Karthika Deepam Doctor Babu: ఎండలో 'డాక్టర్ బాబు' కష్టాలు.. కొటేషన్ మాత్రం కిర్రాక్ ఉంది!

"గన్ చూడాలనుకో పర్లేదు.. కానీ బుల్లెట్ చూడాలనుకోకు.. చచ్చిపోతావ్" ఈ డైలాగ్ గుర్తుందా. అప్పుడెప్పుడో 'అతడు' సినిమాలో మహేశ్ బాబు.. కోటా శ్రీనివాస్‌తో ఈ పంచ్ డైలాగ్ చెప్పాడు. త్రివిక్రమ్ కలం నుంచి జారిన ఇలాంటి డైలాగులు ఈ సినిమాలో చాలానే ఉన్నాయి. అవును కానీ.. సడెన్‌గా 'అతడు' సంగతి మాకెందుకు అనుకుంటున్నారా? చాలా ఏళ్ల తరువాత ఈ డైలాగ్‌ను 'కార్తీక దీపం' డాక్టర్ బాబు మళ్లీ గుర్తు చేశాడు. తాజాగా మన హీరో కొత్త సీరియల్ షూటింగ్‌తో బిజీబిజీగా ఉన్నాడు. ఇందుకు సంబంధించిన ఓ ఫొటోను కూడా షేర్ చేశాడు. దానికి ఇచ్చిన క్యాప్షన్ నెటిజన్లను ఆకర్షిస్తోంది.

పోలీస్ గెటప్‌లో

'కార్తీక దీపం' సీరియల్‌లో డాక్టర్ బాబుగా ఆడియన్స్ మనసులు గెలుచుకున్న నిరుపమ్ కొత్త ధారావాహిక 'రాధకు నీవేరా ప్రాణం'లో పవర్‌ఫుల్ పోలీస్ ఆఫీసర్‌గా నటిస్తున్నాడు. తాజాగా మండే ఎండలో బీచ్ ఒడ్డున సీరియల్ షూటింగ్ జరిగింది. అక్కడ కుర్చీలో కూర్చొని ఓ చేతిలో గొడుగు.. ఇంకో చేతిలో తుపాకీ పట్టుకొని ఉన్న ఓ ఫొటోను నిరుపమ్ షేర్ చేశాడు.


"గన్ చూడాలనుకో.. బుల్లెట్‌ను కాదు.. ఎండ రావాలనుకో.. ఎండలో ఉండాలనుకోకు.. ఎండిపోతావ్.. మాడిపోతావ్.. రాలిపోతావ్" అంటూ ఈ పోస్ట్‌కు ఓ క్యాప్షన్ ఇచ్చాడు.

జాగ్రత్త బాబు

డాక్టర్ బాబుకు ఫ్యాన్ ఫాలోయింగ్ బాగా ఎక్కువ. అందులోనూ ఇలా ఎండలో కష్టాలు పడుతున్న ఫొటోలు పెట్టేసరికి ఫ్యాన్స్ తెగ కంగారు పడిపోతున్నారు. "డాక్టర్ బాబూ.. జాగ్రత్త, పోలీస్ గెటప్ బావుంది, సింగం గెటప్ అదిరింది, నీడలో షూటింగ్ చేయొచ్చు కదా" అంటూ తెగ కామెంట్లు పెడుతున్నారు. మొత్తానికి అయితే పోలీస్ గెటప్‌లో నిరుపమ్ అదరగొట్టాడు.
Karthika Deepam: నేను మాజీ సీఎం మనవరాలిని.. ఒకేసారి 5 భాషల్లో సీరియల్: 'కార్తీక దీపం' జ్యోతి రెడ్డి
ప్రోమో అదిరింది

'రాధకు నీవేరా ప్రాణం' సీరియల్ ప్రోమో మార్చి 19న రిలీజ్ అయింది. 'హృదయానికి హత్తుకునే సరికొత్త ప్రేమ కథ..' అనే క్యాప్షన్‌తో ప్రోమో స్టార్ట్ అయింది. ప్రోమో మొదట్లోనే హీరోయిన్‌ను పరిచయం చేశారు. వెంటనే ఓ టీ స్టాల్ ముందు చేతిలో టీ గ్లాస్‌తో హీరో నిరుపమ్ కనిపించాడు. ఇంతలో బస్టాప్ దగ్గర కొంతమంది ఆడపిల్లలను ఒక అల్లరి మూక ఏడిపిస్తుంది. ఇది చూసిన నిరుపమ్.. టీ గ్లాస్ పక్కన పెట్టి వాళ్ల దగ్గరికి వెళ్లి అందరినీ ఉతికారేస్తాడు. ఇది చూసి హీరోయిన్ ఫిదా అయిపోతుంది. హీరోను చూసిన తొలి క్షణంలోనే ఆమె గుండె 96 సినిమాలోలా లబ్ డబ్ అంటూ కొట్టుకుంటుంది. ఇందులో హీరోయిన్ ఓ పెయింటర్ అన్నమాట. ఇలా మొత్తానికి ప్రోమో చూస్తుంటే మంచి లవ్ స్టోరీలా కనిపిస్తుంది. త్వరలోనే 'జీ తెలుగు'లో ఈ సీరియల్ ప్రసారం కానుంది.

• Read latest TV News and Movie Updates