Karthika Deepam Telugu Serial Written Updates 29 February 2020; Karthik Invites Mounitha
‘కార్తీకదీపం’ ఫిబ్రవరి 29 ఎపిసోడ్: కథలో ఊహించని ట్విస్ట్! మౌనితతో సహా అంతా షాక్!
బుల్లితెర ప్రేక్షకుల్ని ఎంతగానో ఆకట్టుకుంటున్న ‘కార్తీకదీపం’ సీరియల్ 743 ఎపిసోడ్లను పూర్తి చేసుకుని.. 744 ఎపిసోడ్కి ఎంటర్ అయ్యింది. ఈ ఎపిసోడ్ హైలైట్స్ మీకోసం. తెలుగు ప్రేక్షకులను ఎంతగానో ఆకట్టుకుంటున్న‘కార్తీకదీపం’ సీరియల్ నేటి (ఫిబ్రవరి 29) రాత్రి ఎపిసోడ్లో ఏం జరగనుందో ‘సమయం’లో మీకోసం ముందుగానే.
Samayam Telugu29 Feb 2020, 9:38 pm
బుల్లితెర ప్రేక్షకుల్ని ఎంతగానో ఆకట్టుకుంటున్న ‘కార్తీకదీపం’ సీరియల్ 743 ఎపిసోడ్లను పూర్తి చేసుకుని.. 744 ఎపిసోడ్కి ఎంటర్ అయ్యింది. ఈ ఎపిసోడ్ హైలైట్స్ మీకోసం. తెలుగు ప్రేక్షకులను ఎంతగానో ఆకట్టుకుంటున్న‘కార్తీకదీపం’ సీరియల్ నేటి (ఫిబ్రవరి 29) రాత్రి ఎపిసోడ్లో ఏం జరగనుందో ‘సమయం’లో మీకోసం ముందుగానే.
గత ఎపిసోడ్లో ఏం జరిగిందంటే...
స్కూల్లో కార్తీక్ దీపతో.. ‘ఈవినింగ్ ఇంట్లో మంచి పార్టీ ఉంది. వంటలక్కా నువ్వు తప్పకుండా రావాలి. ఎట్టిపరస్థితుల్లోని మిస్ చెయ్యొద్దు. పార్టీ మిస్ అయితే.. చాలా అంటే చాలా మిస్ అయిపోతావ్.. హిమా వాళ్ల అమ్మ ఎవరో పరిచయం చేయనున్నాను’ అంటాడు. అదంతా విన్న సౌందర్య కూడా చాలా భయపడుతుంది. ‘కొంపదీసి మౌనితని పరిచయం చేస్తాడా?’ అని ఆలోచించుకుంటుంది. పాపం దీప కూడా చాలా బాధపడుతుంది. photo courtesy star maa and hotstar Read also: ‘కార్దీకదీపం’ గత ఎపిసోడ్ కోసం ఇక్కడ క్లిక్ చెయ్యండి..
హ్యాపీగా ఎంజాయ్ చెయ్యండి..
స్కూల్ నుంచి హాస్పెటల్కి వెళ్లిన కార్తీక్.. తన హాస్పెటల్లో డాక్టర్స్, నర్స్లందరికీ బోనస్ పంచిస్తాడు. ‘ఏంటి సార్ స్పెషల్?’ అంటే.. ‘మా అమ్మయి పుట్టినరోజు..’ అని చెబుతాడు. ‘మరి ప్రతి పుట్టిన రోజుకి బోనస్ ఇవ్వరు కదా సార్..’ అని అడుగుతుంది ఓ డాక్టర్. ‘ఇవ్వాలనిపించలేదు ఇవ్వలేదు. ఇప్పుడు ఇవ్వాలనిపించింది ఇచ్చాను.. నోమోర్ క్వశ్చన్స్... హ్యాపీగా ఎంజాయ్ చెయ్యండి..’ అంటాడు కార్తీక్. దాంతో అంతా నవ్వుకుంటూ అక్కడ నుంచి వెళ్లిపోతారు. photo courtesy star maa and hotstar Read also: ‘ఆమెకథ’ ఫిబ్రవరి 27 ఎపిసోడ్ : మళ్లీ పద్మినీతో రొమాన్స్!? ఊసరవెళ్లిలా గౌతమ్..?
కార్తీక్ సెటైర్లు..
