‘కార్తీకదీపం’ డిసెంబర్ 13 ఎపిసోడ్ : షాకిచ్చిన సౌర్య! తనకు నిజం తెలుసని అందరి ముందూ..

బుల్లితెర ప్రేక్షకుల్ని ఎంతగానో ఆకట్టుకుంటున్న ‘కార్తీకదీపం’ సీరియల్ 676 ఎపిసోడ్‌లను పూర్తి చేసుకుని.. 677 ఎపిసోడ్‌కి ఎంటర్ అయ్యింది. తెలుగు ప్రేక్షకులను ఎంతగానో ఆకట్టుకుంటున్న‘కార్తీకదీపం’ సీరియల్ నేటి (డిసెంబర్ 13) రాత్రి ఎపిసోడ్‌లో ఏం జరగనుందో ‘సమయం’లో ముందుగానే మీకోసం.

బుల్లితెర ప్రేక్షకుల్ని ఎంతగానో ఆకట్టుకుంటున్న ‘కార్తీకదీపం’ సీరియల్ 676 ఎపిసోడ్‌లను పూర్తి చేసుకుని.. 677 ఎపిసోడ్‌కి ఎంటర్ అయ్యింది. తెలుగు ప్రేక్షకులను ఎంతగానో ఆకట్టుకుంటున్న‘కార్తీకదీపం’ సీరియల్ నేటి (డిసెంబర్ 13) రాత్రి ఎపిసోడ్‌లో ఏం జరగనుందో ‘సమయం’లో ముందుగానే మీకోసం.

Samayam Telugu

గత ఎపిసోడ్‌లో ఏం జరిగిందంటే...

సౌర్య వారణాసిని తీసుకుని బుక్స్ కొనుక్కోవడానికి వెళ్తున్నా అని దీపకు చెప్పి ఆటోలో బయటికి వెళ్తుంది. హిమని కార్తీక్ వెళ్దామా అని అడుగుతాడు. అది విన్న సౌందర్య నేను వస్తానంటుంది. సీన్ కట్ చేస్తే.. సౌందర్య డ్రైవ్ చేస్తూ.. ‘నేను వస్తానన్న పాపానికి నన్ను డ్రైవర్‌ని చేసి పారేశారు’ అనుకుంటుంది మనసులో.. ఇంతలో కార్తీక్.. సౌందర్య కళ్లని కారు అద్దంలోనించి చూసి ‘నేను డ్రైవ్ చేయనా మమ్మీ?’ అంటాడు. హిమ నవ్వుతూ ఉంటుంది. ‘మీ డాడీకి కళ్లని చూసి మనసులో ఉన్నది గుర్తించడం చాలా బాగా వచ్చు. కానీ.. మనసుని చూసి మనిషి(దీప)ని గుర్తించడం చేతకాదు’ అంటూ చురకలు వేస్తుంది. దాంతో కార్తీక్ కోపంగా చూస్తాడు.
photo courtesy star maa and hotstar

Read also: ఆమె కథ ‘సీరియల్’ : గౌతమ్ మాయమాటలకు పడిపోయిన పద్మిణీ!? ‘ఈ రాత్రి మన రాత్రి!’

శ్రావ్యకి కారు గిప్ట్

శ్రావ్య కోసం కారు తీసుకొచ్చిన ఆదిత్య.. ‘మమ్మీ నీకోసం కారు కొన్నది శ్రావ్య. ఇవిగో కీస్, రేపటి నుంచి డ్రైవర్ వస్తాడట.. హా.. ఇంకో విషయం .. కారు మాత్రం మీ అమ్మగారికి ఇవ్వకు. లాస్ట్ టైమ్‌లా కారు మెకానిక్ షెడ్‌కి వెళ్తుంది’ అంటాడు. దాంతో భాగ్యం.. ‘అదేంటీ బాబూ అలా అంటారు? లాస్ట్ టైమ్ అంటే ఏదో సైకిల్ అడ్డొస్తే అలా అయ్యింది. ఈ సారి అలా కాదులెండీ’ అంటూ చెబుతుంది. వెంటనే ఆదిత్య.. ‘ఈ కారు మాత్రం మా మమ్మీ పేరు మీద ఉంది. చిన్న దెబ్బతగిలినా మా మమ్మీకి తెలిసిపోతుంది. ఆ తర్వాత మీ ఇష్టం’ అంటూనే.. ‘శ్రావ్య రెడీ అవ్వు.. ఒక ముఖ్యమైన చోటికి వెళ్దాం’ అంటాడు ఆదిత్య.
photo courtesy star maa and hotstar

Read also: ‘కోయిలమ్మ’ సీరియల్ : మనోజ్ కుమార్ ఇంట్లో పెద్ద పంచాయితీ! చిన్నీ గురించి..

