Karthika Deepam Telugu Serial Written Updates 14 March 2020; Sourya To Reveal The Truth?
‘కార్తీకదీపం’ మార్చి 14 ఎపిసోడ్: హిమకి నిజం చెప్పేసిన సౌర్య! ‘కొంప ముంచావు కదే’
బుల్లితెర ప్రేక్షకుల్ని ఎంతగానో ఆకట్టుకుంటున్న ‘కార్తీకదీపం’ సీరియల్ 755 ఎపిసోడ్లను పూర్తి చేసుకుని.. 756 ఎపిసోడ్కి ఎంటర్ అయ్యింది. ఈ ఎపిసోడ్ హైలైట్స్ మీకోసం. తెలుగు ప్రేక్షకులను ఎంతగానో ఆకట్టుకుంటున్న ‘కార్తీకదీపం’ సీరియల్ నేటి (మార్చి 14) రాత్రి ఎపిసోడ్లో ఏం జరగనుందో ‘సమయం’లో ముందుగానే మీకోసం. ఇప్పుడొకసారి గత ఎపిసోడ్లో ఏం జరిగిందో చూద్దాం!(గత ఎపిసోడ్ ఫాలో అయినవాళ్లు డైరెక్ట్ కథలోకి వెళ్లొచ్చు). దీపని ఇంటికి తీసుకొచ్చిన కార్తీక్.. ‘ఏం సాధించాలని పసిదాన్ని వదిలేసి వెళ్లావ్?’ అంటూ గట్టిగానే నిలదీస్తాడు. సౌందర్య, ఆనందరావుల ముందే చెంప చెల్లుమనిపిస్తాడు. అయితే దీప కారణం చెప్పదు. ఇందలో సౌర్య, హిమలు.. దీపని వెతకడానికి వెళ్లి ఎక్కడా కనిపించలేదనే నిరుత్సాహంతో ఇంటికి వస్తారు. ఎదురుగా దీపని చూసి సౌర్య చాలా ఏడుస్తూ.. ముద్దాడుతుంది. ‘ఎందుకు వెళ్లిపోయావ్ అమ్మా?’ అంటూ ఏడుస్తూనే అడుగుతుంది. చివరికి దీప.. కార్తీక్కి థ్యాంక్స్ చెప్పి.. సౌర్య తీసుకుని ఇంటికి వెళ్లిపోతుంది. సౌందర్య వాళ్లని డ్రాప్ చెయ్యడానికి వెనుకే వెళ్తుంది. photo courtesy star maa and hotstar Read also: రోజు రోజుకి ఆసక్తిగా మారుతున్న ‘ఆమెకథ’ మీ కోసం! గౌతమ్ మంచివాడే.. ఇక్కడ క్లిక్ చెయ్యండి..
Samayam Telugu14 Mar 2020, 10:06 am
బుల్లితెర ప్రేక్షకుల్ని ఎంతగానో ఆకట్టుకుంటున్న ‘కార్తీకదీపం’ సీరియల్ 755 ఎపిసోడ్లను పూర్తి చేసుకుని.. 756 ఎపిసోడ్కి ఎంటర్ అయ్యింది. ఈ ఎపిసోడ్ హైలైట్స్ మీకోసం. తెలుగు ప్రేక్షకులను ఎంతగానో ఆకట్టుకుంటున్న ‘కార్తీకదీపం’ సీరియల్ నేటి (మార్చి 14) రాత్రి ఎపిసోడ్లో ఏం జరగనుందో ‘సమయం’లో ముందుగానే మీకోసం. ఇప్పుడొకసారి గత ఎపిసోడ్లో ఏం జరిగిందో చూద్దాం!(గత ఎపిసోడ్ ఫాలో అయినవాళ్లు డైరెక్ట్ కథలోకి వెళ్లొచ్చు). దీపని ఇంటికి తీసుకొచ్చిన కార్తీక్.. ‘ఏం సాధించాలని పసిదాన్ని వదిలేసి వెళ్లావ్?’ అంటూ గట్టిగానే నిలదీస్తాడు. సౌందర్య, ఆనందరావుల ముందే చెంప చెల్లుమనిపిస్తాడు. అయితే దీప కారణం చెప్పదు. ఇందలో సౌర్య, హిమలు.. దీపని వెతకడానికి వెళ్లి ఎక్కడా కనిపించలేదనే నిరుత్సాహంతో ఇంటికి వస్తారు. ఎదురుగా దీపని చూసి సౌర్య చాలా ఏడుస్తూ.. ముద్దాడుతుంది. ‘ఎందుకు వెళ్లిపోయావ్ అమ్మా?’ అంటూ ఏడుస్తూనే అడుగుతుంది. చివరికి దీప.. కార్తీక్కి థ్యాంక్స్ చెప్పి.. సౌర్య తీసుకుని ఇంటికి వెళ్లిపోతుంది. సౌందర్య వాళ్లని డ్రాప్ చెయ్యడానికి వెనుకే వెళ్తుంది.
