Karthika Deepam Telugu Serial Written Updates 31 March 2020; Meet The Sisters
Karthika Deepam: మన వంటలక్క చిన్ననాటి జీవితం! ఈ కథ మీకు తెలుసా?
కార్తీకదీపం సీరియల్.. బుల్లితెర ప్రేక్షకుల్ని ఎంతగానో ఆకట్టుకుంటూ.. టాప్ రేటింగ్లతో దూసుకుపోతోందన్న విషయం తెలిసిందే. అయితే కరోనా ఎఫెక్ట్తో ఒక్క కార్తీకదీపమే కాదు.. మిగిలిన అన్ని సీరియల్స్ షూటింగ్ నిలిపివేశారు. దాంతో సీరియల్స్ ఆగిపోయాయి. ఇప్పటికే 765 ఎపిసోడ్స్ పూర్తి చేసుకున్న కార్తీకదీపం.. ప్రతి ఎపిసోడ్లోనూ సరికొత్త దనాన్ని.. మనసుని కట్టిపాడేసే ఎన్నో భావాలను పంచుతూ వచ్చింది. అయితే మనలో చాలా మందికి దీపని కార్తీక్ వదిలేసినప్పటి నుంచి జరిగిన కథే తెలుసు.. అంతకు ముందు దీప మనసు, కార్తీక్ వ్యక్తిత్వం..? సౌందర్య వాక్ ఛాతుర్యం మనకు పెద్దగా తెలియదు. ఈ లాగ్ డౌన్ కారణంగా సీరియిల్స్ మళ్లీ మొదటి ఎపిసోడ్ నుంచి రీవిజిట్ చేస్తున్నారు. అయితే మనం కూడా ఫస్ట్ ఎపిసోడ్లో ఏం జరిగింది? అసలు దీప, కార్తీక్లు ఎలా కలిసారు? వాళ్ల ప్రేమ ఎలా చిగురించింది? అందగాడైన కార్తీక్కి దీప ఎలా నచ్చింది? ఇలా ఎన్నో సంగతులు.. మొదటి ఎపిసోడ్ నుంచి చూద్దాం! ఎందకంటే కొన్ని కథలు అహ్లాదాన్ని మాత్రమే కలిగిస్తాయి. కార్తీకదీపం లాంటి కథలే అహ్లాదంతో పాటు.. జీవితానికి సరిపడే పాఠాలు నేర్పిస్తుంటాయి. ఈ మాట ఎంతో మంది ఏకీభవించిన మాట.
Authored byశేఖర్ కుసుమ | Samayam Telugu28 Mar 2022, 10:22 am
కార్తీకదీపం సీరియల్.. బుల్లితెర ప్రేక్షకుల్ని ఎంతగానో ఆకట్టుకుంటూ.. టాప్ రేటింగ్లతో దూసుకుపోతోందన్న విషయం తెలిసిందే. అయితే కరోనా ఎఫెక్ట్తో ఒక్క కార్తీకదీపమే కాదు.. మిగిలిన అన్ని సీరియల్స్ షూటింగ్ నిలిపివేశారు. దాంతో సీరియల్స్ ఆగిపోయాయి. ఇప్పటికే 765 ఎపిసోడ్స్ పూర్తి చేసుకున్న కార్తీకదీపం.. ప్రతి ఎపిసోడ్లోనూ సరికొత్త దనాన్ని.. మనసుని కట్టిపాడేసే ఎన్నో భావాలను పంచుతూ వచ్చింది. అయితే మనలో చాలా మందికి దీపని కార్తీక్ వదిలేసినప్పటి నుంచి జరిగిన కథే తెలుసు.. అంతకు ముందు దీప మనసు, కార్తీక్ వ్యక్తిత్వం..? సౌందర్య వాక్ ఛాతుర్యం మనకు పెద్దగా తెలియదు. ఈ లాగ్ డౌన్ కారణంగా సీరియిల్స్ మళ్లీ మొదటి ఎపిసోడ్ నుంచి రీవిజిట్ చేస్తున్నారు. అయితే మనం కూడా ఫస్ట్ ఎపిసోడ్లో ఏం జరిగింది? అసలు దీప, కార్తీక్లు ఎలా కలిసారు? వాళ్ల ప్రేమ ఎలా చిగురించింది? అందగాడైన కార్తీక్కి దీప ఎలా నచ్చింది? ఇలా ఎన్నో సంగతులు.. మొదటి ఎపిసోడ్ నుంచి చూద్దాం! ఎందకంటే కొన్ని కథలు అహ్లాదాన్ని మాత్రమే కలిగిస్తాయి. కార్తీకదీపం లాంటి కథలే అహ్లాదంతో పాటు.. జీవితానికి సరిపడే పాఠాలు నేర్పిస్తుంటాయి. ఈ మాట ఎంతో మంది ఏకీభవించిన మాట.
దీప, శ్రావ్యలు స్కూల్ డేస్..
