Guppedantha Manasu జనవరి 18 ఎపిసోడ్: కుమిలికుమిలి ఏడ్చిన రిషి.. జగతిని ఇంటికి రానిస్తాడా?

గత ఎపిసోడ్‌లో.. రిషికి వసు రికార్డ్ చేసిన రిషి పాటనే వినిపిస్తుంది. మహేంద్రాసార్ ఫోన్‌లో రికార్డ్ చేసుకున్నా అని జరిగింది చెబుతుంది. అయితే గత ప్రోమోలో మహేంద్రకి హార్ట్ ఎటాక్ వచ్చినట్లు చూపించడంతో నేటి కథనం ఉత్కంఠగా మారింది.

350వ ఎపిసోడ్‌ హైలైట్స్..
రిషితో వసు కూర్చుని ఉండటం చూసిన గౌతమ్.. ‘రేయ్ ఇది అన్యాయం.. నన్ను నీ క్యాబిన్‌లో ఉండమని.. నువ్వు ఏం చేస్తున్నావ్ ఇక్కడా?’ అంటూ రిషిని నిలదీసే ప్రయత్నం చేస్తాడు. అప్పుడే వసుతో.. ‘హాయ్ వసుధరా.. ఆ ప్రేమ లేఖ రాసింది ఎవరో తెలిసిందా?’ అంటాడు గౌతమ్. అది.. అని వసు నసుగుతుంటే.. రిషి వెంటనే.. ‘వసుధరా నువ్వు వెళ్లు’ అంటాడు. ‘వసుధరా నువ్వు ఆగు’ అంటాడు గౌతమ్. రిషి మరోసారి వెళ్లు వసుధర అనేసరికి వసు అక్కడ నుంచి వెళ్లిపోతుంది. ‘రేయ్ నువ్వు నాకు శత్రువులా తయారయ్యావ్‌రా’ అనుకుంటాడు గౌతమ్ మనసులో రిషి గురించి. అయితే రిషి మాత్రం మనసులో.. ‘రేయ్ గౌతమ్ నువ్వు తప్పు చేస్తుంటే చూస్తూ ఊరుకోనురా..’ అనుకుంటాడు.

ఇక సీన్ కట్ చేస్తే.. నైట్ టైమ్‌లో జగతి, మహేంద్రలు మాట్లాడుకుంటూ ఉంటారు. ఆ రోజు వసు దేవయానికి క్షమాపణలు చెప్పే సీన్ దగ్గర నుంచి దేవయాని కంగుతిన్న సీన్ వరకూ అంతా చెబుతూ బాగా నవ్వుతాడు మహేంద్ర. జగతి అలా చెప్పడం, నవ్వడం తప్పు అంటూ వారిస్తుంది. అయితే మహేంద్ర మాత్రం చాలా నవ్వుతాడు. నవ్వుతూ నవ్వుతూ నొప్పి అంటాడు. దగ్గుతాడు. దగ్గిదగ్గి సోఫాలో ఒరిగిపోతాడు. దాంతో జగతి కంగరుపడిపోతుంది. ఏడుస్తుంది. ఫోన్స్ ట్రై చేస్తుంది వసుకి. వసు లిఫ్ట్ చేయదు. వణికిపోతూ.. మళ్లీమళ్లీ వసుకి రిషికి ట్రై చేస్తూనే ఉంటుంది. అయితే వసు రెస్టారెంట్‌లో డ్యూటీలో ఉంటుంది. రిషి గౌతమ్‌తో వాలీబాల్ ఆడుతూ ఉంటాడు.

