాకు నువ్వు దగ్గర అవ్వాలనుకోకు’ అని వార్నింగ్ కూడా ఇస్తాడు.
నిజం 3 – సౌర్య వంటలక్క కూతురని తెలిసిపోయింది!
సౌర్య ఎవరో తెలియని కార్తీక్.. బలబద్రాపురంలో పరిచయం అయిన సౌర్యని ‘రౌడీ రౌడీ’ అని పిలుస్తూ.. తన చదువుకి అయ్యే ఖర్చు మొత్తం తనే భరిస్తూ ఉంటాడు. అయితే ‘తన భర్త కార్తీకే.. తన కూతురు సౌర్యని చదివిస్తున్న వ్యక్తి’ అని దీపకు తెలుసు. అయితే ఒకసారి సౌర్య స్కూల్లో కడుపు నొప్పితో కళ్లు తిరిగి పడిపోవడంతో.. సౌర్య బుక్లో ఉన్న దీప ఫొటో చూసి నిజం తెలుసుకుంటాడు. ఆ విషయాన్ని దీప చేతే చెప్పించడానికి సౌర్యని కొన్ని రోజుల పాటూ తనతో ఉంచుకుని దీపని బాగా ఏడిపిస్తాడు కార్తీక్. అప్పటికే సౌందర్య, ఆనందరావులకు నిజం తెలుసు.
నిజం 4 – డాక్టర్ బాబే తన తండ్రి అని తెలిసిపోయింది!
ఎప్పుడూ ‘నా తండ్రి ఎవరు?’ అని అడిగే సౌర్య.. మొత్తానికి తన తల్లి ఆధార్ కార్డ్ దొంగతనంగా తీసుకుని.. ఇళ్లు వెతుక్కుంటూ కార్తీక్ ఇంటికి వెళ్తుంది. అప్పటికే అక్కడికి వెళ్లిన దీప, కార్తీక్ మాటలతో ‘తను అప్పటిదాకా డాక్టర్ బాబు డాక్టర్ బాబు అని పిలిచే కార్తీకే.. తన తండ్రి’ అని తెలుసుకుంటుంది. ఆ నిజాన్ని ఎవ్వరికీ చెప్పకుండా అందరికీ చురకలు వేస్తూ ఉంటుంది. అలా సీరియల్లో మరో కీలకమైన నిజం బయటపడింది. కొన్ని రోజులకు సౌందర్య, ఆనందరావులు సౌర్యకు నిజం తెలిసిందని తెలుసుకుని సౌర్యని దీప ముందే ఆరా తియ్యడంతో సౌర్య బయటపడుతుంది.
నిజం 5 – హిమకు తన తల్లి బతికే ఉందని తెలియాలి!
‘నీకు పుట్టింది ఒక బిడ్డ కాదు, కవలలు’ అని డాక్టర్ ద్వారా నిజం తెలిసుకున్న దీప.. ఆ బిడ్డ ఎక్కడుందోనని అల్లాడుతున్న సమయంలో.. సౌందర్యే తన బిడ్డని ఎత్తుకెళ్లిందని, తనే హిమ అని, సౌందర్యే హిమని.. కార్తీక్ దగ్గర పెరిగేలా చేసిందని తెలుసుకుంటుంది. తన రెండో బిడ్డ కోసం దీప పడిన ఆవేదన కానీ, నిజం తెలుసుకున్న తర్వాత పడ్డ ఆనంద కానీ సీరియల్కే హైలెట్గా నిలిచాయి. మొత్తానికి తన రెండో బిడ్డ హిమే అని దీప తెలుసుకుంది కానీ.. ఇంకా హిమకు ఆ విషయం తెలియదు. ఆ నిజం హిమకు తెలియాల్సి ఉంది.
నిజం 6 – సౌర్య, హిమలు కవలలని తెలియాలి!
కార్తీక్కే తన తండ్రి అనే నిజాన్ని తెలుసుకున్న సౌర్య.. ఇప్పుడు హిమ తల్లి ఎవరో తెలుసుకోవాలని ప్రయత్సిస్తోంది. అయితే కార్తీక్ హిమతో.. ‘నీ తల్లి నీ చిన్నప్పుడే చనిపోయింది’ అని చెప్పాడు. సౌర్య, హిమలు కవలలన్న విషయం పిల్లలకు కానీ, కార్తీక్కి గానీ తెలియదు. సౌందర్య, ఆనందరావు, దీపలకు మాత్రమే తెలుసు. విషయం పిల్లలకు తెలిసినా పెద్ద ప్రమాదం లేదు కానీ.. హిమే ప్రాణంగా బతుకుతున్న కార్తీక్కి.. హిమ ఆ దీప కూతురని తెలిస్తే తట్టుకోలేడు. అయితే సీరియల్లో ఆ నిజం కూడా బయటపడాల్సి ఉంది.
