Priyanka Jain New Car: ఖరీదైన కారు కొన్న ప్రియాంక జైన్.. ‘జానకి’ స్పీడు మామూలుగా లేదుగా

మన కానిస్టేబుల్ ‘జానకి’ కారుకొన్నదండోయ్. ‘జానకి కలగనలేదు’ సీరియల్‌లో ఐపీఎస్ అవుతానని చివరికి కానిస్టేబుల్ అయిన జానకి (ప్రియాంక జైన్) ఖరీదైర గ్రాండ్ విటారా కారుని కొనుగోలు చేసింది. వెల్కమ్ టు హోమ్ అంటూ కారు ఫొటోలను తన ఇన్‌స్టాగ్రామ్‌లో షేర్ చేసింది జానకి.

కొత్త కారు కొనడానికి ఆమె ప్రియుడు సీరియల్ నటుడు శివ కుమార్ (Shiva Kumar Marihal)‌ని కూడా తీసుకుని వెళ్లింది. కొత్త కారుతో రౌండ్లు కొడుతూ.. ఆఫొటోలను సోషల్ మీడియాలో షేర్ చేసింది ప్రియాంక జైన్. దీంతో ఆమె అభిమానులు కంగ్రాట్స్ చెప్తూ కామెంట్లు పెడుతున్నారు. ఇంతకీ ప్రియాంక జైన్ కొన్న కొత్త కారు ధర రూ.20 లక్షలు పైనే ఉంది. గ్రాండ్ విటారాలో టాప్ మోడల్ ( maruti suzuki grand vitara)‌ని కొనుగోలు చేసింది ప్రియాంక జైన్.

ఇక ఈమె నటిస్తున్న ‘జానకి కలగనలేదు’ సీరియల్ విషయానికి వస్తే.. మొదట్లో బాగానే ఉండేది కానీ.. ఇప్పుడు పరమసోది సీరియల్ అయిపోయింది. మౌనరాగం సీరియల్‌లో అమ్ములుగా అందరినీ ఆకట్టుకుని బుల్లితెర సావిత్రి అంటూ పేరు తెచ్చుకున్న ప్రియాంక జైన్.. ‘జానకి కలగనలేదు’లో మాత్రం.. పెద్దగా ఆకట్టుకోలేకపోయింది. ఈ సీరియల్‌కి రేటింగ్స్ సైతం దారుణంగా పడిపోవడంతో.. రాత్రి ప్రైమ్ టైం నుంచి పీకేసి.. మధ్యాహ్నం 1.30కి ప్రసారం చేస్తున్నారు. అయినప్పటికీ కూడా రేటింగ్‌లో పెద్ద తేడా లేదు.. టాప్ 3 ప్లేస్‌లో ఉండే జానకి ఇప్పుడు టాప్ 5లో కాదు కదా.. బార్క్ రేటింగ్‌లో దారుణంగా 18వ స్థానానికి పడిపోయింది. కథ, కథనాలు నసగా మారడంతో.. జానకి సీరియల్‌ పరమబోరింగ్‌గా మారిపోయింది. దీంతో ఈ సీరియల్‌కి ముగించడమే మంచిదనే అభిప్రాయాలు వ్యక్తం అవుతున్నాయి. అయితే ప్రియాంక జైన్ మాత్రం.. ఇప్పట్లో ఈ సీరియల్‌కి ఎండ్ కార్డ్ వేసే పరిస్థితి లేదు.. జానకి సీరియల్ అలా కంటిన్యూ అవుతూనే ఉంటుంది అంటూ క్లారిటీ ఇస్తూ ఇటీవల ఓ వీడియో విడుదల చేసింది.