Karthika Deepam Telugu Serial Written Updates 16 January 2020; Deepa Loses Her Cool
‘కార్తీకదీపం’ జనవరి 16 ఎపిసోడ్ : ఇక కార్తీక్ ఇరకాటంలో పడినట్లే! ‘ప్రామిస్ చేసి చెప్పు డాడీ..’
బుల్లితెర ప్రేక్షకుల్ని ఎంతగానో ఆకట్టుకుంటున్న ‘కార్తీకదీపం’ సీరియల్ 705 ఎపిసోడ్లను పూర్తి చేసుకుని.. 706 ఎపిసోడ్కి ఎంటర్ అయ్యింది. ఈ ఎపిసోడ్ హైలైట్స్ మీకోసం. తెలుగు ప్రేక్షకులను ఎంతగానో ఆకట్టుకుంటున్న‘కార్తీకదీపం’ సీరియల్ నేటి (జనవరి 16) రాత్రి ఎపిసోడ్లో ఏం జరగనుందో ‘సమయం’లో మీకోసం ముందుగానే.
Samayam Telugu16 Jan 2020, 8:04 pm
బుల్లితెర ప్రేక్షకుల్ని ఎంతగానో ఆకట్టుకుంటున్న ‘కార్తీకదీపం’ సీరియల్ 705 ఎపిసోడ్లను పూర్తి చేసుకుని.. 706 ఎపిసోడ్కి ఎంటర్ అయ్యింది. ఈ ఎపిసోడ్ హైలైట్స్ మీకోసం. తెలుగు ప్రేక్షకులను ఎంతగానో ఆకట్టుకుంటున్న‘కార్తీకదీపం’ సీరియల్ నేటి (జనవరి 16) రాత్రి ఎపిసోడ్లో ఏం జరగనుందో ‘సమయం’లో మీకోసం ముందుగానే.
గత ఎపిసోడ్లో ఏం జరిగిందంటే...
హిమ తన తల్లి ఎవరు? అని అడగడంతో పాటూ.. ‘విడాకులు ఎవరికి ఇస్తున్నావ్?’ అని అడగడంతో.. కార్తీక్ ఆవేశంగా.. ‘మీ అమ్మ చచ్చిపోయింది’ అంటూ అరుస్తాడు. సరిగ్గా అప్పుడే అక్కడికి వచ్చిన దీప.. కార్తీక్ మాటలకు కోపంగా చూస్తూ ఉంటుంది. దీపని చూసిన హిమ.. వంటలక్కా అంటూ పిలుస్తూ.. దీప దగ్గరకు నడుస్తూ.. కళ్లు తిరిగి కింద పడిపోతుంది. సీన్ కట్ చేస్తే.. హిమని అంతా కలిసి హాస్పెటల్కి తీసుకుని వెళ్తారు. హిమ ఉదయం నుంచి తినకపోవడం వల్ల అలా జరిగిందని డాక్టర్ చెబుతుంది. photo courtesy star maa and hotstar
హిమ కళ్లు తెరవడంతో.. అంతా ఊపిరి పీల్చుకుంటారు. దీప అక్కడ ఉండటం ఇష్టం లేని కార్తీక్.. ‘మమ్మీ మీరు వెళ్లండి.. సిలైన్ ఎక్కిన తర్వాత నేను హిమని తీసుకుని వస్తాను’ అంటాడు. దీప ఏడుస్తూ.. ‘నేనూ ఉంటాను’ అని రిక్వస్ట్గా అడిగినా.. కార్తీక్ మరోసారి గట్టిగా.. ‘మీరు వెళ్లండి నేను తీసుకొస్తాను’ అనడంతో సౌందర్య దీపని బలవంతంగా అక్కడ నుంచి బయటికి తీసుకుని వెళ్తుంది. దీప బాధగా.. వెనక్కి వెనక్క తిరిగి చూస్తూ వెళ్తుంది. photo courtesy star maa and hotstar
అందరూ వెళ్లిపోవడంతో హిమ, కార్తీక్ని చూస్తూ.. ‘డాడీ.. విడాకులు ఎవరికి ఇస్తున్నావ్ డాడీ?’ అంటూ మరోసాారి అడుగుతుంది. ‘ఎవరూ లేరమ్మా’ అంటాడు కార్తీక్ బాధగా.. ‘ప్రామిస్ చేసి చెప్పు’ అంటూ చెయ్యి చూపించిన హిమ.. వెంటనే మత్తులోకి వెళ్లిపోతుంది. దాంతో కార్తీక్ కాస్త సేఫ్ అయినట్లుగా ఫీల్ అవుతాడు. photo courtesy star maa and hotstar
దీప కన్నీరు మున్నీరు..
