Janaki Kalaganaledu: 'జానకి కలగనలేదు' హీరో అమర్‌దీప్ రెమ్యునరేషన్ ఎంతో తెలుసా?

'జానకి కలగనలేదు' సీరియల్‌లో 'రామా' పాత్రలో ఎంతో చక్కగా ఒదిగిపోయాడు నటుడు అమర్‌దీప్ చౌదరి. పల్లెటూరి కుర్రాడి పాత్రలో అమర్ చెప్పిన డైలాగ్స్, మర్యాద, అమాయకత్వం అభిమానులను ఎంతగానో ఆకట్టుకున్నాయి. 'జానకి గారు' అని పిలుస్తూ భార్య కల నెరవేర్చడానికి రామా పడే కష్టాలు అన్నీ ఇన్నీ కావు.

ఇలాంటి ఛాలెంజింగ్ పాత్రను ఎంతో ఈజీగా చేస్తున్నాడు అమర్. కథ బాగున్నప్పటికీ కథనం కాస్త సాగదీస్తుండటంతో ఈమధ్య జానకి కలగనలేదు సీరియల్ కొంచెం బోర్ కొడుతుంది. అయితే ఈ సీరియల్ సహా తన రెమ్యునరేషన్‌పై అమర్ ఇంట్రెస్టింగ్ కామెంట్స్ చేశాడు.

సీరియల్ కష్టాలు

ఒకప్పుడు తాను కూడా ఎంతో కష్టపడి అవకాశాల కోసం ఆఫీసుల చుట్టూ తిరిగేవాడినని అమర్ చెప్పాడు. కష్టపడితేనే ఏదైనా వస్తుందని.. అదే ఇప్పుడు తనను ఇలా నిలబెట్టిందని చెప్పుకొచ్చాడు.

"ఒకప్పుడు ఆడిషన్స్ కోసం ట్రై చేస్తూనే ఉండేవాడిని. నేను బీటెక్ చదివాను. కానీ జాబ్ మీద ఇంట్రెస్ట్ లేదు. జాబ్ వచ్చినా చేసేదేం ఉండదు. ఆఫీసులో మేనేజర్లకు రిపోర్టింగ్‌లు ఇవన్నీ మనకు అవదు. అందుకే జాబ్ మానేసి అవకాశాల కోసం ట్రై చేశాను. కానీ ఎప్పుడూ కూడా విసుగొచ్చి ఇది మనకెందుకులే అని వెళ్లిపోలేదు. ఎందుకంటే నాకు ఇదే వచ్చు. ఇందులో ఎలాగైనా నన్ను నను నిరూపించుకోవాలనుకున్నాను. నేను జాబ్ వదిలేసి వచ్చాను.. లేదు ఎప్పుడూ అనుకోలేదు. అక్కడ వద్దనుకొని ఇక్కడికి వచ్చాను. ఇక్కడే కష్టపడ్డాను."
- అమర్‌దీప్
Nirupam: డాక్టర్ బాబు కొత్త సీరియల్ ప్రోమో ఇదిగో.. పోలీస్ లవ్ స్టోరీ బాగుందే!
రెమ్యునరేషన్

సాధారణంగా తాను పేరు, ఫేమ్ గురించే ఆలోచిస్తానని.. జీతం గురించి పట్టించుకోనని అమర్ చెప్పాడు. నచ్చిన పని చేసుకుంటూ వెళ్తే డబ్బు ఆలోటమెటి‌క్‌గా వస్తుందని చెప్పుకొచ్చాడు.

"యూట్యూబ్‌లో పని చేసినప్పుడు నాకు నెలకు 25 వేలు వచ్చేది. సినిమా పరంగా అయితే 'శైలజారెడ్డి అల్లుడు' సినిమాకు రోజుకు రూ.7500 ఇచ్చారు. రెండు రోజులు షూటింగ్ చేశాను. అందులో మురళీశర్మగారితో ఓ సీను చేశాను. కానీ అది లేపేసారనుకోండి. లాస్ట్‌లో పేరు ఉంటుంది. అదే నా ఫస్ట్ మూవీ చెక్. కానీ 'సిరి సిరి మువ్వలు' సీరియల్‌కు నెలకు రూ.80 వేలు వచ్చేది. అదే పెద్ద పేమెంట్. దాని తర్వాత నేను ఎక్కువ తీసుకుంది 'అభిలాష' సినిమాకు. ఇందులో హీరోగా చేశాను."
- అమర్‌దీప్

బాగుంటుంది

'జానకి కలగనలేదు' సీరియల్ గురించి మాట్లాడుతూ అమర్ ఇంట్రెస్టింగ్ కామెంట్స్ చేశాడు. ఇది రీమేక్ సీరియల్ అన్న మాట వాస్తవమేనని కానీ మన నేటివిటీకి తగ్గట్లు కొన్ని మార్పులు చేశారని చెప్పాడు.

"ఇది హిందీ సీరియల్‌ రీమేక్. కానీ మన తెలుగు ప్రజలు ఇష్టపడేలా చాలా మార్పులు చేశారు. పూర్తిగా ఆత్రేయపురంలో జరిగే ఓ కథ ఇది. ఇందులో తెలుగుతనం ఉంటుంది. రామచంద్ర కుటుంబం కోసం చదువును త్యాగం చేసి వాళ్లను బాగా చూసుకుంటాడు. అలానే తన భార్య కలను నిజం చేయడానికి, తనను ఐపీఎస్ చేయాలని కష్టపడతాడు. మన తెలుగు నేటివిటీకి ఇది బాగా నచ్చుతుంది. సీరియల్ ముందుకు వెళ్లే కొద్దీ ఇంకా బాగుంటుంది. అది మాత్రం చెప్పగలను."
- అమర్‌దీప్

• Read latest TV News and Movie Updates