ఇంతలో మౌనిత ఎంట్రీ ఇస్తుంది. వాళ్లని, కార్తీక్ని గమనించిన మౌనిత.. ‘ఏంటీ అందరి ముఖాలు అలా వెలిగిపోతున్నాయి నీతో సహా?’ అంటుంది వెటకారంగా. వెంటనే కార్తీక్.. ‘నీ ముఖం ఎందుకు అలా వెలవెలబోతుంది? మా ముఖాలు చూసి?’ అంటాడు నవ్వుతూ.. మౌనిత కాస్త కోపంగా చూస్తూ.. ‘ఏంటీ విషయం అని అడుగుతున్నాను?’ అని అడుగుతుంది. ‘నా కూతురు బర్త్డే..’ అంటాడు కార్తీక్. photo courtesy star maa and hotstar
వెంటనే కాంపౌండర్ని పిలిచి.. ‘అరేబాయ్.. మేడమ్ వచ్చారు ఏం తీసుకొస్తావ్?’ అంటాడు కార్తీక్ చాలా జాలీగా. కార్తీక్ అంత జాలీగా ఉండటం చూసి మౌనిత షాక్ అవుతుంది. ‘అల్ల టీ తీసుకొస్తాను సార్’ అంటాడు కాంపౌండర్. ‘సూపర్.. తీసుకొచ్చెయ్’ అంటాడు అంతే హ్యాపీగా నవ్వుతూ.. ‘అసలు ఏమైంది కార్తీక్ నీకు?’ అని అడుగుతుంది. ‘ఏముంది ఏం కాలేదు.. ఈవినింగ్ పార్టీ ఉంది.. నువ్వూ తప్పకుండా రావాలి’ అంటాడు. photo courtesy star maa and hotstar Read also: ‘కోయిలమ్మ’ ఎపిసోడ్ : చిన్నీ చేతుల్లో విడాకుల పత్రాలు! శాశ్వతంగా తెగిపోనున్న బంధం!
సంతోషంలో మౌనిత..
‘ఛా ఊరుకో.. మీ ఇంట్లో పార్టీకి నన్ను పిలుస్తావేంటీ? సౌందర్య ఆంటీ ఇంట్లో పేరంటానికి మౌనితని పిలస్తే ఎలాంటి వాయినాలు అందుతాయో నాకు బాగా తెలుసు’ అంటుంది మౌనిత. ‘అదేం లేదు నువ్వు తప్పకుండా రావాలి. ఈ దేశంలో కొన్న టాపు, ఆ దేశంలో కొన్న ప్యాంట్ కాకుండా.. కళ్లకి ప్లెజెట్గా ఉండే చీర కట్టుకుని రా.. నువ్వు వస్తే నీకో అదిరిపోయే సర్ఫ్రైజ్ ఉంటుంది. నిజంగా ఆశ్చర్యపోతావ్’ అంటాడు కార్తీక్. photo courtesy star maa and hotstar
సర్ఫ్రైజ్ చెప్పకూడదు..
మౌనిత ఉబ్బితబ్బిబు అయిపోతుంది. ‘నిజంగానే కార్తీక్.. ఏంటా సర్ఫ్రైజ్?’ అంటూ ఆశగా అడుగుతుంది. ‘చెప్పాల్సిన టైమ్ కంటే ముందుగా చెప్పేదాన్ని సర్ఫ్రైజ్ అనరు’ అంటాడు కార్తీక్ నవ్వుతూ.. ‘సరే అయితే నేను వస్తాను’ అంటూ ఆనందంగా వెళ్లిపోతుంది మౌనిత. ‘ఇదిగో అల్లం టీ.. మౌనితా..’ అని కార్తీక్ పిలిచిన పట్టించుకోదు. photo courtesy star maa and hotstar
ఏంటండీ ఈ ఆటలు..
సౌందర్య, ఆనందరావులు తీవ్రంగా, టెన్షన్గా ఆలోచిస్తూ ఉంటారు. ఇంతలో ఆనందరావు వచ్చి.. రెండు వేళ్లు చూపిస్తూ.. ఒక వేలు పట్టుకో అంటాడు. సౌందర్య విసుగ్గా.. ‘ఏంటండీ ఈ ఆటలు’ అంటూ పట్టుకుంటుంది. ‘అబ్బా.. సౌందర్య చూసి పట్టుకోచ్చుగా.. దీపని వాడు హిమ తల్లిగా చూపిస్తాడా లేదా అనుకుంటూ.. చూపించడు అన్నదే పట్టుకున్నావ్’ అంటాడు బాధగా.. photo courtesy star maa and hotstar
సౌందర్య ఆవేశం..
