karthika deepam updates: ‘మోనితని చంపే.. నేను చస్తా’ కార్తీక్‌కి తెలియకుండా దీప కీలక నిర్ణయం!

Karthika Deepam Today: కార్తీకదీపం సీరియల్‌ 1554 ఎపిసోడ్‌లోకి అడుగుపెట్టింది. గత ఎపిసోడ్‌లో మోనిత జైలు నుంచి విడుదల కావడం.. దీప, కార్తీక్‌లను కలిసి.. చారుశీల తన మనిషే అని చెప్పి రచ్చ చేయడం అంతా తెలిసిందే. ఆ హైలైట్స్ మిస్ అయ్యి ఉంటే ఈ లింక్ క్లిక్ చేయండి.
‘కార్తీకదీపం’ : జైలు నుంచి విడుదలైన మోనిత.. ‘చారుశీల నా మనిషే’ దీప, కార్తీక్‌లకు నిజం చెప్పి రచ్చరచ్చ

దీప వంట గదిలో పరధ్యానంలో ఉండి.. మోనిత గురించే ఆలోచిస్తుంది. కార్తీక్ వచ్చి.. ‘దీపా ఏంటి మోనిత గురించి ఆలోచిస్తున్నావా? తన విషయం నేను చూసుకుంటాను.. నువ్వేం ఆలోచించొద్దు.. అయినా వంటగదిలో ఉండొద్దని చెప్పాను కదా.. పదా వంట నేను చేస్తాను’ అంటాడు. ‘ఈ ఒక్కరోజుకీ ఏం కాదులే డాక్టర్ బాబు.. వంట అయిపోవచ్చిందిలే’ అంటుంది దీప బాధగా. వెంటనే మోనిత గురించి తలుచుకుంటూ.. ‘ఆఖరి క్షణాల్లో అయినా సంతోషంగా మీతో ఉండాలన్న నా ఆశని ఆ మోనిత ముక్కలు చేసింది. రేపు నేను పోయాక కూడా మీ సంతోషాన్ని దూరం చేస్తుంది’ అంటుంది దీప కార్తీక్‌తో. ‘అవన్నీ నేను చూసుకుంటాను.. నువ్వు తినేసి, టాబ్లెట్స్ వేసుకో.. నేను వస్తాను’ అంటూ కార్తీక్ బయటికి వెళ్తాడు. వెంటనే దీప మనసులో.. ‘ఆ మోనిత మీ వెంట రాక్షసిలా వెంట పడుతుంటే.. ప్రశాంతంగా ఎలా ఉండగలను డాక్టర్ బాబు.. నేను ఉన్నప్పుడే కాదు.. లేనప్పుడు కూడా మీరు సంతోషంగా ఉండాలి. అంటే ఆ మోనిత మన జీవితాల్లోనే ఉండకూడదు.. ఉండనివ్వను డాక్టర్ బాబు’ అని ఫిక్స్ అవుతుంది.

ఇక కార్తీక్ మోనిత ఇంటికి వెళ్తాడు. మోనిత చాలా సంబరపడిపోతూ.. ‘నా కోసం వచ్చావా కార్తీక్’ అంటుంది. ‘దీప పరిస్థితి బాలేదని తెలుసు కదా నీకు.. మమ్మల్ని ఇలా వదిలెయ్.. ప్లీజ్’ అంటాడు కార్తీక్ ఆవేదనగా. ‘అయితే నాదో కోరిక.. అంతా వదిలేస్తాను.. అడిగాక కాదు అనకూడదు మరి..’ అంటుంది. ‘అడుగు అంటాడు కార్తీక్. ‘నేను కూడా మీతోనే ఉంటాను.. మిమ్మల్ని ఇబ్బంది పెట్టను. మీ సంతోషాన్ని చూస్తూ ఉంటాను.. దీప తర్వాత నువ్వు నాతోనే ఉండాలి’ అంటుంది మోనిత.