జగతి ఆంబులెన్స్‌కి కాల్ చేస్తుంది. మధ్య మధ్యలో మహేంద్రా మహేంద్రా అంటూ లేపే ప్రయత్నం చేస్తుంది. ఆ సీన్ చాలా ఎమోషనల్‌గా ఉంటుంది. చివరికి జగతి రెస్టారెంట్‌కి కాల్ చేసి.. వసుకి ఫోన్ ఇవ్వమంటుంది. వసు మాట్లాడగానే.. జగతి ఏడుస్తూ జరిగింది చెబుతుంది. డ్రెస్ మార్చుకుని వసు వచ్చేస్తుంది. ఇద్దరూ కలిసి హాస్పిటల్‌కి తీసుకుని వెళ్తారు. రిషి నా ఫోన్ లిఫ్ట్ చేయట్లేదు వసు అని జగతి ఏడుస్తూ చెబుతుంది. దాంతో వసు కూడా రిషికి ట్రై చేస్తుంది. అయితే రిషి, గౌతమ్ ఇద్దరూ ఇంకా గేమ్ ఆడుతూనే ఉంటారు. ఆ సమయంలో కూడా వసు జోలికి పోవద్దు అని రిషి ఇన్ డైరెక్ట్‌గా గౌతమ్‌కి చెబుతూ ఉంటాడు. ఇక కాసేపటికి ఇద్దరూ వచ్చి ఓ చోట కూర్చుని కబుర్లు చెప్పుకుంటూ ఉండగా.. గౌతమ్‌కి వసు కాల్ చేస్తుంది.

తన ఫోన్ దగ్గరకు వెళ్లి పేరు చూసిన గౌతమ్ సంబరంగా.. ‘కాల్ చేస్తుంది ఎవరో తెలుసా.. వసుధరా’ అంటూ లిఫ్ట్ చేస్తాడు. ‘వసు చెప్పు ఎక్కడ కలుద్దాం’ అని గౌతమ్ ఓవర్ యాక్షన్ చేస్తుంటే.. వసు అవతల నుంచి బాధగా.. ‘రిషి సార్ ఉన్నారా? హాస్పెటల్‌లో ఉన్నాం..’ అంటూ కంగారుగా మొత్తం జరిగిందంతా చెబుతుంది. దాంతో రిషి కంగారుగా.. ‘హాస్పిటలా?’ అని పైకి అనేసి.. ‘హాస్పిటాలిటీ..’ అని రిషి ముందు కవర్ చేసి.. రిషిని తీసుకుని కారులో హాస్పిటల్‌కి బయలుదేరతాడు చాలా వేగంగా.. ‘రేయ్ ఎందుకురా అంత స్పీడ్’ అని రిషి అడిగితే.. తెలిసిన వాళ్లు ఎవరో హాస్పెటల్‌లో ఉన్నారు అని ఒకసారి.. వసు ఫ్రెండ్ ఎవరో హాస్పెటల్‌లో ఉన్నారని ఒకసారి నిజం మాత్రం చెప్పకుండా తీసుకుని వెళ్తూ ఉంటాడు.

కమింగ్ అప్‌లో..
వసు జగతి ఏడుస్తూ ఉంటే.. రిషి, గౌతమ్ వాళ్ల దగ్గరకు వస్తారు. ‘వసుధరా లోపల ఉన్నది ఎవరో? ఎవరికి ఏం అయ్యింది?’ అని కంగారుగా అడుగుతాడు రిషి. ‘సార్ మహేంద్ర సార్‌కి హార్ట్ ఎటాక్ వచ్చింది’ అని వసు చెప్పడంతో రిషి డాడ్ అని చాలా ఏడుస్తాడు. సీన్ కట్ చేస్తే.. మహేంద్రని చూడటానికి రిషి, జగతి ఇద్దరూ వెళ్తారు. అక్కడ రిషి మహేంద్రతో.. ‘డాడ్ మీరు ఇలా సైలెంట్‌గా ఉండొద్దు.. నేను తట్టుకోలేను’ అంటూ ఉంటే.. జగతి చాలా ఎమోషనల్‌గా.. ‘తనకి ఏదైనా జరిగితే మరుక్షణమే ఈ జగతి తుదిశ్వాస వదులుతుంది’ అని ఏడుస్తుంది. ఆ మాటలకు రిషి వింటాడు. మరి మహేంద్ర తేరుకుని.. తన ఆరోగ్యాన్ని అడ్డం పెట్టుకుని జగతిని ఇంటికి రప్పించాలని మహేంద్ర అనుకుంటే.. రిషి ఒప్పుకుంటాడా? లేక మహేంద్ర కోసం తనే తగ్గి.. జగతిని ఆహ్వానిస్తాడా? అనేది ఎదురు చూడాల్సిందే. మరిన్ని వివరాలు తరువాయి భాగంలో చూద్దాం! Guppedantha Manasu కొనసాగుతోంది.