‘అవునా.. మరి నేను పట్టుకున్నవేలు ఎవరిని చూపిస్తాడని? కొంపదీసి మౌనితనా?’ అంటుంది సౌందర్య టెన్షన్గా చూస్తూ.. ‘అవును సౌందర్య. ఇప్పటికి వరకూ ఈ పద్దతిని 10 సార్లు ప్రయోగిస్తే.. ఎనిమిది సార్లు నిజమైంది. ఈ తొమ్మిదో సారి కూడా నిజం అవుతుందంటావా?’ అంటాడు ఆనందరావు టెన్షన్గా.. ‘ఆపండి మీరు. అదే గనుక నిజం కావాలి. అప్పుడు చెబుతాను వాడి పని. నాలో బద్రకాలీ అవతారం చూస్తాడు వాడు’ అంటూ రగిలిపోతుంది సౌందర్య. photo courtesy star maa and hotstar
కూతుర్ని కలుసుకుని..
మురళీ కృష్ణ.. స్కూటీ మీద వెళ్తూ.. దారిలో దీప వారణాసి ఆటోలో వెళ్తూ కనిపిస్తుంది. ‘అమ్మా దీపా..’ అని గట్టిగా పిలవడంతో దీప వారణాసిని ఆటో ఆపమని తండ్రిని కలుస్తుంది. ‘అమ్మా చాలా సంతోషంగా ఉందమ్మా.. హిమ తల్లిగా నిన్ను పరిచయం చేస్తున్నాడుగామ్మా అల్లుడుగారు?.. నాకు తెలుసమ్మా.. హిమని చూసుకోవడం నిన్ను మించిన తల్లి అల్లుడుగారికి ఎక్కడ దొరకుతుంది?’ అంటూ సంబరంగా ఏదేదో మాట్లాడతాడు మురళీ కృష్ణ. photo courtesy star maa and hotstar
మురళీ కృష్ణ ఆనందం..
దీప బాధగా.. ‘ప్రపంచంలో వెర్రివాళ్లు, పిచ్చివాళ్లు, ఆశావాధులు చాలా మంది ఉంటారు. మనమెందుకు అందులో ఒకరిగా మిగిలిపోవడం నాన్నా?’ అంటుంది. అయినా మురళీ కృష్ణ.. ‘ఏమోనమ్మా.. నీకు మంచి రోజులు వస్తున్నాయేమో.. అల్లుడు నిజంగానే నిన్ను హిమ తల్లిగా పరిచయం చేస్తే.. అంతా మంచే జరుగుతుంది కదమ్మా.. సౌర్యకి తండ్రి వచ్చినట్లే..’ అంటూ ఆనందంగా ఏదేదో మాట్లాడుతూనే ఉంటాడు. photo courtesy star maa and hotstar Read also: వంటలక్కకి అదిరిపోయే గిప్ట్! తెలుగు వాళ్లు అభిమానిస్తే ఇలానే ఉంటుంది..
లేదమ్మా నువ్వు నిరాశపడకు..
‘రెపరెపలాడే కాగితాల మీద బరువు పెట్టానాన్నా.. నువ్వు ఆ బరువుని తియ్యకు..’ అంటుంది దీప భారంగా.. ‘లేదమ్మా నువ్వు నిరాశపడకు.. అంతా మంచే జరుగుతుంది. అల్లుడు అదే చేస్తే.. తిరుపతికి కాలి నడుకన వస్తానని మొక్కున్నానమ్మా’ అంటాడు మురళీ కృష్ణ. ‘చూద్దాం లే నాన్నా.. అమ్మగా రమ్మంటాడో.. లేక ఆయాగా రమ్మంటాడో.. అబద్దపు తల్లిని చేస్తాడో? లేక నిజం తల్లినని నమ్మిస్తాడో? ఏమోలే నాన్నా ఇప్పుడే ఇన్ని ఊహాగానాలెందుకు?’ అంటుంది దీప. photo courtesy star maa and hotstar
దీప భయం..
‘సాయంత్రం తెలిసిపోతుందిగా.. సౌర్యని, నన్ను సాయంత్రం రమ్మని పిలిచాడు. వెళ్లి వస్తాం. సరేనాన్న నేను బయలుదేరతాను’ అంటుంది దీప. ‘సాయంత్రం దాకా గుండె గుప్పెట్లో పెట్టుకుని ఎదురు చూస్తుంటాను..’ అంటాడు ఆశగా మురళీ కృష్ణ. ‘నా పరిస్థితి అంతే..’ అంటూ వారణాసి ఆటో ఎక్కుతుంది దీప. వెళ్తూ వెళ్తూ.. మనసులో.. ‘నన్ను కాకుండా ఆ డాక్టర్ బాబు.. హిమకు తల్లిగా ఆ మౌనితని పరిచయం చేస్తే? లేదు అలా జరగకూడదు. మా నాన్న కాలి నడకన తిరుపతి వెళ్లాలి’ అనుకుంటుంది. photo courtesy star maa and hotstar
కామెడీ సీన్... ప్రియమణికి షాక్తో..
