బుల్లితెర ప్రేక్షకుల్ని ఎంతగానో ఆకట్టుకుంటున్న ‘కార్తీకదీపం’ సీరియల్ 734 ఎపిసోడ్లను పూర్తి చేసుకుని.. 735 ఎపిసోడ్కి ఎంటర్ అయ్యింది. ఈ ఎపిసోడ్ హైలైట్స్ మీకోసం. తెలుగు ప్రేక్షకులను ఎంతగానో ఆకట్టుకుంటున్న‘కార్తీకదీపం’ సీరియల్ నేటి (ఫిబ్రవరి 20) రాత్రి ఎపిసోడ్లో ఏం జరగనుందో ‘సమయం’లో మీకోసం ముందుగానే.
Samayam Telugu20 Feb 2020, 7:56 pm
బుల్లితెర ప్రేక్షకుల్ని ఎంతగానో ఆకట్టుకుంటున్న ‘కార్తీకదీపం’ సీరియల్ 734 ఎపిసోడ్లను పూర్తి చేసుకుని.. 735 ఎపిసోడ్కి ఎంటర్ అయ్యింది. ఈ ఎపిసోడ్ హైలైట్స్ మీకోసం. తెలుగు ప్రేక్షకులను ఎంతగానో ఆకట్టుకుంటున్న‘కార్తీకదీపం’ సీరియల్ నేటి (ఫిబ్రవరి 20) రాత్రి ఎపిసోడ్లో ఏం జరగనుందో ‘సమయం’లో మీకోసం ముందుగానే.
గత ఎపిసోడ్లో ఏం జరిగిందంటే...
స్కూల్లో దిగిన ఫొటో.. (దీప, కార్తీక్, సౌర్య, హిమ, మురళీ కృష్ణ.. కలిసి దిగిన ఫొటో)ని కడిగించి.. సౌర్య ఇంట్లో పెట్టిస్తుంది. హిమ కూడా హాల్లో గోడ మీద పెడుతుంది. అలా పెట్టే సమయంలో.. మాలతీ(పనిమనిషి), ఆనందరావు, సౌందర్యలు హిమని అడ్డుకుంటారు. ఆ సీన్ కొంత కామెడీ, కొంత టెన్షన్గా ఉంటుంది. మొత్తానికి కార్తీక్ కిందకి వచ్చి ఆ ఫోటో చూడటంతో రచ్చ స్టార్ట్ అవుతుంది. photo courtesy star maa and hotstar Read also: కార్తీకదీపం గత ఎపిసోడ్ కోసం ఇక్కడ క్లిక్ చెయ్యండి.
కార్తీక్ ఆవేశం.. హిమ ఆరాలు..
ఫోటో చూసిన వెంటనే..‘మమ్మీ’ అని గట్టిగా అరుస్తాడు కార్తీక్. ‘డాడీ అది నేనే తగిలించాను..’ అని హిమ చెప్పడంతో.. ‘మీ నాన్నమ్మే తగిలించింమందా?’ అంటాడు ఆవేశంగా.. అదే కోపంతో.. ‘వద్దమ్మా.. తీసెయ్..’ అని కూడా చెబుతాడు. అయితే హిమ వినిపించుకోదు. ‘ఎందుకు వద్దు డాడీ..?’ అంటుంది. కార్తీక్ కోపం పెరిగిపోతూనే ఉంది. ‘కావాలంటే ఆ ఫొటో ఆ మందలో ఎవరో ఒకరికి ఇచ్చెయ్... ఈ విషయంలో నీకూ నాకు ఆర్గుమెంట్ వద్దుమ్మా... ఆ ఫోటో తీసెయ్.. చెబుతున్నా విను..’ అంటూ కూల్గా చెప్పే ప్రయత్నం చేస్తాడు. కానీ హిమ వినిపించుకోదు. ‘వంటలక్క నన్ను అమ్మలానే చూస్తుంది డాడీ’ అంటూ ఏదో చెప్పబోతుంది. photo courtesy star maa and hotstar Read also: బిగ్ బాస్ రవికృష్ణ ప్రేమ పాఠాలు! ఇది నిజం కావాలంటున్న అభిమానులు..
ఫోటో ముక్కలు..
