Janaki Kalaganaledu: ఆగష్టు 23 ఎపిసోడ్: మల్లికకు క్లాస్ పీకిన జానకి.. ‘నీకు బుద్ధి లేదా?’ మరోసారి తప్పించుకున్న రామా

111 ఎపిసోడ్‌ హైలైట్స్..
‘నువ్వు జానకిని కాలేజ్‌కి తీసుకుని వెళ్లావా లేదా.?’ అంటూ జ్ఞ‌ానాంబ అందరి ముందు నిలదియ్యడంతో.. రామా అబద్దం చెబుతాడు. ‘అమ్మా జానకి వాళ్ల నాన్న గారి పుట్టినరోజు.. అందుకే గుడికి తీసుకుని వెళ్లాడు.. అక్కడ పక్కనే ఉన్న కాలేజ్‌కి వెళ్లామంతే.. పైగా జానకికి గారు ఫోన్‌లో మాట్లాడుతూ చాలా బాధగా మాట్లాడటం చూసి నేను పదే పదే అడిగితేనే కానీ వాళ్ల నాన్నగారి పుట్టిన రోజు అని నాకు చెప్పలేదు తెలుసా’ అంటూ మల్లికకి ఛాన్స్ ఇవ్వకుండా జ్ఞ‌ానంబని మెప్పిస్తాడు. దాంతో జ్ఞ‌ానాంబ స్వీట్స్ తెచ్చి మరీ మల్లికతో పంచిపెట్టించి.. రామా, జానకీలను కౌగలించుకుని ముద్దాడుతుంది. ‘నా మాట కాదు అన్నా నీ భార్య మనసుకు విలువ నిచ్చి తను బాధపడకుండా చూసుకున్నావ్ రామా..’ అంటూ పొగుడుతుంది.

ఇక రామా, జానకీ ఇద్దరూ అబద్దం చెప్పినందుకు బాధపడతారు. ఐఏఎస్ అయ్యేదాకా తప్పదు అంటూ.. ‘అబద్దాలు చెప్పాల్సిన పరిస్థితి రాకుండా చూసకోవాలి’ అంటాడు రామా జానకితో. దాంతో జానకి భర్తకు థాంక్స్ చెబుతుంది. పొంగిపోతుంది. ఇక సీన్ కట్ చేస్తే జానకి కార్కానాకు బయలుదేరతుండగా జ్ఞ‌ానాంబ కోడల్ని బాగా పొగుడుతూ.. అక్కడే ఉన్న మల్లికను ఎత్తిపొడుస్తూ.. ‘ఇక కార్కానాకి వద్దులే జానకీ.. నేర్చుకున్నది చాలు.. కొందరిలా నువ్వు పని దొంగవు కాదులే’ అంటుంది. దాంతో మల్లిక ఇగో హర్ట్ అవుతుంది. భర్త దగ్గరకు వెళ్లి.. ‘మనం వేరు కాపరం పెట్టాల్సిందే’ అంటూ జానకిపై నిప్పులు కురిపిస్తూ మాట్లాడుతూ ఉంటుంది.

అయితే అక్కడికి వచ్చిన జానకి అంతా విని.. ‘ఎందుకు మల్లిక నేనంటే నీకు అంత అసూయా’ అంటుంది. ‘నాకెందుకు అసూయా’అంటూ మాట దాటేస్తుంది. ‘అయినా మనం ఈ ఇంటి కోడళ్లం అవ్వడం మన అదృష్టం.. అయినా వీళ్లు ఎంత మంచివారో తెలుసా. మీరు డబ్బు దాచుకుంటున్నారు అని తెలిసినా కూడా ఆయన(రామా) నా తమ్ముడే కదా అన్నారు.. పోగేసుకుంటే పోగేసుకోనీ కానీ కలిసి ఉంటే చాలు అనుకున్నారు. కానీ ఇంత మంచి కుటుంబానికి దూరంగా వేరుగా ఉంటానంటావేంటీ బుద్ధి లేకుండా’ అంటూ తిట్టిపోతుంది. మల్లిక మాత్రం అవేం చెవికి ఎక్కించుకోదు. మరిన్ని వివరాలు తరువాయి భాగంలో చూద్దాం! ‘జానకి కలగనలేదు’ కొనసాగుతోంది.