Jabardasth: స్కూటీపై అనసూయ, ఆది షికారు.. వీడియో వైరల్

‘‘ఏమైంది ఈవేళ.. ఎదలో ఈ సందడేలా.. మిలమిలమిల మేఘమాలా.. చిటపట చినుకేయువేళా’.. అంటూ బ్యాగ్రౌండ్‌లో సాంగ్ ప్లే అవుతూ ఉంటే.. రెడ్ కలర్ స్కూటీ డ్రైవ్ చేస్తూ చీర సోయగంతో హొయలు ఒలకబోస్తూ వెనుకన హైపర్ ఆదిని కూర్చోబెట్టుకుని రౌండ్లు కొడుతూ ఉంది జబర్దస్త్ యాంకర్ అనసూయ భరద్వాజ్.

అంతేకాదు మనమిద్దరం ఇలా తిరిగితే అందరూ దిష్టిపెట్టేస్తారు.. నిమ్మకాయ, మిరపకాయ పెట్టానా’ అంటూ దిష్టితీసేందుకు రెడీ అయ్యింది. ఈ హంగామా అంతా జబర్దస్త్ స్టేజ్‌‌పైనే. వచ్చే వారానికి సంబంధించిన ప్రోమోను విడుదల చేయగా.. ఇందులో అనసూయ, హైపర్ ఆదిలో బైక్‌పై షికారు చేస్తున్నారు.

ఇక దిష్టికోసం మిరపకాయ, నిమ్మకాయ పెట్టనా అని అనసూయ అడిగితే.. వాటితో దిష్టిపోతే.. నిమ్మకాయ తోటకు తెగులెందుకు? మిరప రైతుకి దిగులెందుకు? అంటూ సెటైర్లు వేస్తున్నాడు హైపర్ ఆది. సర్లే.. ఇప్పుడు బైక్ మీద ఎంట్రీ ఇచ్చాం కదా.. ఈసారి ఫ్లైట్‌లో ఎంట్రీ ఇద్దాం అని అనసూయ అంటుంటే.. ‘నీలాంటిదే దీపావళి రిచ్‌గా జరుపుకోవాలని... రివాల్వర్‌తో కాల్చిందట అందర్నీ’ అంటూ పంచ్‌లు పేలుస్తున్నాడు హైపర్ ఆది. తాజా ప్రోమోపై మీరూ ఓ లుక్కేయండి.