నిజం 7 – సౌర్యకి తెలిసిందన్న విషయం కార్తీక్ తెలియాలి!
సౌర్యకి ‘కార్తీకే తన తండ్రి అనే నిజం’ తెలిసినా.. కార్తీక్ని ఇప్పటికి నాన్నా అని పిలవలేదు సౌర్య. నిజం తెలియనట్లే నటిస్తోంది. అయితే కార్తీక్ మనసులో.. నిత్యం.. ‘నేనే తన తండ్రినని దీప చెప్పకుండా ఉండాలని, సౌర్యకు నిజం తెలియకూడదని, తెలిస్తే తనని అందరి ముందు నాన్నా అని పిలుస్తుందని, దాన్ని నేను భరించలేను’ అని అల్లాడుతుంటాడు. తనలో తనే భయపడుతూ ఉంటాడు. అయితే ఇప్పటికే సౌర్యకు నిజం తెలిసి పోయిందని విషయం కార్తీక్కి తెలియదు.
నిజం 8 – దీప తప్పు చెయ్యలేదని కార్తీక్కి తెలియాలి!
కథలో ముఖ్యమైన విషయమేంటంటే... దీప ఏ తప్పు చెయ్యలేదని కార్తీక్ నమ్మడం. విహారీ(కవి), దీపలు అన్నా చెల్లుల్లుగా మాట్లాడుకునే వాళ్లు. ఆ విషయాన్నే తప్పుగా ఊహించుకున్నాడు కార్తీక్. తనకు ఎలాగో పిల్లలు పుట్టరని నమ్మడంతో దీప గర్భవతి అని తెలియగానే.. విహారీతో తప్పు చేసిందని నమ్ముతున్నాడు. డీఎన్ఏ చేయించుకోమంటే చేయించుకోనంటాడు. ఎందుకుంటే రెండు సార్లు చెక్ చేయించుకుంటే రెండు సార్లూ.. తనకు పిల్లలు పుట్టరనే రిపోర్టే వస్తుంది. ఇదే కథలో అసలు ట్విస్ట్.
నిజం 9 – చివరిగా మౌనిత కుట్ర అందరికీ తెలియాలి
మౌనితే ఈ కథలో ఎవరికీ తెలియని విలన్. కాలేజ్ టైమ్లోనే కార్తీక్ని ప్రేమిస్తుంది. కార్తీక్ ప్రేమించిన హిమ అనే అమ్మాయిని యాక్సిడెంట్ చెయ్యించి చంపేస్తుంది. ఆ యాక్సిడెంట్లోనే కార్తీక్ పిల్లలు పుట్టే అవకాశాన్ని కోల్పోయాడని అతడిని నమ్మిస్తుంది. దీప విహారీతో తప్పు చేస్తుందనే అనుమాన్ని కలిగిస్తుంది. దీపని చంపడానికి ఎన్నో ప్రయత్నాలు చేస్తుంది. హిమ కార్తీక్ కన్న కూతురేన్న అనుమానంతో డీఎన్ఏ పరీక్షలు కూడా చెయ్యించి అన్ని నిజాలు తెలుసుకుంటుంది. కానీ కార్తీక్కి మౌనిత గురించి, ఆమె కుట్రల గురించి చాలా నిజాలు తెలియాలి. ఇలా ఎన్నో నిజాలు బయటపడాల్సిన తరుణంలో.. కార్తీకదీపం ఇప్పట్లో శుభం కార్డు పడదని అర్థం అవుతుంది. కాబట్టి వంటలక్క ఫ్యాన్స్ టెన్షన్ పడాల్సిన పని లేదు!
We use cookies and other tracking technologies to provide services in line with the preferences you reveal while browsing the Website to show personalize content and targeted ads, analyze site traffic, and understand where our audience is coming from in order to improve your browsing experience on our Website. By continuing to browse this Website, you consent to the use of these cookies. If you wish to object such processing, please read the instructions described in our privacy policy/cookie policy.