అయితే కార్తీక్ ఆవేశంగా.. ‘ఆపు.. వంటలక్క నీ ఫ్రెండ్ సౌర్య వాళ్ల అమ్మ మాత్రమే.. కావాలంటే మీ ఫ్రెండ్ ఫోటో నీ టేబుల్ మీద పెట్టుకోమ్మా...’ అంటూ అరుస్తూ పరుగున స్టూల్ ఎక్కి ఆ ఫొటోని పీకి.. విసిరి కొడతాడు. ఆ ఫోటో ముక్కలు కావడంతో పాటూ హిమ మనసు కూడా చాలా నొచ్చుకుంటుంది. ఏడుస్తూ వెళ్లి ఆ ఫోటోని చేతుల్లోకి తీసుకుంటుంది. సౌందర్య, ఆనందరావులు కూడా షాక్ అయ్యి చూస్తుంటారు. photo courtesy star maa and hotstar
ఎందుకంత కోపం..?
ఏడుస్తూనే ఫొటోకి ఉన్న పెంకులు దులిపి.. ‘వీళ్లేం తప్పు చేశారు డాడీ? ఈ తాతయ్య నువ్వు ఎన్ని అన్నా పడతాడుగా? ఈ వంటలక్క ఇంట్లో నువ్వు నేను అన్నం తిన్నాంగా? నీకు వీళ్లంటే ఎందుకంత కోపం..?’ అంటుంది బాధగా.. ‘హిమా.. నీ వయసుకి మంచిన ప్రశ్నలు వెయ్యకు హిమా..’ అని అరుస్తాడు కార్తీక్. photo courtesy star maa and hotstar
భలే ప్రశ్న వేసింది
‘అయితే సరే డాడీ.. నేను ఇంక ఏ ప్రశ్నలు వెయ్యను.. ఒక పని చెయ్యి.. మా అమ్మ ఫొటో తీసుకుని రా తగిలిస్తాను.. వేరే వాళ్ల ఫోటో తగిలించవద్దు అన్నావ్..? సరే.. అమ్మ ఫోటో తీసుకుని రా’ అంటుంది హిమ ఆవేశంగా.. కార్తీక్ సమాధానం చెప్పకుండా మౌనంగా ఉండిపోతాడు. సౌందర్య ‘భలే ప్రశ్న వేసింది’అన్నట్లుగా చూస్తుంది. photo courtesy star maa and hotstar
దట్స్ నాట్ కరెక్ట్ డాడీ..
నువ్వు చూపించవు. అమ్మ ఎలా ఉంటుందో చూపించవు. అమ్మ చచ్చిపోయిందంటావ్. ఎవరితోనో అమ్మకు విడాకులు ఇస్తానంటావ్. అప్పుడే అమ్మ లేనే లేదు అంటావ్. అసలు అమ్మ ఉందో లేదో కూడా చెప్పవ్. కానీ నాకు ఇష్టమైన వంటలక్క ఫోటో పెడితే విసిరి కొడతావ్.. దట్స్ నాట్ కరెక్ట్ డాడీ..’ అంటూ ఏడుస్తూ పైకి వెళ్లిపోతుంది. photo courtesy star maa and hotstar
రేయ్ స్టుపిడ్ ఫెలో...
హిమ పైకి వెళ్లగానే కార్తీక్ ఆవేశంగా.. సౌందర్య, ఆనందరావుల ముందుకు వచ్చి.. ‘మీకు ఎటూ సందు దొరకడం లేదని నా మీదకు హిమని ఉసిగొల్పుతున్నారా?’ అంటాడు. ‘రేయ్ స్టుపిడ్ ఫెలో... నువ్వు వాళ్లతో ఫొటో దిగావన్న విషయం కానీ, ఇది ఇక్కడ ఫోటో తగిలిస్తున్న విషయం కానీ మాకు తెలియదు’ అంటుంది సౌందర్య ఆవేశంగా.. photo courtesy star maa and hotstar
గుచ్చి గుచ్చి అడుగుతోంది ఎందుకు?
అయితే కార్తీక్ నమ్మడు. ‘అబద్దం.. మీకు అన్నీ తెలుసు. ఆ వంటలక్కని నన్ను కలపడం మీ వల్ల కావట్లేదని.. దాని కూతుర్ని, నా మీద కూతుర్ని నా మీదకు ఉసిగొల్పుతున్నారా? ఏం తెలియకుండానే.. మీరు ఏం చెప్పకుండానే ఆ సౌర్య.. మా నాన్న ఎవరు? హిమ వాళ్ల అమ్మ ఎవరు అంటూ గుచ్చి గుచ్చి అడుగుతోందా?’ అంటాడు కార్తీక్. photo courtesy star maa and hotstar
తప్పే.. ముమ్మాటికీ తప్పే..
