janaki kalaganaledu జూలై 30 ఎపిసోడ్: రామాకి ముద్దిచ్చిన జానకి, నిజం నిరూపించే ప్రయత్నంలో మల్లిక మరో అడుగు

బుల్లితెర ప్రేక్షకుల్ని ఎంతగానో ఆకట్టుకుంటున్న ‘జానకి కలగనలేదు’ సీరియల్.. 95 ఎపిసోడ్‌కి నేడు(2021 జూలై 30)న ఎంటర్ అయ్యింది. అయితే నేటి ఎపిసోడ్ చాలా ఆసక్తిగా మారింది.

95 ఎపిసోడ్‌ హైలైట్స్..
జానకి చదువుకోవడానికి బుక్ తీసుకొచ్చిన రామా.. జానకి బెడ్ రూమ్‌లోనే చదువుకునే విధంగా సెట్ చేస్తాడు. ఒక చైర్, ఒక చిన్న బల్ల ఏర్పాటు చేసి లైట్ కూడా పెడతాడు. అది సెట్ చేసేవరకూ జానకిని చూడొద్దు అని.. వెనక్కి తిరగమంటాడు. ఇక చూడండి జానకి గారు అనడంతో తిరిగి చూసిన జానకి చాలా సంబరపడిపోతుంది. చదువుకోవడం మొదలుపెడుతుంది. రామా వెళ్లి పడుకుంటాడు. తెల్లారే లేచి చూసేసరికి జానికి అదే బల్ల మీద పడుకోవడం చూసి.. ‘ఇలా అయితే మీ ఆరోగ్యం ఏం కావాలి.. మీకు ఐఏఎస్ ఎంత ముఖ్యమో నాకు మీ ఆరోగ్యం అంత ముఖ్యం అంటూ అలుగుతాడు.

ఇక వెంటనే కూల్ అయ్యిపోతాడు కూడా. అయితే జానకి రామా చేతులు పట్టుకుని.. ‘నేను చాలా సంతోషంగా ఉన్నానండీ.. ఇదంతా మీ వల్లే సాధ్యమైంది’ అంటూ ప్రేమగా రామా చేతికి ముద్దుపెడుతుంది. దాంతో ఎగిరి గంతేస్తాడు రామా. సిగ్గుతో చిందులేస్తాడు. ఇక మల్లిక ప్రయత్నాలకు మరో ఆశ కలిగించేందుకు తన స్నేహితురాలు వస్తుంది. వేసే వేసే ముగ్గు ఆపేసి.. లోపల నుంచి జానికి పేపర్‌లో పడిన ఆ పేపర్ ముక్క పట్టుకుని.. బయటికి వస్తుంది. నువ్వు ఆ మూలనుండు నేను వస్తాను అంటూ.. ఫ్రెండ్‌ని పంపించి.. ఎవరూ చూడకుండా వెళ్తుంది. అయితే ఆ ఫ్రెండ్ గంట సేపు అటు ఇటు తిప్పి చూస్తూ.. ఇంగ్లీష్ రాదు అన్న విషయం చెబుతుంది .దాంతో మల్లిక తలపట్టుకుంటుంది.

అయితే జ్ఞానాంబ బయటకి వచ్చేసరికి.. ముగ్గు వేయకుండా జానకికి ఎక్కడికో తప్పించుకుందని తిట్టుకుంటూ జ్ఞానాంబే ముగ్గు వేస్తూ ఉంటుంది. మల్లిక భర్త వచ్చి.. ‘నువ్వే వేస్తున్నావేంటమ్మా’ అంటే.. మల్లికని ఎప్పటిలానే తిడుతుంది. దాంతో అప్పటికే జ్ఞానాంబ ముగ్గు వేయడం చూసిన మల్లిక.. నాటకం మొదలుపెడుతుంది. ఓ బిందె చంకన పెట్టుకుని.. అలసిపోతున్నట్లుగా.. నటిస్తూ.. ఖాళీ బిందె పట్టుకుని ‘అత్తయ్యగారు ఆ ముగ్గు నేను వేస్తాను వదిలేయండి’ అంటూ బిల్డప్ కొడుతుంది. అయితే ఆ ఖాళీ బిందె కింద పడటంతో రేపటి ఎపిసోడ్‌లో మల్లికకు ఇత్తడే. మరిన్ని వివరాలు తరువాయి భాగంలో చూద్దాం! ‘జానకి కలగనలేదు’ కొనసాగుతోంది.