‘ఊరుకోమ్మా.. ఏం కాలేదుగా హిమకి’ అంటూ ఆనందరావు.. ‘ఏడవకే పిచ్చిదానివా? ఊరుకో..’ అంటూ సౌందర్య.. దీపని ఓదారుస్తూ ఉంటారు హాస్పెటల్ బయట. కార్తీక్ అక్కడికి ఆవేశంగా వచ్చి.. ‘నీ కసి తీరిందా? నీ కడుపు మంట చల్లారిందా?’ అంటూ అరుస్తాడు. దీపకు మాట్లాడే అవకాశం ఇవ్వకుండా తిడుతూనే ఉంటాడు. photo courtesy star maa and hotstar
చాలు ఆపు నీ డ్రామాలు..
‘ఆ రోజు నీ మీద బెంగపెట్టుకునేలా చేసి నా బిడ్డ ప్రాణాల మీదకు తీసుకొచ్చావ్. ఈ రోజు నీకు విడాకులు ఇస్తాను అన్నందుకు నా మీద కోపంతో కావాలనే దాని మనసులో తల్లి బతికే ఉందని నాటుకుపోయేలా చేశావ్’ అంటూ రగిలిపోతాడు. ‘నేను.. నేనీవిషయం...’ అంటూ దీప మాట్లాడుతున్నా.. ‘చాలు ఆపు నీ డ్రామాలు..’ అంటూ కసురుతాడు. photo courtesy star maa and hotstar
ఏమైపోతాడు ఆ మనిషి?
‘నువ్వు నా కూతురు జోలికి వస్తే మాత్రం ఇక ఊరుకోను’ అంటూ వార్నింగ్ ఇచ్చి.. సౌందర్య, ఆనందరావులను పట్టించుకోకుండా లోపలికి వెళ్లిపోతాడు కార్తీక్. ‘ఊరుకోడట.. వార్నింగ్. నాకు వార్నింగ్.. లోపలికి వెళ్లి.. అది నా కూతురే.. నా కడుపుని పుట్టిన బిడ్డే అని చెబితే ఏమైపోతాడు ఆ మనిషి?’ అంటుంది దీప ఏడుస్తూ.. photo courtesy star maa and hotstar
కడుపు తీపి లేక ఆగిపోతున్నానా?
సౌందర్య కళ్లనిండా నీళ్లతో నిస్సహాయంగా చూస్తూ ఉంటుంది. దీప మాట్లాడుతూనే ఉంటుంది. ‘పిచ్చిదాన్నై ఆగిపోతున్నానా? కడుపు తీపి లేక ఆగిపోతున్నానా? నా కూతుర్ని నేను తీసుకుని వెళ్లిపోతాను. ఏం చేస్తాడు? ఏం అయిపోతాడు.. తొమ్మది నెలలు మోశాను దాన్ని. కనీసం పక్కన నిలబడినా సహించడు?’ అంటూ దీప ఏడుస్తూనే తన ఆవేదనని అత్తమామల ముందు వెళ్లగక్కుతుంది. photo courtesy star maa and hotstar
తల్లి చచ్చిందని చెప్పాడు కదా?
‘అసలు ఎవరు చెప్పారు దానికి(హిమకి)?’ అంటాడు ఆనందరావు బాధగా.. ‘ఎవరో చెప్పారు దానికి.. తల్లి చచ్చిందని చెప్పాడు కదా? మరి ఏ శవానికి ఇస్తున్నావని ఎవరైనా అడుగుతారు.. నా శవానికే అని నేనేం చెప్పి చావలేదే? అది అనుమానించిన వెంటనే నాకు ఫోన్. ఏమే పిచ్చిదానా? బుద్ది లేనిదానా? నా కూతుర్ని నాకు దూరం చేస్తావేంటే? అంటూ బండబూతులు. అసలు ఏమైనా అర్థముందా?’ అంటూ ఏడుస్తూనే ఉంటుంది దీప. photo courtesy star maa and hotstar
లక్ష ప్రశ్నలు.. నా వల్ల కాదు..