రేయ్.. ఎక్కడరా?

సౌర్య, వారణాసీ ఆటోలో చాలా దూరం వెళ్తుంటారు. ‘రేయ్ ఇంకెంత దూరం రా?.. ఎక్కడుందిరా?’ అంటూ ఉంటుంది. ‘వచ్చేశాం సౌర్యమ్మా.. ఇక్కడే చెప్పారు.’ అంటూ ఆటో ఆపి అటూ ఇటూ తిరిగి చూస్తాడు. ‘రేయ్ వారణాసీ.. ఎక్కడరా జనాలే కనిపించడంలేదు’ అని తిడుతుంది సౌర్య. ఇంతలో ఓ వ్యక్తి అటుగా ఓ దుప్పటి పట్టుకుని వెళ్తుంటాడు. ఆ వ్యక్తి వారణాసి ఆపి.. ‘బయ్యా ఎక్కడిస్తున్నారు ఇవి? అటు ఇస్తున్నారా?’ అని అడగడంతో ఆ వ్యక్తి ‘అవును అటే ఇస్తున్నారు’ అని చెప్పి వెళ్లిపోతాడు. ‘సౌర్యమ్మా పద అటేనట’ అని తీసుకుని వెళ్తాడు వారణాసి.
photo courtesy star maa and hotstar

Read also: ‘మౌనరాగం’ డిసెంబర్ 11 ఎపిసోడ్‌ : నిస్సహాయ స్థితిలో అమ్ములు! భరత్‌కి మరో అవకాశం!?

దీప ఇంటికి అతిథులు

కాలింగ్ బెల్ మోగుతుంటే.. ‘అప్పుడే వచ్చేసిందా ఈ అత్తమ్మా?’ అంటూ తలుపు తీస్తుంది దీప. ఎదురుగా ఉన్న శ్రావ్య, ఆదిత్యలను చూసి చాలా సంబరపడిపోతుంది. అటు శ్రావ్య, ఆదిత్యలు కూడా చాలా ప్రేమగా పలకరిస్తారు. వాళ్లని కూర్చోబెట్టి మర్యాదలు చేసిన దీప.. ‘టీ తాగుతారా.. కాఫీ తాగుతారా?’ అంటుంటే.. ‘అవన్నీ తర్వాత వదినా.. ముందు నువ్వు కూర్చో.. సౌర్య లేదా?’ అంటూ కూర్చోబెట్టి మాట్లాడతారు ఆదిత్య, శ్రావ్యలు.
photo courtesy star maa and hotstar

అంతా షాక్!

కార్తీక్, హిమ, సౌందర్య ముగ్గురూ కలిసి.. రగ్గులు, స్వెటర్లు పంచిపెడుతూ ఉంటారు. అదే లైన్‌లో సౌర్య, వారణాసి నిలబడతారు. కాసేపటికి సౌర్య దుప్పట్లు పంచేది కార్తీక్ వాళ్లేనని చూసి షాక్ అవుతుంది. వారణాసి కూడా షాక్ అయ్యి.. ‘సౌర్యమ్మా వెళ్లిపోదాం రా అమ్మా’ అని బతిమలాడతాడు. సౌర్య మాట వినదు. లైన్ ముందుకు కదలడంతో సౌర్య వంతు వస్తుంది. కార్తీక్ ఇచ్చే దుప్పటి కోసం సౌర్య ధీనంగా చేతులు చాచుతుంది. హిమ, సౌందర్య, కార్తీక్ ముగ్గరూ షాక్ అవుతారు. హిమ ఆశ్చర్యంగా ‘సౌర్య నువ్వా?’ అంటుంది. ‘రౌడీ నువ్వేంటీ’ అంటాడు కార్తీక్.
photo courtesy star maa and hotstar

సౌందర్య ఆవేశం!