‘కార్తీక్ నన్ను మంచి చీర కట్టుకుని పార్టీకి రమ్మన్నాడు’ అని మౌనిత ప్రియమణికి చెబుతుంది. దాంతో ప్రియమణి కళ్లు తిరిగి కింద పడిపోతుంది. మౌనిత.. ‘ప్రియమణి ప్రియమణీ’ అని పిలిస్తే.. ‘ఏంటే ప్రియమణీ’ అంటూ రివర్స్లో మౌనితనే పిలుస్తుంది. ‘నీ పేరు కదే అది’ అంటుంది మౌనిత కోపంగా.. ‘మరి నీ పేరు ఏంటీ?’ అని తింగరి ప్రశ్నలు వేస్తుంది ప్రియమణి. మౌనితకి ఏం అర్థం కాదు. photo courtesy star maa and hotstar
ఇదెలా సాధ్యం..?
‘చుప్పనాతి సూర్పణక చీరకట్టుకోవడమేంటమ్మా?’ అంటుంది కాసేపటికి తేరుకున్న ప్రియమణి. ‘పాముని పార్టీకి పిలుస్తారా ఎవరైనా? నక్కని నాగలోకానికి రమ్మంటాడా ఎవరైనా?’ అంటూ నోటికి వచ్చినట్లుగా పిచ్చి పిచ్చిగా మాట్లాడుతుంది ప్రియమణి. దాంతో మౌనిత ఒకటి పీకుతుంది. వెంటనే లైన్లోకి వచ్చిన ప్రియమణి.. ‘ఇదెలా సాధ్యం.. కార్తీక్ బాబు మిమ్మల్ని చీర కట్టుకుని రమ్మనడం ఏంటమ్మా?’ అంటుంది. photo courtesy star maa and hotstar
చీర కట్టుకుని రమ్మన్నాడంటే..
మళ్లీ మౌనితని ఇంప్రెస్ చెయ్యడానికి.. ‘చీర కట్టుకుని రమ్మంని ఎవరు ఎవర్ని పిలుస్తారో తెలుసా అమ్మా.. ఎప్పుడూ పిచ్చి పిచ్చి డ్రెస్లు వేసుకునే వాళ్లని, తన వాళ్లకి పరిచయం చేసేటప్పుడు అలా చెబుతారు. అసలు దుబాయి నుంచి తిరిగి వచ్చిన ఆడ షేక్లా తిరిగే మిమ్మల్ని.. చీర కట్టుకుని రమ్మన్నాడంటే అర్థమేంటో తెలుసా అమ్మా?’ అంటుంది ప్రియమణి.. ‘ఏంటే? ఏంటి దాని అర్థం చెప్పు చెప్పు, త్వరగా చెప్పు?’ అంటూ సంబరపడిపోతుంది మౌనిత. photo courtesy star maa and hotstar
మౌనిత సంబరం..
‘అదేనమ్మా.. పద్దతిగా ఓ భార్యలా, ఓ బిడ్డకి తల్లిగా.. అందరి ముందు కనిపించాలని అతడు కోరుకుంటున్నాడేమోనమ్మా.. మీరు చక్కగా రెడీ అయ్యి వెళ్లండి చెబుతాను.. అవునమ్మా.. ఆ ఇంట్లో పని చేసేవాళ్లు ఎవరైనా మీకు తెలుసా అమ్మా? వాళ్లని అడిగితే అసలు సమాచారం వచ్చేస్తుంది.. మీరు ఆ పని చెయ్యండమ్మా’ అంటూ సలహా ఇస్తుంది. ‘హా అక్కడ పని చేసేవాళ్లు లేరు కానీ.. మాలతీ వాళ్ల పిన్ని.. నా పేషెంటే.. కాంటాక్ట్ చేసి విషయం పట్టేస్తాను. నువ్వు నాకు ఇష్టమైన చీర రెడీ చేసి పెట్టు’ అంటుంది మౌనిత. photo courtesy star maa and hotstar
సౌర్య ఆవేశం..