‘ఆవేశపడకే.. రా కారెక్కు... ఇంటి దగ్గర డ్రాప్ చేస్తాను’ అంటుంది సౌందర్య. ‘అమ్మో మీ కారే.. వదమ్మా? అక్కడ మీ తలలోంచి ఊడి పడ్డ వీరబద్రవతారం(సౌర్య) ఒకటి ఉంది కదా? ఎందుకెళ్లావ్? ఏం జరిగిందంటూ లక్ష ప్రశ్నలు.. నేను దానికి సమాధానాలు చెప్పలేను.. నేనే వెళ్తాను.. నేనే వెళ్తాను..’ అంటూ ఏడ్చుకుంటూనే దీప వెళ్లిపోతుంది. ఆ సీన్ కళ్లనీళ్లను తెప్పించకమానదు. photo courtesy star maa and hotstar
తలకు ఎక్కి వెర్రి తగ్గదు
దీప అలా బాధగా వెళ్లిపోవడం చూసిన సౌందర్య.. బాధగా కళ్లు తుడుచుకుంటూ.. ‘మనం లేకపోతే దీప ఆ ఆవేశంలో హిమ నా కూతురేనని చెప్పేసేదేమోనండీ’ అంటుంది సౌందర్య. ‘చెప్పేసి ఉండాలి. రాస్కెల్కి. అప్పుడు కానీ తలకు ఎక్కి వెర్రి తగ్గదు..’ అంటూ ఆవేశంతో ఊగిపోతాడు ఆనందరావు. ఇద్దరూ కలిసి కారులో ఇంటికి బయలుదేరతారు. photo courtesy star maa and hotstar
సౌర్య మీద దీప ఫైర్
దీప ఇంటికి వెళ్లే సరికి సౌర్య తినకుండా పడుకుంటుంది. దీప కోపంతో సౌర్యని నిద్రలేపి.. ‘అన్నీ ఇక్కడే పెట్టాను.. తినమని చెప్పాను.. ఎందుకు తినలేదు?’ అని అరుస్తుంది. ‘నన్ను అడగొద్దని చెప్పాను కదా?’ అంటుంది సౌర్య కూడా కోపంగా.. ‘అవునులే? ఆ రక్తమే కదా? ఆ బుద్దులు ఎక్కడ పోతాయి?’ అంటూ దీప అరవడంతో.. ‘డాక్టర్ బాబుని అనాలంటే అనుకో.. అంతే కానీ ఆ డాక్టర్ బాబుని అనేవన్నీ ఈ సౌర్యని అంటే పడదు..’ అంటూ సౌర్య కోపంగా అక్కడ నుంచి వెళ్లిపోతుంది. photo courtesy star maa and hotstar
అందరూ కలిసి..
కార్తీక్ హిమని తీసుకొచ్చి పైన బెడ్ మీద పడుకోబెట్టి.. కిందకు వస్తాడు. కార్తీక్ని చూసిన సౌందర్య.. ‘ఎలా ఉంది దానికి? తీసుకొచ్చావా?’ అంటూ ఆరా తీస్తుంది. ‘అందరూ కలిసి.. కావాలని ఇలా చేసి.. ఇప్పుడు ఎలా ఉంది అంటే ఏం చెప్పాలి? అయినా మీకు కొత్తేం కాదుగా? ఇప్పటి దాకా నాతో ఆడుకున్నారు. ఇప్పుడు నా కూతురు ఎమోషన్స్తో ఆడుకుంటున్నారు’ అంటూ సౌందర్య మీద అరుస్తాడు కార్తీక్. photo courtesy star maa and hotstar
ఆనందరావు ఆవేశం
కార్తీక్ మాటలకు ఆనందరావు సీరియస్ అవుతాడు. ‘రేయ్ కార్తీక్ ఈ ఇంట్లో ఉన్నవాళ్లు ఎవరూ నీకు శత్రువులు కాదురా.. నీ అనుమానమే నీ ప్రత్యర్ది. నీ కోపమే నీ చుట్టు బిగించుకునే ఉచ్చు..’ అంటూ కొడుకు మీద కోప్పడతాడు ఆనందరావు. photo courtesy star maa and hotstar
సందు దొరికితే చాలు..