సీన్ కట్ చేస్తే.. దీప తన ఇంట్లో మెట్ల మీద మౌనంగా, కాస్త కోపం, కాస్త బాధ కూడా హావభావాలతో కూర్చుని ఉంటుంది. సౌందర్య.. దీప కోసం కాఫీ చేసి పట్టుకొచ్చి.. దీపకు ఇచ్చి తాగవే.. అంటుంది. అందుకున్న దీప.. ఇంకా మౌనాన్ని వీడకపోవడంతో.. కూరగాయలుతో చెల్లా చెదురుగా ఉన్న ఆ ప్రదేశాన్ని కాస్త శుభ్రం చేసి.. చైర్ లాక్కుని.. ఎదురుగా వేసుకుని.. ‘భోజనం అది ఏం వండక్కర్లేదు.. ఈ పూటకి పార్లిల్ తీసుకుని రమ్మని వారణాసిని, సౌర్యని పంపించాను.. ఇప్పుడు చెప్పు.. ఎక్కడికి వెళ్లావే?’ అంటుంది సౌందర్య కూల్గా.. దీప మౌనంగానే ఉండటంతో.. ‘ఏం మాట్లాడవేంటీ? నా కూడా చెప్పవా? అయినా మంచిపని చేశావ్ దీపా.... వెళ్లిపోయి మంచి పని చేశావ్.. నీ కన్నప్రేమని, కష్టాలని అన్నింటిని వదిలేసి వెళ్లిపోయి చాలా మంచి పని చేశావ్’ అంటుంది సౌందర్య వెటకారంగా.. దీప షాక్ అయ్యినట్లుగా చూస్తుంది. photo courtesy star maa and hotstar Read also: కార్తీకదీపం గత ఎపిసోడ్ కోసం ఇక్కడ క్లిక్ చెయ్యండి..
కొత్తగా నీకు ఏం జరిగింది?
సౌందర్య మాట్లాడుతూనే ఉంది. ‘ఆ చీకట్లో ఏదైనా దారి కనిపించిందా? ఆ చీకట్లో ఏమైనా పరిష్కారం దొరికిందా? నీ పిచ్చి కానీ.. చీకట్లో ఎలా దొరకుతుందే? అయినా ఇంత మంచి పని దీప చేస్తుందని ఈ సౌందర్య ఎప్పుడూ అనుకోలేదు. అత్తింటికి కోడలిగా అడుగుపెట్టినప్పుడు కనిపించిన విశాలమైన ప్రపంచం.. మళ్లీ అత్తింటిలో అతిథిగా కాలు పెట్టినప్పుడు ఎందుకు కనిపించలేదో నాకు తెలియదు. నువ్వు వెళ్లి ఏం సాధించావ్? వాడి అనుమానం అలాగే ఉంది. నువ్వు పడిన అవమానం అలానే పచ్చిగా ఉంది. కొత్తగా నీకు ఏం జరిగిందో.. నాకు అర్థం కావట్లేదు. అయినా ఎందుకు ఇలా చేశావ్ దీపా..’ అంటూ దీపని గట్టిగానే నిలదీసింది సౌందర్య. photo courtesy star maa and hotstar Read also: ‘ఆమెకథ’ మార్చి 12 ఎపిసోడ్ : కథలో ఫుల్ క్లారిటీ! గౌతమ్ మంచోడే! నిజాలేవీ అతడికి తెలియక..
కార్తీక్ మనసు గురించి చెబుతూ..
