Karthika Deepam Telugu Serial Written Updates 27 January 2020; Soundarya Gets Upset
‘కార్తీకదీపం’ జనవరి 27 ఎపిసోడ్ : పిల్లలు విషయం వినేశారు.. ఇక ఎంక్వైరీ మొదలు..
బుల్లితెర ప్రేక్షకుల్ని ఎంతగానో ఆకట్టుకుంటున్న ‘కార్తీకదీపం’ సీరియల్ 714 ఎపిసోడ్లను పూర్తి చేసుకుని.. 715 ఎపిసోడ్కి ఎంటర్ అయ్యింది. ఈ ఎపిసోడ్ హైలైట్స్ మీకోసం. తెలుగు ప్రేక్షకులను ఎంతగానో ఆకట్టుకుంటున్న‘కార్తీకదీపం’ సీరియల్ నేటి (జనవరి 27) రాత్రి ఎపిసోడ్లో ఏం జరగనుందో ‘సమయం’లోముందుగానే మీకోసం.
Authored byశేఖర్ కుసుమ | Samayam Telugu28 Feb 2023, 8:05 am
బుల్లితెర ప్రేక్షకుల్ని ఎంతగానో ఆకట్టుకుంటున్న ‘కార్తీకదీపం’ సీరియల్ 714 ఎపిసోడ్లను పూర్తి చేసుకుని.. 715 ఎపిసోడ్కి ఎంటర్ అయ్యింది. ఈ ఎపిసోడ్ హైలైట్స్ మీకోసం. తెలుగు ప్రేక్షకులను ఎంతగానో ఆకట్టుకుంటున్న‘కార్తీకదీపం’ సీరియల్ నేటి (జనవరి 27) రాత్రి ఎపిసోడ్లో ఏం జరగనుందో ‘సమయం’లోముందుగానే మీకోసం.
గత ఎపిసోడ్లో ఏం జరిగిందంటే...
కార్తీక్ విడాకులు ఇవ్వడం లేదని తెలుసుకున్న మౌనిత.. ఒక మూలన కూర్చుని తనలో తనే కుమిలిపోతుంది. ప్రియమణితో.. ‘అంతా అయిపోయింది. నా జీవితం అయిపోయింది’ అంటూ బాధపడుతుంది. దాంతో ప్రియమణి నవ్వుతూ.. ‘అమ్మా మీరు మరీ మనిషిలా ఆలోచించి బాధపడకండమ్మా..’ అంటూ ఓదార్చడంతో పాటూ.. సలహా కూడా ఇస్తుంది. ‘ఆ దీప చెల్లెలు శ్రావ్యకి నెలలు నిండాయి కదమ్మా.. ఆ అవకాశాన్ని మీరు వాడకోండి. మీరు బొప్పాయి పండులా మారిపొండి’ అంటూ మ్యూట్లో ఏదో సలహా ఇస్తుంది. సూపర్ అంటూ మౌనిత ప్రియమణికి హైఫై ఇస్తుంది. photo courtesy star maa and hotstar Read also: ‘కార్తీకదీపం’ గత ఎపిసోడ్ కోసం ఇక్కడ క్లిక్ చెయ్యండి..
నువ్వు స్కూల్ డ్రెస్ వేసుకోలేదెందుకు?
శ్రావ్యకు నొప్పులు స్టార్ అవుతాయి. కంగారపడిన మురళీ కృష్ణ, భాగ్యం హాస్పెటల్కి తీసుకుని వెళ్తారు. దీప సౌర్యని తీసుకుని స్కూల్కి వస్తుంది. క్యారేజ్లు ఇచ్చి.. అటు నుంచి అటే చార్మినార్ వెళ్లాలనేది వాళ్ల ప్లాన్. కాసేపటికి హిమ, సౌందర్య వస్తారు. నలుగురు ఒక చోట కలుస్తారు. ‘నువ్వు స్కూల్ డ్రెస్ వేసుకోలేదెందుకు?’ అని సౌర్యని అడుగుతుంది హిమ. ‘అమ్మగారికి ఈ రోజు చారిత్రాత్మక కట్టడం చూడాలనిపించిందట. చార్మినార్ వెళ్తున్నాం హిమ’ అంటుంది దీప. photo courtesy star maa and hotstar Read also: మరీ ఇంత బిల్డప్పా? ‘రష్మిని ఇండస్ట్రీకి తీసుకొచ్చింది నేనే..’
