Janaki kalaganaledu: రాఖీ భాయ్ తల్లితో రాముడు.. 'జానకి కలగనలేదు' హీరో జాక్‌పాట్!

'జానకి కలగనలేదు' సీరియల్ హీరో అమర్‌దీప్ చౌదరి జాక్‌పాట్ కొట్టేశాడు. కేజీఎఫ్ సినిమాలో రాఖీ భాయ్ తల్లిగా నటించిన అర్చన జోయిస్‌తో ఓ వెబ్‌ సిరీస్ చేస్తున్నాడు. ఇది ఏకంగా ఒకేసారి 7 భాషల్లో రిలీజ్ కానుంది.

Authored byఆర్ కే మురళీ కృష్ణ | Samayam Telugu 25 Apr 2023, 1:52 pm

"ఎప్పటికైనా మాస్ హీరో అవుతాను.. దీనమ్మ అయ్యే చచ్చిపోతాను" ఒక టీవీ షోలో 'జానకి కలగనలేదు' సీరియల్ హీరో అమర్‌దీప్ చౌదరి చెప్పిన మాటలు ఇవి. ఇప్పటివరకు చాలా సీరియల్స్‌లో హీరోగా కనిపించిన అమర్‌కు వెండితెరపై హీరోగా కనిపించాలని కోరిక. దీని కోసం చాలా ఏళ్లుగా కష్టపడుతున్నాడు. మొన్న ఈ మధ్యే తను హీరోగా నటించిన 'అభిలాష' సినిమా ట్రైలర్ కూడా రిలీజైంది. ఇక తాజాగా మరో సూపర్ హాట్ న్యూస్ చెప్పాడు అమర్. ఇది విని ఆయన సీరియల్ ఫ్యాన్స్ తెగ సంతోషపడిపోతున్నారు. మరి ఆ వార్తేంటో తెలుసా?

కేజీఎఫ్ బ్యూటీ

హాట్‌స్టార్ ఒరిజినల్స్ సమర్పణలో అమర్ త్వరలోనే ఓ వెబ్‌ సిరీస్‌లో కనిపించబోతున్నాడు. ఇదేమీ అల్లాటప్పా సిరీస్ కాదు. ఎందుకంటే ఇది ఒకేసారి 7 భాషల్లో రిలీజ్ కానుంది. మరీ ముఖ్యంగా ఇందులో అమర్ సరసన 'కేజీఎఫ్' సినిమాలో హీరో రాఖీ భాయ్ తల్లిగా నటించిన అర్చన జోయిస్ నటిస్తున్నారు. ఈ విషయాన్ని స్వయంగా అమర్ తన ఇన్‌స్టాగ్రామ్‌లో ప్రకటించాడు.

"త్వరలోనే కొత్త లుక్‌తో ఒక మంచి ఫీల్ గుడ్ లవ్ స్టోరీతో మీ ముందుకు రాబోతున్నాను. హాట్‌స్టార్ ఒరిజినల్స్‌లో 7 భాషల్లో ఈ ప్రాజెక్ట్ రాబోతుంది. వస్తా చాలా గట్టిగా వస్తా."
- అమర్‌దీప్ చౌదరి (జానకి కలగనలేదు హీరో)

నువ్వొస్తానంటే నేనొద్దంటానా: త్రిష ముద్దు ముద్దు మాటలు

మాస్ రాజా ముందు

అమర్‌కు మాస్ మహారాజా రవితేజ అంటే పిచ్చి. కాలేజీ కూడా బంకు కొట్టి రవితేజ సినిమాలు చూసేవాడు. మొన్న ఉగాది సందర్భంగా 'స్టార్ మా'లో టెలికాస్ట్ అయిన స్పెషల్ షోలో హీరో రవితేజ ముందే "హాయ్‌రే హాయ్ జాంపండు రోయ్" పాటకు యాజ్ ఇట్ ఈజ్ మాస్ రాజాలానే స్టెప్పులేశాడు అమర్. ఇది చూసి ఫిదా అయిపోయిన రవితేజ.. దగ్గరికి పిలిచి హగ్ కూడా ఇచ్చాడు. ఇలా మొత్తానికి రవితేజను కలవాలనే అమర్ కోరిక కూడా తీరిపోయింది.

ఇక మరి సినిమాలో మాస్ హీరోగా నటించాలనే తన కోరికను నిజం చేసుకునే పనిలో ఉన్నాడు అమర్. దీని కోసం కొత్త లుక్‌లో దర్శనమివ్వబోతున్నాడని టాక్. ఎందుకంటే గతంలో ఓ ఇంటర్వ్యూలో అమర్ ఈ విషయాన్ని చెప్పాడు. త్వరలోనే కొత్త లుక్‌తో ఫ్యాన్స్‌కు షాకిస్తానన్నాడు. మరి అది ఈ సిరీస్ కోసమేనా లేక వేరే సినిమా కోసమా అన్నది తెలీదు. కానీ 'జానకి కలగనలేదు' ఫ్యాన్స్‌కు మాత్రం మంచి గుడ్ న్యూస్ చెప్పాడు అమర్. మరి ఈ ప్రాజెక్ట్ వివరాలు త్వరలోనే తెలస్తున్నాయన్న మాట.

Indraja: మంచి వేడి మీదున్నాడు.. వాళ్ల ఆవిడ అమెరికాలో ఉంది కదా: ఇంద్రజ బోల్డ్ కామెంట్స్

Read latest TV News and Movie Updates

Janaki kalaganaledu: రాఖీ భాయ్ తల్లితో రాముడు.. 'జానకి కలగనలేదు' హీరో జాక్‌పాట్!

తరవాత కథనం