అయినా దీపలో చలనం లేదు. సౌందర్య మాటలని.. మౌనంగానే వింటూ ఉంది. ‘నువ్వు వాడి గురించి ఊహించిందంతా చాలా తప్పు... వాడు ఎప్పటికీ నాకు సుపుత్రుడే.. నీకు నమ్మకం కలగలేదని.. నాకు తెలుసు.. నువ్వు కనిపించడం లేదని సౌర్య వచ్చి చెప్పగానే.. వాడు ఎంతగా వెతికాడో నీకు తెలియదు. పోలీస్ రిపోర్ట్ కూడా.. ఇచ్చాడు. అంతకంటే ముఖ్యంగా.. వాడ్ని సౌర్య మొదటి సారి నాన్న అని పిలిచింది.. వాడు అలా పిలవద్దు అనలేదు.. తండ్రిగానే వాడు స్పందించాడు. తండ్రి స్థానంలోనే.. ఎవరో ఆడమనిషి చనిపోతే.. నువ్వు అనుకుని అక్కడి దాకా వెళ్లి చూసి, కాదని చెప్పి సౌర్యని ఓదార్చాడు.. నా కొడుకు నువ్వు అనుకున్నంత దుర్మార్గుడు కాదే.. మానవత్వం ఉన్నవాడే..’ అంటుంది సౌందర్య కళ్లనిండా నీళ్లతో.. photo courtesy star maa and hotstar
దీప వెర్రి నవ్వు..
సౌందర్య మాటలకు వెర్రి నవ్వు నవ్వుతుంది దీప. ‘నమ్ముతావనుకుంటే.. నవ్వుతావేంటే?’ అంటుంది సౌందర్య బాధగా.. ‘మీ సుపుత్రుడిలో ఎన్ని గొప్ప లక్షణాల గురించి మీరు నాకు చెబుతుంటే అత్తయ్యా.. ఇలానే చెబితే నా కూతురికి కూడా నవ్వు వస్తుంది..’ అంటుంది దీప నిరాశగా.. ‘నీలోని నిరాశ పోగొట్టాలని నేను ఇందంతా చెబుతున్నాను..’ అంటుంది సౌందర్య బాధగా దీప వైపు చూస్తూ.. ‘మీ వంశోద్దారకుడిలో అన్నీ గొప్ప లక్షణాలు ఉన్నాయి.. లేనిదల్లా వంటలక్క మీద నమ్మకం.. లేనిదల్లా ఆయన భార్య మీద నమ్మకం. అది నేను ఎక్కడికి పోయినా రాదు.. నేను తిరిగి వచ్చిన రాదు’ అంటుంది దీప ఏడుస్తూ.. photo courtesy star maa and hotstar
దీప ఆవేదన.. ‘ఇద్దరు బిడ్డల తల్లిని నేను.. ’
సౌందర్య బాధపడుతుంది. దీప మళ్లీ మాట్లాడటం మొదలుపెడుతుంది. ‘అయినా ఈ వంటలక్క ఆ డాక్టర్ బాబు మనసులో ఏరోజు చచ్చిపోయింది.. ఏనాడో.. ఆనాడే.. అప్పుడే... ఆయన పిచ్చి గానీ.. దీప శవాన్ని వెతకడానికి వెళ్లడం ఏంటీ? అయినా నేను ఎవరి మీద పోరాటం చెయ్యాలి అత్తయ్యా.. నేను ఇద్దరు పిల్లల తల్లినైనా.. ఎం ప్రయోజనం? నా జీవితం బాగుపడాలంటే.. అసలు నేను ఏం చెయ్యాలి? హిమ నా కూతురే అని కోర్టుకి ఎక్కమంటారా? సౌర్యకి తండ్రి అతడేనని నిరూపించుకోవాలా? ఇద్దరు బిడ్డల తల్లిని నేను.. ఒకదానికి తండ్రి లేడు. ఒకదానికి తల్లి చచ్చిపోయింది. ఇంకా నన్ను కూర్చోబెట్టి.. చందమామ కథలు చెబుతారు మీరు. మీ అబ్బాయి బుద్ధిమంతుడు, కరుణామయుడు అయినంత మాత్రాన్న నాకేంటి ప్రయోజనం? ఒక పక్క పక్కా మగాడు. పురుషాహకారంతోనేగా నన్ను మనసులోంచి వెళ్లగొట్టింది. మీరు మీ కొడుకుని ఆకాశానికి ఎత్తాలంటే నేను భూదేవిలా ఉండాలిగా’ అంటూ ఏడుస్తుంది దీప. photo courtesy star maa and hotstar
నిరావపడొద్దని కోరిన సౌందర్య..
