Jabardasth: హైపర్ ఆది లేకుండా బతకలేనంటున్న అనసూయ.. తన భర్త ప్రస్తావన కూడా!

జబర్దస్త్ యాంకర్ అనసూయకు బుల్లితెరపై ఉన్న క్రేజ్ ప్రత్యేకంగా చెప్పాల్సిన అవసరం లేదు. వెండి తెరపై వెలుగులు విరజిమ్మాలంటే వరుస సినిమా ఆఫర్లు ఉండాలి.. ఆ సినిమాలు హిట్ అవ్వాలి. హిట్ కొట్టినోళ్లే వార్తల్లోని వ్యక్తులవుతుంటారు. కాని.. బుల్లితెరపై ఒక ప్రోగ్రామ్ క్లిక్ అయితే చాలు.. వాళ్లు ఏళ్లకు ఏళ్లు పాగా వేసేస్తుంటారు. ప్రతి వారం వాళ్లకు ఓ కొత్త సినిమా విడుదలైనట్టే. యాంకర్ అనసూయ కూడా జబర్దస్త్ కామెడీ షోతో తన పాపులారిటీని అంతకంతకూ పెంచుకుంటోంది.

Read Also: శ్రీముఖి ఆశలు సమాధి చేస్తూ.. బిగ్ బాస్‌లో నాటకీయత పీక్స్


జబర్దస్త్‌లో కామెడీ పీక్స్‌కి చేరడం కోసం వ్యక్తిగత విషయాలను, ఫ్యామిలీస్‌ని కూడా ఫన్ మెటీరియల్‌గా వాడేస్తుంటారు. అందులోనూ అనసూయ, రష్మిలపై పంచ్‌లు వాళ్ల పెళ్లి, లవ్ ఎఫైర్స్ గురించి అయితే కమెడియన్స్‌కి హాట్ కేక్స్ అన్నమాట. అందుకు ప్రతి స్కిట్‌లోనూ అనసూయను ముడిసరుకుగా వాడుకుని స్కిట్స్ రూపొందిస్తారు. వీరిలో హైపర్ ఆది అయితే అందరికంటే పది అడుగులు ముందే ఉంటారు. ఇతనికి అనసూయ కూడా ఫుల్ సపోర్ట్ ఇస్తుండటంతో చెలరేగిపోతుంటాడు ఆది.

Read Also: కోడలిపై హైకోర్ట్ జడ్జి దాష్టీకం.. సిగ్గుపడాలన్న యాంకర్ రష్మి

తాజాగా వచ్చే వారానికి (సెప్టెంబర్ 26) సంబంధించి జబర్దస్త్ ప్రోమోను విడుదల చేశారు. ఇందులో హైపర్ ఆది తన టీంతో కలిసి యాంకర్ అనసూయపై పంచ్‌లు పేలుస్తున్నాడు. ఆమె పెళ్లిపైన, భర్త భరద్వాజ్‌పైన మార్క్ పంచ్‌‌లు విసురుతున్నాడు. నాలుగు మూడు సబ్జెక్ట్‌లు పోయాయని ఒకడు.. నాకు నాలుగు సబ్జెక్ట్‌లు పోయాయని మరొకడు మందు పోయమని ఏడుస్తుంటే.. నాక్కూడా మందు పోయారా అంటున్నాడు ఆది. నీవి అన్ని సబ్జెక్ట్‌లు పాస్ అయ్యాయి కదా అని అంటే.. ‘అనసూయ పెళ్లైపోయిందిరా’ అంటూ తెగ బాధపడుతూ తాగుడు మొదలుపెట్టాడు ఆది.

అతని డైలాగ్‌కి తెగ సిగ్గుపడిపోయిన అనసూయ.. డైరెక్ట్‌గా ఆది స్కిట్‌లోకి ఎంటరై ‘ఆది లేకుండా నేనూ బతకలేను’ అంటోంది. ఈ డైలాగ్ నాకు సరిగా వినిపించలేదు నాకు మళ్లీ చెప్పరా అంటూ అడిగిమరీ రెండో సారి చెప్పించుకుంటున్నాడు ఆది. ఇక రైజింగ్ రాజు.. అనసూయ, నువ్వూ పెళ్లి చేసుకోవాలి.. మీరు పెళ్లి చేసుకోకపోతే భావి భారత పౌరులు నన్ను క్షమించరని ఆవేశపడుతూ డైలాగ్ చెప్తుంటే.. ‘అనసూయను పెళ్లి చేసుకుంటే భరద్వాజ్ (అనసూయ భర్త) నన్ను క్షమించరు’ అంటూ పంచ్ పేలుస్తున్నాడు. మొత్తానికి స్కిట్స్‌లో సైతం తమ పర్సనల్ లైఫ్‌ని ఇన్వాల్వ్ చేస్తూ ఫన్ జనరేట్ చేసే ప్రయత్నం చేస్తున్నారు జబర్దస్త్ టీం.

ఈ ప్రోమో చూడటం కోసం ఇక్కడ క్లిక్ చేయండి..