5 వందలు ఉన్నాయి.. తెలుసా?
బాక్స్లు ఇచ్చిన తర్వాత సౌర్య హిమతో.. ‘నా దగ్గర 5 వందలు ఉన్నాయి.. తెలుసా? మా అమ్మని అమ్మా అమ్మా అనే తాతయ్య.. ఇచ్చారు. అందుకే చార్మినార్ వెళ్లి.. మా అమ్మకు చేతుల నిండా గాజులు వెయ్యించి, నేను ఏదైనా కొనుక్కుని వస్తాను. నీకు ఏమైనా కావాలా?’ అంటూ గొప్పగా అడుగుతుంది సౌర్య. దీప సౌర్య మాటలకు నవ్వుకుంటూ చూస్తుంటే.. సౌందర్య మాత్రం బాధగా, కోపంగా చూస్తుంది. photo courtesy star maa and hotstar Read also: ‘కోయిలమ్మ’ సీరియల్ : రమేష్ చంద్రని కలిసిన చిన్నీ! బుక్ చేసేందుకు మనోరమ..
నా మాట కాదనకు దీపా..
అది విన్న సౌందర్య.. దీపని పక్కకు తీసుకుని వెళ్లి కూర్చోబెట్టి.. ‘ఏంటీ ఈ కర్మా.. 5 వందల్ని అంత గొప్పగా చూసుకోవాల్సిన పరిస్థితి ఏంటీ మీకు? నెలకి లక్ష పంపిస్తాను.. నా మాట కాదనకు దీపా’ అంటుంది బాధతో.. దీప మాత్రం వెర్రి నవ్వు నవ్వి.. ‘భర్త విడాకులు ఇవ్వను అని వదిలేస్తే.. అత్త భరణం కింద డబ్బులు పంపిస్తుందా?’ అంటుంది. photo courtesy star maa and hotstar Read also: కట్టప్ప ఎందుకు పెళ్లి చేసుకోలేదో తెలుసా? ద్యావుడా..
అదికాదు అత్తయ్యా..
‘అది కాదే.. నా మాట విను’ అంటూ సౌందర్య బతిమలాడటంతో.. ‘మీకు తెలియని కాదు కదా అత్తయ్యా.. ఎవరో ఇచ్చిన డబ్బులతో నేను ఇల్లు గడపడం నా వల్ల కాదు అత్తయ్యా’ అంటుంది దీప. సౌందర్య దీప నెత్తి మీద ఒక్కటి ఇచ్చి.. ‘ఎవరో ఏంటే ఎవరో? నాలా నీ కోసం తాపత్రయపడే మనిషి నీకు జీవితంలో దొరకదు’ అంటుంది. ‘అదికాదు అత్తయ్యా.. రేపు మీ అబ్బాయి తెలిస్తే నా విలువ పోతుంది కదా అత్తయ్యా’ అంటూ బతిమలాడుతుంది. సౌందర్య అలిగి అటు తిరుగుతుంది కోపంతో.. photo courtesy star maa and hotstar Read also: ‘ఆమెకథ’ సీరియల్ : కథలో క్లారిటీ! ‘సుహాసినీని చంపింది ఎవరో కాదు’
మనకెందుకమ్మా?
ఇంతలో సౌందర్యకు మురళీ కృష్ణ కాల్ చెయ్యడం, శ్రావ్యకు నొప్పులు వస్తున్నాయి అని చెప్పడంతో సౌందర్య, దీపలు కంగారు హాస్పెటల్క బయలుదేరతారు. ఇంతలో సౌర్య.. దీపకు అడ్డుపడి ‘మనమెందుకమ్మా? వాళ్లు వెళ్తారు లే. మనకెందుకు? మనం చార్మినార్ వెళ్దాం’ అంటుంది. (శ్రావ్య సొంత పిన్ని అని తెలియక). అయితే దీప సౌర్యకు నచ్చజెప్పి.. కారులో ఎక్కిస్తుంది. హిమ, సౌర్య, సౌందర్య, దీప నలుగురూ కలిసి రిజ్వానా హాస్పెటల్కి వెళ్తారు. photo courtesy star maa and hotstar
భాగ్యం హంగామా..