సౌందర్య దీప మాటలకు తల దించుకుంటుంది. మౌనంగా ఉండిపోతుంది. దీప మళ్లీ మాట్లాడుతుంది. ‘అత్తయ్యా.. ఆయనకు నేను ఒక ప్రశ్నని. సమాధానమే లేని ప్రశ్నను. అంతే’ అంటుంది నిరాశగా.. ‘అలా అనుకోకే.. నాకిప్పుడు చాలా ధైర్యంగా ఉంది. వాడిలో నీ మీద ప్రేమ ఉంది. నువ్వు నమ్మినా నమ్మకపోయినా.. నేను నమ్ముతున్నాను.. ఇంత మాట్లాడిన దానివి.. ఎక్కడికి వెళ్లావే అంటే.. జవాబు చెబుతావని నేను అనుకోవట్లేదు. ఎప్పటికైనా నాతో చెప్పాల్సిన బాధ్యత నీ మీద ఉంది. అది మరిచిపోకు.. వస్తాను...’ అంటూ కోపంగా అక్కడ నుంచి లేచి వెళ్లిపోతుంది. అయితే దీప మళ్లీ ఏదో గుర్తుచేసుకుంటుంది. (ఎవరితోనో గొడవ పడి.. వాళ్లని బెదిరించి.. ఏడుస్తూ వెళ్లిపోవడం కనిపిస్తుంది దీప ఊహల్లో.. బహుశా వాళ్లు కార్తీక్ లవర్ హిమ తల్లిదండ్రులు కావచ్చు. వాళ్ల ద్వారా నిజం తెలుసుకుని ఉండొచ్చు. మౌనిత కుట్రని సౌందర్యకి కూడా చెప్పలేదు కాబట్టి.. విషయం చెప్పడానికి ఇష్టడం లేదేమో..). photo courtesy star maa and hotstar
హిమకు నిజం చెప్పాలని నిర్ణయించుకున్న సౌర్య..
సీన్ కట్ చేస్తే.. దీప సౌర్యని తీసుకుని, సౌందర్య హిమని తీసుకుని స్కూల్కి వస్తారు. అయితే సౌర్య మాత్రం బాధగా ఉంటుంది. హిమ ఎంత పలకరించినా మాట్లాడదు. దాంతో హిమ నవ్వుతూ.. ‘సౌర్య ఏంటలా ఉన్నావ్?’ అంటుంది. అయితే సౌర్య మాత్రం మనసులో.. ‘డాక్టర్ బాబే మా నాన్న అని నాకు తెలిసినట్లు డాక్టర్ బాబుకి కూడా తెలిసిపోయింది. కానీ ఎవరితోనూ చెప్పనని మాటిచ్చాను.. కానీ.. అమ్మ తిరిగి వచ్చినప్పటి నుంచి చాలా బాధగా ఉంటోంది. అందుకే నిజం హిమని చెప్పేస్తాను’ అని నిర్ణయించుకుంటుంది. వెంటనే దీప, సౌందర్యలతో.. ‘నేను హిమకి ఓ నిజం చెప్పాలనుకుంటున్నాను.. అది చెప్పాలా వద్దా అని ఆలోచిస్తున్నాను..’ అంటుంది. వెంటనే హిమ ఏంటది అంటుంది. సౌర్య కూల్గా.. ‘వీరంతా చాలా సీక్రేట్గా దాచి పెట్టిన విషయం..’ అనడగానే దీప, సౌందర్యలు షాక్ అవుతారు. photo courtesy star maa and hotstar
దీప భయం..