‘ఛీ ఛీ నీ బుద్ధి మారదని తెలిశాక కూడా మాట్లాడటానికి వచ్చాను చూడు.. ఇది నా తప్పు..’ అంటూ కారు ఎక్కబోతాడు కార్తీక్. ‘కార్తీక్ నా కోరికలో న్యాయం ఉంది కదా? ప్లీజ్ నా కోసం కూడా ఆలోచించు అంటూ మోనిత వెంటపడుతుంది మోనిత. ‘ఇప్పుడు దీప పరిస్థితి బాలేదు కాబట్టి.. మళ్లీ ఏ సమస్య ఉండకూడదు కాబట్టి.. నిన్ను ఇలా వదిలేసి వెళ్తున్నాను.. నీ వల్ల ఏదైనా సమస్య వచ్చిందో.. ప్రాణాలు తీసేస్తాను’ అంటూ వార్నింగ్ ఇచ్చి మరీ వెళ్లిపోతాడు కార్తీక్. ఇక కాసేపటికి దీప ఇంటికి వస్తుంది మోనిత. అప్పటికి దీప.. డైనింగ్ టేబుల్ మీద అన్నీ సర్దిపెడుతుంది.

దీపా వంట చేసి.. డాక్టర్ బాబు కోసం వెయిట్ చేస్తున్నావా? తను నా దగ్గరకే వచ్చాడు.. ఇంకా ఇంటికి రాలేదా? వచ్చి నీ గురించే బతిమలాడాడు. నా కోరిక చెప్పాను.. అదే నేను మీతో ఉంటాను అని అడిగాను.. కాదు పో అంటూ వెళ్లిపోయాడు. సరేలే తింటూ మాట్లాడుకుందాం కూర్చో’ అంటుంది మోనిత నవ్వుతూ. అప్పటికే మంట మీదున్న దీప.. నడవ్వే బయటికి అంటుంది కోపంగా. ‘అయ్యో దీపా నిదానంగా ఆలోచించు.. కార్తీక్ నీ దగ్గర కంటే నా దగ్గరే సంతోషంగా ఉన్నాడు.. ఉంటాడు కూడా..’ అంటుంది మోనిత.

దీప కోపంగా చూస్తుంది. ‘అయినా మీ పెళ్లి అయిన నాటి నుంచి.. నువ్వేం బాగుపడ్డావ్.. కార్తీక్‌ని ఏం బాగుచేశావ్.. నువ్వు ఆలోచించు.. మీ పెళ్లి నాటి నుంచి మీరు సంతోషంగా ఉన్నదే లేదు.. నువ్వు ఏం చెయ్యలేవు దీపా.. ఎలాగో నా దారి రహదారి కాబోతుంది.. అప్పటి దాకా ఆగొచ్చు. కానీ నీ దారిలోకి ఎందుకొస్తున్నానో తెలుసా? నువ్వు పోయే ముందు మా పెళ్లి జరిపించు.. కార్తీక్‌ని ప్రేమగా చూసుకుంటాను.. నీకు కూడా ఓ తృప్తి మిగులుతుంది కదా’ అంటూ వెటకారంగా నవ్వుతూ మాట్లాడుతుంది.

అసలు నువ్వంటే ఉన్నందుకే మాకీ సమస్యలే.. నువ్వే లేకపోతే మా జీవితాలు వేరేలా ఉండేవి’ అంటూ మెడ పట్టుకుని.. నడవ్వే బయటికి అంటూ తోసేస్తుంది దీప. ‘అయ్యో ఆగు దీపా.. వెళ్తానులే.. కానీ.. నేను ఈ రోజు ఏ ప్రపోజల్ అయితే పెట్టానో.. అదే ప్రపోజల్‌తో నా దగ్గరకు త్వరలోనే వస్తావ్.. కార్తీక్‌ని నాకు పెళ్లి చేస్తావ్’ అంటూ నవ్వుతూ వెళ్లిపోతుంది. ఇక హిమ, సౌర్యలు.. కార్తీక్, దీపల ఫొటోలు పట్టుకుని ఊరంతా వెతుకుతూ ఉంటారు. హెమచంద్రకు ఎదురుపడతారు. మరిన్ని వివరాలు తరువాయి భాగంలో చూద్దాం! ‘కార్తీకదీపం’ karthika deepam కొనసాగుతోంది. (photo courtesy by star మా and disney+ hotstar)