Archana Ananth: మాటరాని మౌనమిది.. కార్తీకదీపం సౌందర్య అత్త స్పీచ్‌కి సూపర్బ్ రెస్పాన్స్

కార్తీకదీపం సీరియల్‌లో సౌందర్య అత్తకి మామూలు క్రేజ్ కాదు. ఈ సీరియల్‌లో వంటలక్క, డాక్టర్ బాబు, మోనిత ఇలా లీడ్స్ రోల్స్ అన్నింటినీ తీసేసినా.. సౌందర్య అలియాస్ అర్చన అనంత్ (Archana Ananth) పాత్రని కంటిన్యూ చేస్తున్నారు. ఇప్పుడు కథ మొత్తం ఆమె చుట్టూనే తిరుగుతుంది. ఇద్దరు మనువరాల్లు హిమ, జ్వాలలతో కథ నడిపిస్తుంది సౌందర్య. అప్పుడు అత్తగా అల్లాడించిన సౌందర్య ఇప్పుడు.. నాన్నమ్మగా సీరియల్‌లో చక్రంతిప్పుతోంది.

మొత్తానికి కన్నడ ఇండస్ట్రీలో అనేక సినిమాల్లో నటించి.. కార్తీకదీపం సీరియల్‌తో తెలుగు ప్రేక్షకులకు చేరువైన అర్చన అనంత్ ఇప్పుడు సినిమాలతో బిజీగా మారింది. ఆమెకు వరుస చిత్రాలు క్యూ కడుతున్నాయి. ఇప్పటికే హీరో, థాంక్యూ బ్రదర్ వంటి చిత్రాల్లో నటించిన అర్చన.. తాజాగా ‘మాటరాని మౌనమిది’ (maatarani mounamidi movie) అనే చిత్రంలో కీలకపాత్రలో కనిపించింది.

ఆగష్టునెలలో విడుదలకు రెడీ అయిన ఈ చిత్ర ప్రమోషన్స్‌లో భాగంగా.. గురువారం నాడు (జూలై 7) మీడియా సమావేశం నిర్వహించారు. ఈ కార్యక్రమంలో ప్రత్యేక ఆకర్షణగా నిలిచింది అర్చన అనంత్. ఆమె స్పీచ్‌లో మాట్లాడింది రెండే ముక్కలైనా మంచి రెస్పాన్స్ వచ్చింది.

‘నాకు మాట్లాడటం రాదు.. మైక్ పట్టుకుంటే వణుకు వస్తుంది.. నేను ఇక్కడివరకూ వచ్చేందుకు కారణమైన గగన్ టెలిషోకు కృతజ్ఞతలు. ‘మాటరాని మౌనమిది’ చిత్రంలో నేను ఒక వైవిధ్యమైన పాత్రలో నటించాను. నన్ను నమ్మి నాకు ఈ పాత్రను ఇచ్చిన దర్శకుడు సుకూ పూర్వాజ్‌కి థాంక్స్. ఈ సినిమా గురించి మేము చెప్పడం కన్నా చూసి మీరే ఎలా ఉందో చెప్పండి. మా సినిమా చూసి మీరే రివ్యూ చెప్పాలి.. ఈ సినిమా ఖచ్చితంగా అందరికీ నచ్చుతుంది’ అంటూ ఆశాభావం వ్యక్తం చేశారు అర్చన అనంత్. ‘మాటరాని మౌనమిది’ సినిమాతో పాటు మరో ఐదారు సినిమాలు అర్చన అనంత్‌కి క్యూ కట్టాయి. మరి ఈ సినిమాల్లో ఆమె పాత్ర ఎలా ఉండబోతుందో త్వరలో అప్ డేట్స్ ఉండబోతున్నాయి.