హాస్పెటల్లో శ్రావ్య అరుస్తూ పెయిన్స్ పడుతూ ఉంటుంది. పక్కనే భాగ్యం ‘అయ్యో.. అమ్మో’ అంటూ అరుస్తూ ఉంటుంది. శ్రావ్యని చెక్ చేసిన డాక్టర్.. శ్రావ్యకి కడుపులో బిడ్డ అడ్డం తిరిగిందని కాస్త కష్టంగా ఉందని చెబుతుంది. వెంటనే.. భాగ్యాన్ని చూపిస్తూ.. ‘ముందు ఈవిడని బయటికి తీసుకుని వెళ్లండి..’ అని చెప్పడంతో.. పక్కనే ఉన్న కార్తీక్తో భాగ్యం ‘అదికాదు అల్లుడు గారూ మన శ్రావ్య’ అంటూ ఏదో చెప్పబోతుంది. photo courtesy star maa and hotstar
అల్లుడు గారు అందేంటీ?
ఇంతలో మురళీ కృష్ణ భాగ్యాన్ని బయటికి లాగి కాస్త దూరంగా ఉన్న చైర్లో భాగ్యాన్ని కూర్చోబెట్టి.. ‘ఇక్కడ నుంచి కదిలితే కాళ్లు విరగొడతా’ అని బెదిరిస్తాడు. అయితే ఇటు హిమకి, అటు సౌర్యకి ఒకే డౌట్ వస్తుంది. మా డాడీని ఆమె(భాగ్యం) అల్లుడు గారు అందేంటీ?’ అని ఆలోచిస్తూ ఉంటారు. (ఇక వాళ్లకి డౌట్స్ వస్తే ఊరుకే ఉండరుగా. రేపటి నుంచి డౌట్స్ స్టార్ట్ కానున్నాయని అర్థం అవుతోంది) photo courtesy star maa and hotstar
ఈ టైమ్లో మౌనిత కాకుండా..
‘స్పెషలిస్ట్ సాయం కావల్సిందే.. డాక్టర్ మౌనితకి కాల్ చేస్తే.. మీ వాళ్ల పర్మీషన్ కావాలని అంటున్నారు. మీరు ఒకసారి ఫోన్ చేసి మాట్లాడండి’ అంటుంది ఆ డాక్టర్ కార్తీక్తో. సౌందర్య, దీప, మురళీ కృష్ణ, భాగ్యం, కార్తీక్, ఆదిత్య అంతా కంగారు పడుతుంటారు. ‘మౌనిత కాకుండా ఎవరైనా డాక్టర్..’ అని దీప అంటుంటే.. ‘ఈ టైమ్లో మౌనిత కాకుండా వేరే ఎవరినీ నమ్మలేం’ అంటూ కార్తీక్ మౌనితకి కాల్ చేస్తాడు. photo courtesy star maa and hotstar
నీకేమన్నా మెంటలా?
చక్కగా కారులో కూర్చుని.. ‘రాములో రాములో’ పాట పెట్టుకుని ఊగిపోతూ డాన్స్ చేస్తూ ఉంటుంది మౌనిత. కార్తీక్ ఫోన్ రావడంతో.. పాటలు ఆపేసి.. చాలా కూల్గా హలో అంటుంది. ‘నీకేమన్నా మెంటలా? శ్రావ్యకు నొప్పులు వస్తున్నాయంటే మా పర్మీషన్ కావాలన్నావట? త్వరగా బయలుదేరి రా’ అని ఫోన్ పెట్టేస్తాడు కార్తీక్ కోపంగా.. photo courtesy star maa and hotstar
మౌనిత శాడిజం..