‘ఊరికే సరదాకి అంటోంది’ అంటూ సౌర్యని ఆపే ప్రయత్నం చేస్తుంది దీప కంగారుగా.. ‘అంటే అందరికీ తెలుసు..’ అంటుంది హిమ నవ్వుతూ.. ‘తెలుసు.. వీళ్లద్దరూ రోజూ కలుసుకుంటున్నా.. మనతో ఎప్పుడు చెప్పలేదు.. ’ అంటుంది సౌర్య. వెంటనే సౌందర్య భయంగా.. హిమని పక్కకు లాగుతూ.. ‘నువ్వు ఇటురావే.. ఇది ఏదో బాంబ్ పేల్చేలా ఉంది..’ అంటుంది. అయితే హిమ వినిపించుకోదు. ‘రా సౌర్యా అలా వెళ్లి మాట్లాడుకుందాం..’ అంటూ చెయ్యి పట్టుకుని పక్కకు తీసుకుని వెళ్తుంది. దీప, సౌందర్యలు షాక్ అవుతారు. ‘ప్రపంచంలోనే అన్ని సమస్యలకి వంటలక్కే మూల కారణం అని డాక్టర్ బాబు నన్ను తిడతారు..’ అని దీప కంగారు పడుతుంది. photo courtesy star maa and hotstar
సౌందర్య టెన్షన్...
‘ఆ సమస్యలన్నీ నిన్ను సష్టించమని చెప్పి.. నేనే వెనక ఉండి ప్రోత్సహించానని నా సుపుత్రుడు నన్ను తిడతాడు..’ అని సౌందర్య భయపడుతుంది. పిల్లలు మాత్రం ఆగకుండా వాళ్ల దగ్గర నుంచి దూరంగా వెళ్లిపోతారు. ‘చెప్పు సౌర్య’ అంటుంది హిమ పక్కకు తీసుకుని వెళ్లి.. ‘వాళ్లు ఎన్ని ఏళ్లు అయినా మనకు నిజం చెప్పరు. అందుకే ఇది నేనే కనిపెట్టాను.. ’ అంటుంది సౌర్య చెప్పాలో వద్దో అన్న సందిగ్దంతో.. ‘ఏం కనిపెట్టావ్?’ అంటుంది హిమ ఆసక్తిగా.. ‘మా నాన్న ఎవరో కనిపెట్టాను..’ అంటుంది సౌర్య టెన్షన్ పడుతూ.. ‘అవునా.. నిజమా... ఎవరు మీ నాన్నా?’ అంటూ ఉత్కంఠగా అడుగుతుంది హిమ.
కమింగ్ అప్లో.. ‘డాక్టర్ బాబే మా నాన్న..’ ‘మీ నాన్నే మా నాన్న.. డాక్టర్ బాబు నీకే కాదు.. నాకూ నాన్నే.. నాకు సొంత నాన్న..’ అంటూ సౌర్య చెప్పిన మాటలను విని హిమ షాక్ అవుతుంది. సీన్ కట్ చేస్తే.. హిమ.. సౌందర్య వాళ్ల దగ్గరకు వెళ్లి.. ‘వంటలక్కా.. నాన్నమ్మా.. ఇది మీకు తెలుసా? మా డాడీనే సౌర్య వాళ్ల నాన్న అంట.. నిజమా నాన్నమ్మా..? నిజమా వంటలక్కా?’ అంటూ అడుగుతుంది. వెంటనే సౌందర్య ‘కొంప ముంచావ్ కదే..’ అంటూ సౌర్యని తిడుతుంది. ‘నేను అందరితోనూ చెబుతాను.. డాక్టర్ బాబే మా నాన్న.. డాక్టర్ బాబే మా నాన్న...’ అంటూ సౌర్య గట్టిగా అరుస్తోంది. మరిన్ని వివరాలు తరువాయి భాగంలో చూద్దాం! కార్తీకదీపం కొనసాగుతోంది. Read also: ‘ప్రేమ ఎంత మధురం’ మార్చి 13 ఎపిసోడ్: అనుకి ఇష్టం లేని పెళ్లి.. నిజం తెలుసుకున్న ఆర్య
We use cookies and other tracking technologies to provide services in line with the preferences you reveal while browsing the Website to show personalize content and targeted ads, analyze site traffic, and understand where our audience is coming from in order to improve your browsing experience on our Website. By continuing to browse this Website, you consent to the use of these cookies. If you wish to object such processing, please read the instructions described in our privacy policy/cookie policy.