Chiranjeevi: చిరంజీవి కంటే సుడిగాలి సుధీర్‌‌కి ఫ్యాన్ ఫాలోయింగ్ ఎక్కువా? ప్చ్!!

మెగాస్టార్ చిరంజీవి తెలుగు సినిమా ఇండస్ట్రీలో మకుటం లేని మహరాజు. ఎంత మంది హీరోలు వచ్చినా వెళ్లినా మెగాస్టార్ అంటే టాలీవుడ్‌కి ఎవరెస్ట్ శిఖరం అనే చెప్పాలి. ఈ శిఖరాన్ని అందుకోవాలని ఆయన ఫ్యామిలీ నుండే అర డజన్‌కి పైగా హీరోలు వచ్చినా ఆయన వేసిన బాటలో నడవగలుగుతున్నారే తప్ప.. ఈ బహుదూరపు బాటసారిని అందుకోవడం ఎవరితోనూ సాధ్యం కాలేదు.

మెగాస్టార్ చిరంజీవి తెలుగు సినిమా ఇండస్ట్రీలో మకుటం లేని మహరాజు. ఎంత మంది హీరోలు వచ్చినా వెళ్లినా మెగాస్టార్ అంటే టాలీవుడ్‌కి ఎవరెస్ట్ శిఖరం అనే చెప్పాలి. ఈ శిఖరాన్ని అందుకోవాలని ఆయన ఫ్యామిలీ నుండే అర డజన్‌కి పైగా హీరోలు వచ్చినా ఆయన వేసిన బాటలో నడవగలుగుతున్నారే తప్ప.. ఈ బహుదూరపు బాటసారిని అందుకోవడం ఎవరితోనూ సాధ్యం కాలేదు.

Samayam Telugu

టాలీవుడ్‌ బిగ్ బాస్‌తో సుధీర్‌కి పోలిక ఏంటి?

మెగా హీరోలకే కాదు.. మిగతా హీరోలకు మెగాస్టార్ చిరంజీవి ‘బిగ్ బాస్‌’గానే ఉన్నారు. ఈ టాలీవుడ్ ‘గ్యాంగ్ లీడర్’‌కి 60 ఏళ్లు దాటిని ఆయనకు ఉన్న ఫ్యాన్ ఫాలోయింగ్ ఏ మాత్రం దగ్గలేదని ఆయన రీఎంట్రీ చిత్రాలు ‘ఖైదీ 150’, ‘సైరా’లు నిరూపించాయి. అయితే ఇంతటి క్రేజ్ ఉన్న చిరంజీవి కంటే జబర్దస్త్ కమెడియన్ సుడిగాలి సుధీర్‌కి ఎక్కువ ఫ్యాన్ ఫాలోయింగ్ ఉంది అంటే నమ్మగలమా?

చిరంజీవి కంటే సుధీర్‌కి ఫ్యాన్ ఫాలోయింగ్ ఎక్కువా?

నమ్మశక్యం కాని ఈ పిచ్చి ప్రశ్నను సుడిగాలి సుధీర్‌ని ఓ ట్యూబ్ ఛానల్ యాంకర్ అడగ్గా.. ఆసక్తికరమైన సమాధానం ఇచ్చారు సుధీర్. ఇటీవల సుడిగాలి సుధీర్, ధన్య బాలక్రిష్ణ మూవీ ప్రమోషన్స్‌లో భాగంగా ట్రైలర్‌ను మెగాస్టార్ చిరంజీవితో లాంఛ్ చేయాలని నిర్మాతలు కోరగా.. ‘నాకంటే సుడిగాలి సుధీర్‌కే ఎక్కువ ఫ్యాన్ ఫాలోయింగ్ ఉంది ఆయనతోనే లాంఛ్ చేయండి’ అని మెగాస్టార్ చిరంజీవి అన్నారట నిజమేనా అని సుడిగాలి సుధీర్‌ని యాంకర్ ప్రశ్నించాడు.

నాకు ఈ విషయం తెలియదు.. సుధీర్ ఆన్సర్ ఇదీ..!

ఏమో నాకు తెలియదండీ బాబూ.. నేనే ఆయన ఫ్యాన్‌‌ని. మీరు చెప్పేవరకూ నాకు ఈ విషయం తెలియదు. ఆయనకంటే నాకు ఫ్యాన్స్ ఎక్కువ ఎలా ఉంటారు. ఆయనతో నాకు పోలిక ఏంటి? అది ఇంపాజిబుల్.

చిరంజీవే నాకు స్పూర్తి..

ఆయన్ని స్పూర్తిగా తీసుకుని నాలాంటి ఎంతో మంది ఇండస్ట్రీకి వచ్చారు. ఆయనతో పోల్చుకోలేం. చిరంజీవికి ఉన్న ఫ్యాన్ బేస్ వేరు. నాకు ఉన్న ఫ్యాన్స్ వేరు. నాకు ఉన్నది ఫ్యాన్స్ అనలేను.. వాళ్లు నా ఫ్యామిలీ. వాళ్లు లేకుండా నేను ఇక్కడవరకూ వచ్చేవాడిని కాదు.

ఈ స్టేట్‌మెంట్‌కి నేను ఒప్పుకోను..

చిరంజీవి దేవుడు.. ఆయనకంటే నాకు ఫ్యాన్స్ ఎక్కువ ఉన్నారన్నది నిజం అయ్యి ఉండదు. చిరంజీవి గారు అలా అన్నారని నాకు తెలియదు. ఆయన ఎంతో కష్టపడి ఆ స్థాయికి వచ్చారు. ఈ స్టేట్ మెంట్‌ను నేను యాక్సెప్ట్ చేయను.

జబర్దస్త్‌లోనే ఉంటా..

నేను జబర్దస్త్ మానేస్తున్నట్టుగా చాలా వార్తలు వచ్చాయి. ఈరోజు నాకు ఇంత క్రేజ్ వచ్చింది అంటే ‘జబర్దస్త్’ కామెడీ షోవల్లే.. నేను హీరోగా చేస్తున్నానంటే దానికి కూడా జబర్దస్త్ షో కారణం. ఆ షోని వదలడం లేదు. నేను జబర్దస్త్‌లోనే కొనసాగుతా. మిగతావాళ్ల గురించి నాకు తెలియదు.

నాకు 33 ఏళ్లే.. అప్పడే పెళ్లా?

అప్పుడే పెళ్లి చేసుకోవాలని అనుకోవడం లేదు.. నాకు జస్ట్ 33 ఏళ్లే. పెళ్లికి ఇంకా టైం ఉంది.. ఇప్పుడు మేం చిన్నపిల్లలమే. పెళ్లి ఎప్పుడు అవుతుందనేది చెప్పలేం. 2020కి నాకు 33 వస్తాయి.. పెళ్లి అవుతుందా? లేదా అన్నది చెప్పలేం’ అంటూ చెప్పుకొచ్చారు సుధీర్.