‘కానీ మీ వాళ్లు..’అంటూ సాగదీస్తుంది మౌనిత. ‘స్టుపిడ్.. మా వాళ్ల ముందే మాట్లాడుతున్నాను. ఏం చెప్పానో అది చెయ్యి...’ అని ఫోన్ పెట్టేస్తాడు కార్తీక్. ‘థ్యాంక్యూ ప్రియమణి..’ అని మనసులో అనుకుంటూ.. ‘రిజ్వానా హాస్పెటల్ ముందే ఉన్నానని నీకేం తెలియదు పాపం? మనం వెయిట్ చెయ్యాలి.. కాసేపు’ అంటూ కారులో నే ఎంజాయ్ చేస్తుంది మౌనిత. మౌనిత వస్తుంది అనగానే కంగారుపడుతుంది దీప. photo courtesy star maa and hotstar
కమింగ్ అప్లో.. దీప భయం..
దీప శ్రావ్యకు బ్లెడ్ ఇవ్వడానికి అదే రూమ్లో పడుకుని ఉంటుంది. ఇంతలో మౌనిత ఒక ఇంజెక్షన్ తీసి.. శ్రావ్యతో.. ‘నీకు ఇప్పుడు మంచి ఇంజెక్షన్ ఇస్తాను.. నీకు బాధ మొత్తం పోతుంది’ అంటూ దీపని చూసి నవ్వుతుంది. దాంతో దీపకు గతంలో తను చేసిన ఇంజెక్షన్ గుర్తుకొచ్చి.. పరుగున వెళ్లి మౌనితని తోసేసి.. ‘అమ్మా శ్రావ్యా దాన్ని నమ్మకు.. ఇది కడుపులు పోగొడుతుంది’ అంటూ కంగారుపడుతుంది. దాంతో దీపని బయటికి తీసుకొచ్చేస్తారు రిజ్వానా, మౌనితలు. ‘అసలు ఎవరీమె..? ఎందుకు ఇంత రచ్చ చేస్తుంది’అంటుంది రిజ్వానా. photo courtesy star maa and hotstar
వంటలక్క పేరు దీపా?
‘దాన్ని నమ్మొద్దు.. అది డెలివరీ చెయ్యడానికి రాలేదు. బిడ్డని చంపడానికే వచ్చింది’ అంటూ మౌనిత గురించి అందరి ముందూ చెబుతూనే ఉంటుంది దీప. కార్తీక్ కోపంతో చూస్తూ ఉంటాడు. ఇంతలో మురళీ కృష్ణ.. ‘అమ్మా దీపా ఏంమైందమ్మా?’ అంటాడు. ఆ మాట విన్న హిమ.. మనసులో.. ‘దీపనా? వంటలక్క పేరు దీపనా?’ అంటూ ఆలోచినలో పడుతుంది. తన తల్లి పేరు కూడా దీప అని ముందే తెలిసి హిమకు.. తన తల్లిని తెలుసుకోవడానికి మరో క్లూ దొరికింది. మొత్తానికి పిల్లలకు డౌట్స్ వచ్చాయి. ఇక కథ ఆసక్తిగా మారనుంది. మరిన్ని వివరాలు తరువాయి భాగంలో చూద్దాం. కార్తీకదీపం కొనసాగుతోంది.
శేఖర్ కుసుమ సమయం తెలుగులో ప్రిన్సిపల్ డిజిటల్ కంటెంట్ ప్రొడ్యూసర్గా పని చేస్తున్నారు. ఇక్కడ సినిమా, టీవీ రంగానికి సంబంధించిన తాజా వార్తలు, స్టోరీలు అందిస్తుంటారు. ఆయనకు జర్నలిజంలో 11 సంవత్సరాలకు పైగా అనుభవం ఉంది. గతంలో ప్రముఖ మీడియా సంస్థల్లో పొలిటికల్ న్యూస్, ఎంటర్టైన్మెంట్ రంగాలకు సంబంధించి వార్తలు రాశారు.... మరిన్ని చదవండి
We use cookies and other tracking technologies to provide services in line with the preferences you reveal while browsing the Website to show personalize content and targeted ads, analyze site traffic, and understand where our audience is coming from in order to improve your browsing experience on our Website. By continuing to browse this Website, you consent to the use of these cookies. If you wish to object such processing, please read the instructions described in our privacy policy/cookie policy.