Karthika Deepam ఆగస్ట్ 2 ఎపిసోడ్: మోనితకి ఎదురు తిరిగిన ప్రియమణి.. ‘దిక్కు లేకుండా పోతావ్’

బుల్లితెర ప్రేక్షకుల్ని ఎంతగానో ఆకట్టుకుంటున్న ‘కార్తీకదీపం’ సీరియల్.. నేడు(2021 ఆగస్ట్ 2)న 1107 ఎపిసోడ్‌కి ఎంటర్ అయ్యింది.

1107వ ఎపిసోడ్‌ హైలైట్స్..
కార్తీక్ రోషిణి దగ్గరకు వెళ్లాడు. ‘మేడమ్ మోనిత నన్ను బ్లాక్ మెయిల్ చేస్తుంది’ అంటాడు. ఏది నిజం ఏది అబద్దం..? ఎవరిని నమ్మాలి నేను.. మీరు చెప్పిందే నిజమనుకుంటే కడుపు అబద్దం. కడుపు నిజమైతే మీ కథనం అబద్దం. మగాడి సహాకారం లేక కడుపు ఎలా సాధ్యమవుతుంది? మోనితకి ప్రేమో మోజో ఉందని తెలిసి కూడా మీరు ఆమె ఇంటికి వెళ్లారు.. ఇద్దరూ ఆ సరిహద్దు రేఖను దాటారు’ అంటూ గట్టిగానే అనడంతో.. ‘స్టాపిట్’ అని గట్టిగా అరుస్తాడు కార్తీక్. వెంటనే సారీ మేడమ్ సారీ.. నేను మోనితనే ఎక్కువగా నమ్మాను.. నేను హద్దుల్లో ఉన్నంత వరకూ ఎవరి మాట వినాల్సిన పనిలేదు అనుకున్నాను.. మీరు అన్నట్లు నేను హద్దులు దాటలేదు.. ఆ హద్దులను చెరిపేశాను.. అంతే.. అంత వరకే నాకు తెలుసు’ అంటాడు కార్తిక్.

‘మరి కేసు సంగతేంటీ’ అంటుంది రోషిణి. ‘నన్ను ఏం చెయ్యమంటారో మీరే చెప్పండి.. నేను మాత్రం దీపకు అన్యాయం చెయ్యలేదు’ అంటాడు కార్తీక్. ‘మరి మోనితతో పెళ్లి?’ అంటుంది రోషిణి. దాంతో కార్తీక్ చాలా టెన్షన్ పడతాడు. వాటర్ తాగడంతో.. కూల్ కూర్చోండి అంటూ కార్తీక్‌ కుర్చున్నాక.. ఆమె కూర్చుని.. ‘నేర అభియోగం ఉన్నవారిని నేను సరిగా పట్టించుకోను.. కానీ మొదటిసారి దీపని నమ్ముతున్నాను.. ఆమె మాటల్ని నమ్ముతున్నాను.. అంజి గురించి చెప్పింది.. అదే పనిలో ఉన్నాను’ అంటుంది రోషిణి. ‘అంజీ విషయం గురించే వచ్చాను మేడమ్ మీ దగ్గరకు’ అంటాడు కార్తీక్. ‘అదంతా నేను చూసుకుంటాను.. మీరు ఈ ఆవేశంలో మరో తప్పు జరగకుండా చూసుకోండి చాలు.. వెళ్లండి’ అంటుంది రోషిణి.

‘అంజీ ఎవరమ్మా.. మీలో ఏదో నాకు తప్పు కనిపిస్తోంది అమ్మా.. మాట్లాడండి’ అంటూ గట్టిగానే నిలదీస్తుంది ప్రియమణి. దాంతో మోనిత ‘ప్రియమణి’ అని అరుస్తూ కొట్టబోతుంది. ‘చెప్పండమ్మా.. ఓ చెల్లిగా తల్లిగా అన్ని నేనై ఉన్నాను మీకు.. మీ కడుపులోనే దాచిన ఆ నిజం ఏంటీ?’ అని మరోసారి గట్టిగానే నిలదియ్యడంతో.. మోనిత ఆవేశం తట్టుకోలేక.. ‘నోరుముయ్ ప్రియమణి వెళ్లు ఇక్కడ నుంచి’ అంటుంది. ‘నేను మిమ్మల్ని నమ్ముతున్నాను అమ్మా.. ఐ లవ్యూ అమ్మా.. కానీ మీరు తప్పు చేశారని తెలిసి రోజు మాత్రం నేను మిమ్మల్ని నమ్మను.. నేను కూడా మీకు దూరం అవుతాను.. అప్పుడు మిమ్మల్ని చూసే దిక్కు కూడా ఉండదు.. అది గుర్తుపెట్టుకోండమ్మా’ అంటూ వార్నింగ్ ఇచ్చేస్తుంది ప్రియమణి.

రోషిణి ఫోన్ చేసి అంజీ దొరికాడు అని చెబుతుంది. దాంతో దీప మనసులో.. ‘అంజీ ఆచూకి తెలిసిందని రోషిణి మేడమ్ చెప్పారు.. కానీ ఆయనకి చెప్పకుండా నన్ను సూర్యాపేట వెళ్లమంటున్నారేంటీ? ఆయనతో కూడా ఎందుకు చెప్పొద్దు అంటున్నారేంటి.. ఆయన పిన్నీ దగ్గరకు వెళ్తున్నట్లు చెప్పి కారులో వెళ్లాలి’ అనుకుంటుంది. అయితే మోనితకి కూడా అంజీ అక్కడే ఉన్నట్లు సమాచారం ఇస్తారు ఎవరో. దాంతో మోనిత ‘థాంక్యూ సో మచ్.. నేను ఇప్పుడే వెళ్తాను’ అంటూ ఫోన్‌లో మాట్లాడి మనసులో పొంగిపోతుంది. వెంటనే కారు తాళం తీసుకుని.. ప్రియమణి నేను అర్జెంట్ పని మీద వెళ్తున్నాను.. నువ్వు తలుపు వేసుకో.. నైట్ లేటు.. అవుతుంది..’ అని బయలుదేరుతుంది. వెంటనే వెనక్కి తిరిగి.. ‘ప్రియమణి నేను కార్తీక్‌ని ప్రేమించడం తప్పా.. మరేం చెయ్యలేదు.. నన్ను నమ్ము.. మనసులో ఏం పెట్టుకోకు’ అని చెప్పి వెళ్లిపోతుంది. ఇక దీప కూడా కార్తీక్‌కి.. ‘పిన్నీ దగ్గరకు వెళ్తానని’ అబద్దం చెప్పి బయలుదేరుతుంది. మరిన్ని వివరాలు తరువాయి భాగంలో చూద్దాం! ‘కార్తీకదీపం’ karthika deepam కొనసాగుతోంది.