దీప.. సౌర్యకి జడవేస్తూ తనలో తనే ఆలోచించుకుంటుంది. ‘డాక్టర్ బాబు మనసు నిజంగానే మారిపోయిందా?’ అని అనుకుంటుంది. సౌర్య కూడా మనసులో కార్తీక్ గురించి తలుచుకుంటుంది. ‘అసలు డాక్టర్ బాబు ఉద్దేశం ఏంటీ? హిమా వాళ్ల అమ్మ లేదని ఒకసారి ఉందని ఒకసారి అంటాడు. విడాకులు అంటాడు. కాదంటాడు. ఒకవేళ సాయంత్రం.. మా అమ్మని ఏదైనా అనాలి..’ అనుకుంటూ.. ‘గద్దెల కొండ గణేష్ అంటే గజ గజ వణకాలే..’ అంటూ గట్టిగా అరుస్తుంది కోపంతో.. దీప భయపడుతుంది. photo courtesy star maa and hotstar
నీతో మాట్లాడలేం అత్తమ్మా..
‘ఏంటి అత్తమ్మా.. పాపిట తిన్నగా రావట్లేదు.. పాపిట సరిగా వస్తేనే.. బతుకు తిన్నగా ఉంటుందట’ అని తిడుతుంది. వెంటనే అద్దం దీపక ముందు పెట్టి.. ‘అమ్మా.. నీ పాపిడి తిన్నగానే ఉందిగా.. మరి నీకు ఎందుకు కష్టాలు?’ అంటూ లాజిక్ మాట్లాడుతుంది సౌర్య. దాంతో దీప.. ‘నీతో మాట్లాడలేం అత్తమ్మా’ అంటూ మౌనంగా మళ్లీ జడ వెయ్యడం మొదలుపెడుతుంది. అయితే సౌర్య మళ్లీ దీప ముఖాన్ని అద్దంలో గమనిస్తూ.. ‘ఎందుకమ్మా పొద్దున్నించి అలా ఉన్నావ్?’ అని అడుగుతుంది. photo courtesy star maa and hotstar
దీప రిక్వస్ట్..
దీప ఏం మాట్లాడదు. ‘డాక్టర్ బాబు హిమా వాళ్ల అమ్మని చూపిస్తానన్నప్పటి నుంచి అలానే ఉన్నావ్.. అయినా హిమా వాళ్ల అమ్మ నిజంగా వస్తే.. నిన్ను డాక్టర్ బాబుని ఎవరు కలుపుతారమ్మా? హిమ కూడా మా అమ్మ వచ్చింది చాల్లే అనుకుంటుందేమో..?’ అంటుంది సౌర్య బాధగా.. ‘అదేం లేదు అత్తమ్మా.. ఏదైతే ఏంటీ..? ఎవరు ఎవరి ఏం అయితే ఏంటిప్పుడు.. పిలిచారు. వెళ్లాలి. వెళ్లకపోతే బాగుండదు..’ అంటుంది. సౌర్య.. ‘అక్కడికి వెళ్లడం అవసరమా..?’ వద్దని వాదిస్తుంటే.. ‘ఈసారికి ఇలా కానిద్దాం లే అత్తమ్మా.. వెళ్లొద్దాం లే..’ అంటుంది దీప రిక్వస్ట్గా.. photo courtesy star maa and hotstar
కమింగ్ అప్లో...
సీన్ కట్ చేస్తే.. పార్టీ స్టార్ట్ అయ్యింది. హిమ, సౌర్యలు కేక్ కట్ చేసేందుకు సిద్ధంగా ఉంటారు. సౌందర్య, ఆనందరావు, దీప, మౌనిత అంతా చుట్టూ ఉంటారు. హిమ కార్తీక్తో... ‘డాడీ.. అమ్మా..?’ అంటుంది. ‘వచ్చేసిందిగా’ అంటాడు కార్తీక్. హిమ చుట్టూ చూస్తుంది. అటు దీప, ఇటు మౌనిత ఇద్దరూ టెన్షన్గా, ఆశగా చూస్తుంటారు. ఇంతలో ఓ కొత్త మనిషి చాలా పొందిగ్గా చీర కట్టుకుని ఎంట్రీ ఇస్తుంది. ఆమె ఎవరు అన్నది రేపు చూడాల్సిందే. ఆమె చూడగానే.. హిమ సంతోషించగా.. మౌనితతో సహా, మిగిలిన వాళ్లంతా షాక్ అయ్యారు. మరిన్ని వివరాలు తరువాయి భాగంలో చూద్దాం! కార్తీకదీపం కొనసాగుతోంది.
We use cookies and other tracking technologies to provide services in line with the preferences you reveal while browsing the Website to show personalize content and targeted ads, analyze site traffic, and understand where our audience is coming from in order to improve your browsing experience on our Website. By continuing to browse this Website, you consent to the use of these cookies. If you wish to object such processing, please read the instructions described in our privacy policy/cookie policy.