Karthika Deepam Serial ట్విస్ట్: మోనిత మెడలో తాళిని పీకి ముఖంపై విసిరి.. చెంప పగలకొట్టిన డాక్టర్ బాబు

బుల్లితెర ప్రేక్షకుల్ని ఎంతగానో ఆకట్టుకుంటున్న ‘కార్తీకదీపం’ సీరియల్.. నేడు(2022 ఫిబ్రవరి 21)న 1281 ఎపిసోడ్‌కి ఎంటర్ అయ్యింది. అయితే రాబోయే ట్విస్ట్ అదిరిపోయింది. నేటి కథనంలో మోనిత నిజంతెలుసుకుంది. తన బాబు కార్తీక్ దగ్గరే పెరుగుతున్నాడని తెలుసుకుంది. నేటి హైలైట్స్ మిస్ అయితే ఈ కింద లింక్ క్లిక్ చేయండి.
‘కార్తీకదీపం’ ఫిబ్రవరి 21 ఎపిసోడ్: తన కొడుకు.. కార్తీక్ దగ్గరున్నాడని తెలుసుకున్న మోనిత.. ఊహించని మలుపు
ప్రోమో హైలైట్స్..
కార్తీక్ దీప మోనిత కార్తీక్ ఆసుపత్రిలో ఉంటారు. ఏం జరిగిందో ఏం మాట్లాడిందో తెలియదు కానీ.. కార్తీక్ మోనితని లాగిపెట్టి కొట్టిన సీన్‌తోనే రేపటి కమింగ్ అప్ సీన్ స్టార్ట్ అయ్యింది. కార్తీక్ మోనితని లాగిపెట్టి కొట్టిన వెంటనే ఆవేశంతో ఊగిపోతాడు. ‘ఏం అనుకుంటున్నావ్ నా గురించి...? నీ వల్ల నా ఫ్యామిలీ మొత్తం నరకం.. నరకం చూస్తున్నారు.. అసలు ఎవరే నువ్వు? నీతో నాకేంటీ?’ అంటాడు ఉక్రోషంతో.. వెంటనే మోనిత మెడలో తాళిని చూపిస్తూ ‘నీ భార్యనే కదా?’ అంటుంది చాలా ఎమోషనల్‌గా.. అదే ఆవేశంలో కార్తీక్ మోనిత మెడలోని తాళిని పీకి ముఖంపై విసిరి కొడతాడు. దీప చూస్తూనే ఉంటుంది. గర్వంగా నవ్వుతుంది.

మోనిత షాక్‌లోనే ఉంటుంది. ‘మేము ప్రశాంతంగా బతకాలంటే నీకేం కావాలి?’ అంటాడు కార్తీక్. ‘నా బాబు..’ అంటుంది మోనిత. కార్తీక్, దీప షాక్ అవుతారు. ‘నాకు నా బాబుని తెచ్చి ఇవ్వు.. ఇంకెప్పుడు మిమ్మల్ని ఇబ్బంది పెట్టను..’ అంటుంది మోనిత. ‘ఇదే మాట మీద ఉంటావా?’ అంటాడు కార్తీక్. ‘డాక్టర్ బాబు వద్దు’ అన్నట్లుగా అడ్డుపడే ప్రయత్నం చేస్తుంది దీప. ‘దీపా ప్లీజ్ నువ్వు ఆగు..’ అంటూ దీపకు అడ్డుపడిన కార్తీక్.. ‘నీ బాబుని వెతికి తెచ్చి ఇస్తే ఇన్నీ వదిలేస్తావా?’ అంటాడు కార్తీక్ మోనితతో.. మోనిత ఎప్పటిలానే విలన్‌లా చూస్తుంది. బహుశా తన కొడుకు నీ దగ్గరే ఉన్నాడని చెప్పకుండా మరో కొత్త నాటకం స్టార్ట్ చేయనున్నట్లే కనిపిస్తోంది. చూద్దాం ఏం జరగనుందో.