Guppedantha Manasu Today: ఒకే ఇంట్లో రిషిధార.. వసు మాట వినగానే రిషికి లేచొచ్చిన ప్రాణం.. వాటే సీన్

చనిపోయాడనుకున్న రిషి.. ప్రాణాలతో తిరిగి రావడంతో.. జైలులో ఖైదీలకు పాఠాలు చెప్పే మాస్టర్‌గా ఎంట్రీ ఇవ్వడంతో ‘గుప్పెడంత మనసు’ సీరియల్.. మంచి రసపట్టులో సాగుతుంది. కథను మూడేళ్లు ముందుకు నడిపి.. కొత్త కొత్త పాత్రలతో ఆసక్తికరంగా కథనం సాగుతుంది.

తన ఫ్రెండ్ ఏంజెల్ రిషికి.. రక్తదానం చేసి అతని ప్రాణాలను కాపాడింది. ప్రస్తుతం రిషి.. ఏంజెల్ వాళ్ల ఇంట్లోనే ఉంటున్నాడు. అయితే వసు పనిచేస్తున్న కాలేజ్ చైర్మన్‌కి.. ఏంజెల్‌కి.. రిషి.. వసుధారకి కథని లింక్ చేయబోతున్నారని.. వసు పనిచేస్తున్న కాలేజ్ చైర్మనే.. ఏంజెల్ తాతయ్య అయ్యి ఉంటాడని మనం ముందే ఊహించాం కదా.. తాజా ప్రోమోలో అదే నిజం అయ్యింది.

వసు పాఠాలు చెప్పే కాలేజ్‌లో పోకిరీల చేష్టలు ఎక్కువ అయిపోవడంతో.. ప్రిన్సిపాల్‌కి కంప్లైంట్ చేస్తుంది వసు. అయితే ప్రిన్సిపాల్ చేతులు ఎత్తేయడంతో.. చైర్మన్‌ని కలిసి ఆ పోకిరీలను సస్పెండ్ చేయించాలని ప్రిన్సిపాల్‌తో సహా.. చైర్మన్ ఇంటికి వెళ్తుంది వసు.

ఏంజెల్.. రిషిని చేయిపట్టుకుని నువ్ నాతో రా అని అంటుంది. ఎక్కడికి అని రిషి అడిగితే.. వస్తే తెలుస్తుంది రా.. అని చేయిపట్టుకుని లాక్కుని వెళ్తుంది. సరిగ్గా అదే టైంకి కాలేజ్ ప్రిన్సిపాల్‌తో కలిసి అదే ఇంట్లోకి అడుగుపెడుతుంది వసుధార. ఇంతలో కాలేజ్ చైర్మన్ వసుని కలుస్తుంది. రిషి.. డైనింగ్ టేబుల్ దగ్గర కూర్చుని ఉంటాడు.. ఏంజెల్ వడ్డిస్తూ ఉంటుంది.

ఇంతకీ నీ పేరు చెప్పలేదు అని కాలేజ్ చైర్మన్ అంటే.. ‘వసుధార సార్’ అని అంటుంది వసు. ఆ మాట రిషి చెవిన పడినట్టుగా ప్రోమో చూపించారు. మొత్తానికి ఈ ప్రోమో అయితే అదిరిపోయింది. రిషి-వసులు ఎదురుపడలేదు కానీ.. ఈ రెండు మనసులు ఒకరికోసం ఒకరు తపించే సీన్ అయితే గుండెల్ని పెండేస్తుంది గుప్పెడంత మనసులో. మరి వసు, రిషి కలుసుకున్నారో లేదో అప్ కమింగ్ ఎపిసోడ్‌లో చూద్దాం.