పార్టనర్‌ని ఎత్తుకుని రష్మి వర్కౌట్స్.. ముద్దులతో ఉక్కిరిబిక్కిరి

యాంకర్ రష్మి ఈ లాక్ డౌన్‌లో మిగతా సెలబ్రిటీలకంటే కూడా ఆమె స్పందించిన తీరు ప్రశంసనీయం. ఏదో ఫేస్ బుక్, ట్విట్టర్, ఇన్ స్టాగ్రామ్‌లో ఓ పోస్ట్ పెట్టేసి జనానికి క్లాస్‌లు పీకలేదు.. వరుస వీడియోలు పెట్టి ప్రమోషన్స్ పొందనూ లేదు. మానవత్వంతో సాటి మనిషిగా స్పందించింది. మనషికి మనిషి సాయం చేయడానికే ముందు వెనుక ఆలోచిస్తూ ఈ కరోనా కాలంలో మూగజీవాల ఆకలి తీర్చడం కోసం స్వయంగా బయటకు వచ్చారు. ఓ సేవా సంస్థ వాలంటీర్స్‌లో కలిసి ఆకలితో అలమటిస్తున్న వీధికుక్కలు, ఆవులు ఇతర మూగజీవాలకు స్వయంగా ఆహారం అందించింది. అంతే కాకుండా తనవంతుగా కొంత ఆర్థిక సాయం అందించిన తన మంచి మనసు చాటుకుంది రష్మి.

అయితే ప్రస్తుతం ఇంట్లోనే ఉంటూ తన పార్టనర్‌తో ఫుల్ ఖుషీలో ఉంది యాంకర్ రష్మి. తన పార్టనర్ అంటే పెళ్లి చేసుకుని కాపురం పెట్టేసిందని అనుకున్నారు.. అదేమీ కాదట. తాను ఎంతో ఇష్టంగా పెంచుకుంటున్న పప్పీ (కుక్క)నే తన పార్టనర్ అంటూ కుక్కతో కలిసి వర్కౌట్స్ చేస్తున్న వీడియోను సోషల్ మీడియాలో పోస్ట్ చేసింది రష్మి. ఆ పప్పీని ఇత్తుకుని ముద్దుల వర్షం కురిపిస్తూ.. తన కౌగిలితో ఉక్కిరి బిక్కిరి చేసేస్తూ వర్కౌట్స్ చేస్తుంది రష్మి. మై బెస్ట్ వర్కౌట్ పార్టనర్ అంటూ ఈ వీడియోకి క్యాప్షన్ కూడా పెట్టేసింది రష్మి. తనకు కుక్కలు అంటే ఎంత ఇష్టమో ఈ వీడియోలో మరోసారి తెలియజేసింది రష్మి. ప్రస్తుతం రష్మి తన పార్టనర్‌తో కలిసి చేసిన వర్కౌట్స్ సోషల్ మీడియాలో వైరల్ అవుతున్నాయి.