‘అవే ప్రశ్నలు నన్ను కూడా అడిగింది. నాకు ఏం తెలయదు. కావాలంటే డాక్టర్ బాబునే అడుగు అని చెప్పాను తప్పా?’ అంటుంది సౌందర్య కోపంగా.. ‘తప్పే.. ముమ్మాటికీ తప్పే.. మీరు ఏం చేసినా.. నా కూతుర్ని నా నుంచి దూరం చెయ్యలేరు. లాభం లేదు ఈ పిల్లల్లో మొదలైన ప్రశ్నలన్నింటికీ సమాధానం నేనే చెప్పాలి. చెప్పి తీరతాను..’ అంటూ ఆవేశంగా వెళ్లిపోతాడు. photo courtesy star maa and hotstar
ఇటుగానే ఆ డాక్టర్ బాబు వెళ్లే..
దీప, సరోజా వాళ్ల చెల్లెలు కూరగాయలు.. కొనడానికి వెళ్లి రోడ్డు మీద వారణాసి ఆటో కోసం ఎదురు చూస్తూ ఉంటారు. ఇంతలో సరోజా వాళ్ల చెల్లి.. ‘దీపా రేషన్ బియ్యం వచ్చాయేమో తెలుసుకుని కొనుక్కుని వస్తాను’ అంటుంది. సరేనంటూ అక్కడున్న మెట్లు దగ్గర కూర్చుని, వెంటనే పైకి లేచి.. ‘ఇటుగానే ఆ డాక్టర్ బాబు వెళ్లే.. అనగా జనంలా ఎలా కూర్చుందో అని నసుక్కుంటాడు’ అని నిలబడే ఉంటుంది. photo courtesy star maa and hotstar
ఇదిగో తిను.. దీపా..
అయితే కార్తీక్.. ఇంట్లో జరిగిన గొడవనంతా తలుచుకుంటూ.. దీపని కలిసి తిట్టాలనే ఆలోచనతో ఆవేశంగా.. దీప ఉన్న దారిలోనే వస్తూ ఉంటాడు. సరోజా వాళ్ల చెల్లి బియ్యం పట్టుకుని వచ్చి.. ‘వారణాసి ఇంకా రాలేదా? ఇదిగో తిను.. దీపా’ అంటూ జాంకాయ్ ఇస్తుంది. అది అందుకుని కొరుకుతుండగా కార్తీక్ వస్తాడు. photo courtesy star maa and hotstar
ఆ సంచి, ఆ వాటం..
కారు దిగి దీపని చూసి.. ‘దీని ఇంటి దాకా వెళ్లే బాధ తప్పింది. వెతకబోయిన కంప కాలికి తగిలింది...’ అనుకుంటాడు. దీప జాంకాయ్ తినడం ఆపి.. మూతి తుడుచుకుంటుంది. ‘ఆ సంచి, ఆ వాటం, రోడ్డు మీద జాంకాయ తినడం ఛీ..’ అనుకుంటూ కార్తీక్ దీప దగ్గరకు నడుస్తాడు. ఇంతలో వారణాసి రావడంతో.. ‘పదరా..’ అంటుంది. photo courtesy star maa and hotstar
మీ అక్క నాతో వస్తోంది..
‘నమస్కారం డాక్టర్ బాబు..’ అంటాడు. అయితే కార్తీక్ వారణాసితో.. ‘వారణాసి నువ్వు ఆవిడ్ని(సరోజ వాళ్ల చెల్లిని) తీసుకెళ్లు.. మీ అక్క నాతో వస్తోంది.. ఆవిడ్ని దింపాక.. అరగంట ఆగి సన్ రైజ్ రెస్టారెంట్కి రా... అక్కడికి వచ్చి మీ అక్కని తీసుకుని వెళ్లు..’ అంటాడు కార్తీక్. వారణాసి సరేనంటాడు. ‘నాతో రా’ అంటూ దీపని పిలుస్తాడు. photo courtesy star maa and hotstar
పిల్లలు హ్యాపీ..