సౌర్య వెనుకే ఉన్న వారణాసి.. ‘అదీ డాక్టర్ బాబూ.. బస్తీలో ఎవరో దుప్పట్లు పంచుతున్నారంటేను’ అంటూ నసుగుతాడు. సౌర్య ధీన పరిస్థితి చూసి.. సౌందర్య కళ్లనిండా నీళ్లతో నిర్గాంతపోయి చూస్తుంది. కార్తీక్ కూడా జాలిగా చూస్తుంటాడు. వెంటనే సౌందర్య.. చాలా కోపంగా, చాలా గట్టిగా.. ‘రేయ్ వారణాసీ.. నువ్వు ఆటోలో వెనుకే రా. సౌర్యా నువ్వు మాతో కారులో రా.. కార్తీక్ కారు తియ్’ అంటుంది. సౌర్య భయంతో వణుకుతూ.. ‘వద్దండీ’ అంటూ ఏదో చెప్పబోతుంటే.. ‘నోరుముయ్’ అని అరుస్తుంది. సౌర్యని బలవంతంగా లాక్కెళ్లి కారు దగ్గరకు తోసి.. హిమని సౌర్యను ‘ఇద్దరూ వెనుక కూర్చోండి’ అంటుంది. మళ్లీ కార్తీక్ అని అరుస్తుంది. వెంటనే కార్తీక్ డ్రైవ్ చేస్తాడు. వారణాసి పరుగున వెళ్లి ఆటోలో వెనుకే బయలుదేరతాడు.
photo courtesy star maa and hotstar

కార్తీక్‌కి రొమాన్స్ నేర్పిస్తా!

మౌనిత పడిపడి దగ్గుతూ ఉంటుంది. అది చూసిన ప్రియమణి.. ‘అమ్మా అంతగా దగ్గుతున్నారు క్యాన్సర్ గానీ వచ్చిందంటారా?’ అంటూ వెటకారం చేస్తుంది. తర్వాత కవర్ చేస్తూ.. ‘మౌనితమ్మా.. మీకు జ్వరం వచ్చి పడిపోతే.. కార్తీకయ్య వచ్చి.. మీకు సేవలు చేస్తే.. అది ఊహించుకుంటే భలే ఉంది కదమ్మా?’ అంటుంది. ‘అంతలేదే ప్రియమణీ.. నాకు ఎంత పెద్ద జబ్బు వచ్చినా.. నాలుగు టాబ్లెట్స్ రాసి, జాగ్రత్తగా చూసుకోమని నీకు చెప్పి వెళ్తాడు కానీ.. ఓ రొమాన్స్ పాడూ ఏం ఉండదే... కానీ త్వరలో ఆ దీపతో విడాకులు తీసుకున్నాక.. అన్నీ నేర్పిస్తాను’ అంటూ సిగ్గుపడుతూ వెళ్లిపోతుంది.
photo courtesy star maa and hotstar

సౌర్య మీద దీప ఫైర్!

శ్రావ్య, ఆదిత్యలతో ముచ్చట్లు పెడుతున్న దీప.. ‘ఈ పూట ఇక్కడే తిని వెళ్లాలి..’ అంటుంది. ‘మేం వచ్చింది కూడా అందుకే అక్కా’ అంటుంది శ్రావ్య. ఇంతలో సౌందర్య ఇద్దరు పిల్లల్ని తీసుకుని.. రెండు మూడు బట్టల బ్యాగ్స్ తీసుకుని ఆవేశంగా వస్తుంది. ‘నీ కూతురు ఎక్కడికి వెళ్తుందో.. ఏం చేస్తుందో చూసుకోవాల్సినపనిలేదా దీ.. వంటలక్కా?’ అంటూ అరుస్తుంది. విషయం తెలుసుకున్న దీప.. సౌర్యని గట్టిగా తనవైపు లాగి.. ‘నేను బతికి ఉండగా నీకు ఆ ఖర్మేంటి అత్తమ్మా?’ అని అరుస్తుంది.
photo courtesy star maa and hotstar

దీపకు సౌందర్య వార్నింగ్

సౌందర్య కూడా ఆవేశం ఆపుకోలేక.. ‘నేను బతికి ఉండగా... పిల్లని మరోసారి ఇలాంటి పరిస్థితుల్లో చూడ్డానికి వీళ్లేదు’ అంటుంది. వెంటనే సౌర్య.. తనకు నిజం తెలిసిందనే అర్థం వచ్చేలా‘దీనంతటికీ కారణం డాక్టర్ బాబే కదా నాన్నమ్మా?’ అంటుంది. దాంతో అంతా షాక్ అవుతారు. అయితే సౌర్య తను అన్న మాటని కవర్ చేసుకుంటుందా? లేక నిజం తెలిసిందని బయటపడుతుందా అనేది ఆసక్తిగా మారింది. మరిన్ని వివరాలు తరువాయి భాగంలో చూద్దాం! కార్తీకదీపం కొనసాగుతోంది.