అయితే కార్తీక్ మాత్రం కోపాన్ని తగ్గించుకోకుండా.. ‘మీ వల్లే నాకు ఇదంతా.. నా కూతుర్ని నా నుంచి దూరం చెయ్యడానికి ఎన్ని పన్నాగాలు పన్నుతున్నారు మీరంతా? అసలు సందు దొరికితే చాలు అది(దీప).. నా చుట్టే తిరుగుతుంది. దరిద్రంలాగా నిత్యం నా తలుపు తడుతూనే ఉంటుంది’ అంటూ తన అసహనాన్ని వ్యక్తం చేస్తాడు కార్తీక్. photo courtesy star maa and hotstar
నువ్వు మారవురా..?
కార్తీక్ దీపని దరిద్రం అనగానే.. సౌందర్య ఆవేశంగా కార్తీక్ కాలర్ పట్టుకుని.. ‘దరిద్రమేంట్రా దరిద్రుడా? నా కోడల్ని అంత మాట అంటావా? నువ్వు నాశనం అయిపోతావురా? వద్దు కార్తీక్ స్త్రీ జోలికి వెళ్లకు. స్త్రీ అంటే శక్తి స్వరూపం. ఈ లోకాలకు ఆధారం.. నువ్వు మారవురా’ అంటూ అరిచేసి అక్కడ నుంచి వెళ్లిపోతుంది. photo courtesy star maa and hotstar
కార్తీక్ టెన్షన్..
‘ఒకవేళ విడాకుల గురించి తెలిసి నాతో మాట్లాడకపోతే? నో అలా జరగడానికి వీళ్లేదు.. హిమకి సర్దిచెప్పాలి’ అనుకుంటూ మనసులో ఆవేదన చెందుతాడు కార్తీక్. ఇంతలో హిమ కళ్లు తెరుస్తుంది. ‘గుడ్ మార్నింగ్ హిమా..’ అంటాడు నవ్వుతూ.. ‘గుడ్ మార్నింగ్ డాడీ’ అంటూ లేస్తుంది. ‘ఎలా ఉందిరా? నీరసంగా ఉందా?’ అంటూ పలకరిస్తూనే.. ‘మనం ఈ రోజు బయటికి వెళ్దాం.. నెమ్మదిగా లేచి రెడీ అవ్వు’ అంటూ హిమ ప్రశ్నలు వేసే అవకాశం లేకుండానే మాట్లాడుతుంటాడు కార్తీక్. photo courtesy star maa and hotstar
కమింగ్ అప్లో..
హిమ.. సౌందర్యతో ‘నాన్నమ్మా నువ్వు చెప్పు.. మా అమ్మ నిజంగానే లేదా?’ అని అడుగుతుంది. ‘నీకు మీ అమ్మ చనిపోయిందని చెప్పింది ఎవరో?’ అని అడుగుతుంది సౌందర్య. ‘డాడీ’ అంటుంది హిమ. ‘మరి తననే అడుగు.. ఇక నుంచి నీ పని అదే.. విడాకులు ఎవరికి ఇస్తున్నావ్? మా అమ్మ ఎవరు? అని అడిగి తెలుసుకోవడమే.. అర్థమైందా?’ అంటూ బాగా ఎక్కిస్తుంది. హిమ సరే అంటుంది. మరిన్ని వివరాలు తరువాయి భాగంలో చూద్దాం! కార్తీకదీపం కొనసాగుతోంది.
We use cookies and other tracking technologies to provide services in line with the preferences you reveal while browsing the Website to show personalize content and targeted ads, analyze site traffic, and understand where our audience is coming from in order to improve your browsing experience on our Website. By continuing to browse this Website, you consent to the use of these cookies. If you wish to object such processing, please read the instructions described in our privacy policy/cookie policy.