పిల్లలు అంతా స్కూల్లో ఆడుకుంటూ ఉండగా హిమ.. సౌర్య దగ్గరకు వచ్చి.. ‘సౌర్య మనం బయటికి వెళ్తున్నామటగా?’ అంటుంది. ‘అవును హిమా.. ప్రిన్సిపాల్ గారి అమ్మాయి పుట్టిన రోజు కదా.. రెస్టారెంట్కి తీసుకుని వెళ్తారట’ అంటుంది సౌర్య. ‘అయితే సూపర్... ఇప్పుడు మనకి ఏం వర్క్ లేదుగా ఆడుకుందాం’ అనుకుంటూ అంతా ఆడుకుంటూ ఉంటారు. photo courtesy star maa and hotstar
ఏం కాదా డాక్టర్ బాబు?
కారులో వెనుక కూర్చున్న దీప గుర్రుగా కనురెప్పలు పైకెత్తి.. కార్తీక్ని అర్థం లోంచి చూస్తూ ఉంటుంది. జరిగింత తలుచుకుంటూ.. కార్తీక్ ‘నాతో రా’ అని పిలవగానే.. దీప కారు ముందు సీట్లో కూర్చోవడానికి డోర్ తీస్తుంది. అయితే కార్తీక్ ‘వెనుక కూర్చో..’ అని.. ‘పెళ్లంలాగా పక్కనే కూర్చుంటుంది..’ అని నసుక్కుంటాడు. దీప కొంటెగా చూస్తూ.. ‘ఏం కాదా డాక్టర్ బాబు?’ అంటుంది. photo courtesy star maa and hotstar
డ్రైవర్ని అనుకున్నా ఫర్వాలేదు..
‘వాదన వద్దు’ అంటాడు కార్తీక్. ‘మరి నేను వెనక కూర్చుంటే.. నేను బాసు.. మీరు డ్రైవర్ అనుకుంటారేమో?’ అంటుంది చిలిపిగా. అయినా కార్తీక్ వినిపించుకోడు. ‘డ్రైవర్ని అనుకున్నా ఫర్వాలేదు. మొగుడ్ని అనుకోకపోతే చాలు.’ అంటూ వెనుకే కూర్చోబెడతాడు కార్తీక్. అతి తలుచుకుని.. కనురెప్పలు ఎగరేస్తూ.. కార్తీక్నే చూస్తూ ఉంటుంది. photo courtesy star maa and hotstar
అసలు సిసలైన తార్కాణం..
దీప కోపాన్ని అద్దంలోంచి గమనించిన కార్తీక్.. ‘ఏదో రోజు రాత్రి వచ్చి.. ఆ కనుబొమ్మలని కత్తిరించుకుని పోతాను.. దించు...’ అంటాడు కోపంగా.. ‘ఇవి నా సెల్ఫ్ రెస్పెక్ట్కి అసలు సిసలైన తార్కాణం.. నా ఆత్మగౌరవం ఇలాగే తలెత్తుకుని నిలబడుతుంది.. హూ’ అంటూ తల తిప్పుకుంటుంది దీప కోపంగా.. photo courtesy star maa and hotstar
కమింగ్ అప్లో..
కార్తీక్, దీపలు రెస్టారెంట్లో ఎదురెదురుగా కూర్చుంటారు. ‘నువ్వు నా భార్యవని హిమకు తెలియడానికి వీల్లేదు. నేను సౌర్య వాళ్ల నాన్ననని సౌర్యకు తెలియడానికి వీల్లేదు’ అంటాడు దీపతో కార్తీక్. ఇంతలో స్కూల్ పిల్లలు అక్కడికి వస్తారు. అందులో హిమ, సౌర్యలు ఉండటం చూసి కార్తీక్, దీపలు కంగారు పడతారు. అయితే పిల్లలు వాళ్లని గుర్తు పట్టేస్తారు. మరిన్ని వివరాలు తరువాయి భాగంలో చూద్దాం! కార్తీకదీపం కొనసాగుతోంది.
We use cookies and other tracking technologies to provide services in line with the preferences you reveal while browsing the Website to show personalize content and targeted ads, analyze site traffic, and understand where our audience is coming from in order to improve your browsing experience on our Website. By continuing to browse this Website, you consent to the use of these cookies. If you wish to object such processing, please read the instructions described in our privacy policy/cookie policy.