దీప చిన్నప్పటి నుంచి కథ స్టార్ట్ అవుతుంది. స్కూల్లో ఫంక్షన్ జరుగుతుంటే.. ఇద్దరు చిన్న పిల్లలు పక్క పక్కనే కూర్చుని వింటూ ఉంటారు. అందులో ఒకరు నల్లగా(దీప), మరొకరు తెల్లగా(శ్రావ్య) ఉంటారు. ‘తన సంపాదనలో కొంత భాగం చదువుకునే పిల్లలకు కేటాయించే నటుడు సీతాకంత్ గారిని మాట్లాడవలసిందిగా కోరుతున్నాను’ అని అనౌన్స్ చెయ్యగానే.. అతడు మాట్లాడి.. ‘బాగా చదువకోండి. భవితవ్యానికి బాట చదువు మాత్రమే’ అంటూ స్పీచ్ ఇస్తాడు అతడు. అందంతా దీప చాలా శ్రద్ధగా వింటుంది. తర్వాత సీతాకంత్ గారి చేతుల మీదుగా.. పిల్లలకు బహుమతులు అనడంతో.. పిల్లలు చప్పట్లు కొడతారు. photo courtesy star maa and hotstar
అది బుల్లి కోకిల కాదు.. నల్ల కాకి..
క్లాస్ ఫస్ట్ వచ్చిందంటూ దీపని పిలిచి .. బహుమతి ఇస్తుంటారు. అయితే ‘బంగారు తల్లి’ అని దీపని మెచ్చుకుంటే.. కింద కూర్చున్న శ్రావ్య మాత్రం.. ‘అది బంగారు తల్లి కాదు.. బొగ్గు తల్లి’ అంటూ రగిలిపోతుంది. వెంటనే పాటల పోటీలో కూడా దీపకు ఫస్ట్ రావడంతో.. ‘బుల్లి కోకిల’ అంటూ దీపని పొగుడుతుంటే.. ‘అది బుల్లి కోకిల కాదు.. నల్ల కాకి..’ అంటూ రగిలిపోతుంది శ్రావ్య. అలా చాలా బహుమతులు వస్తాయి దీపకు. దీంతో శ్రావ్య రగిలిపోతుంది. ప్రోగ్రామ్ అయిన తర్వాత.. ఫ్రైజ్లన్నీ పట్టుకుని చెల్లెలు శ్రావ్య కోసం వెతుకుతుంది దీప. అయితే శ్రావ్య నటిస్తూ.. ‘అక్కా.. నీకు నేనంటే చాలా ఇష్టం కదా.. ఆ ఫ్రైజ్లన్నీ నాకు ఇవ్వు.. ఇంట్లో నాకే వచ్చాయని చెబుతాను’ అని కోరడంతో దీప సంతోషంగా ఇస్తుంది. photo courtesy star maa and hotstar
భాగ్యం ద్వేషానికి బాధపడుతూ..
ఆ బహుమతులతో శ్రావ్య ఇంటికి వచ్చి.. ‘ఇది రన్నింగ్లో వచ్చింది.. ఇది సింగింగ్లో వచ్చింది’ అంటూ చూపించడంతో తల్లి భాగ్యం మురిసిపోతుంది. తండ్రి మురళీ కృష్ణ మాత్రం షాక్ అవుతాడు. మరునాడు ఓ టీచర్ ఇంటికి వచ్చి దీపకు కంగ్రాట్స్ చెప్పడంతో విషయం బయటపడుతుంది. దాంతో భాగ్యం బహుమతులన్నీ నేలకేసి కొట్టి కోపంగా శ్రావ్యని తీసుకుని వెళ్లిపోతుంది. సీన్ కట్ చేస్తే... దీప కన్నతల్లి ఫోటో మురళీ కృష్ణ గోడకు పెడుతుంటే.. భాగ్యం అడ్డు పడుతుంది. ఫోటో తీసి కిందకు విసిరేస్తుంది. ఇంతలో శ్రావ్య ‘మమ్మీ నా సోప్ కనిపించడంలేదు’ అనడం, దీప సోప్ తీసుకొచ్చి.. ‘నేనే తీసుకెళ్లాను చెల్లి’ అంటూ ఇవ్వడం, అది తీసుకోను అని శ్రావ్య మారం చెయ్యడం.. అది వాడితే నేను కూడా నీలా నల్లగా అయిపోతానని శ్రావ్య అవమానించడం.. భాగ్యం ‘నా కూతురు వాడే సోప్ నీకు కావాల్సి వచ్చిందా?’ అంటూ దీపని లాగిపెట్టి కొట్టడం.. అంతా ప్రేక్షకుల మనసుల్ని మెలిపెడుతుంది. photo courtesy star maa and hotstar
దీపకు చిన్ననాటి నుంచీ కష్టాలే..
‘అదిగో.. పగిలిన మీ అమ్మ బొమ్మని.. మీ నాన్న మనసుని ఆ మూలన కూర్చుని అతికించుకో’ అని దీపతో అంటూ భాగ్యం తన కూతరు శ్రావ్యని తీసుకుని వెళ్లిపోతుంది. దాంతో దీప నవ్వుతూ.. పగిలిన తల్లి ఫోటో చూసుకుని.. ‘నాన్నా అమ్మ చాలా అందంగా ఉందిగా అచ్చం నాలానే’ అనే చిట్టి మాటలు బాధని కలిగిస్తాయి. దీప మాటలకు మురళీ కృష్ణ కళ్లల్లో నీళ్లు తిరుగుతాయి. తర్వాత ఒక రోజు.. భాగ్యం.. శ్రావ్యని.. దీపని తీసుకుని ఒక జాతరకు వెళ్తుంది. అక్కడ శ్రావ్య బెలూన్స్ పేల్చే గేమ్ ఆడుతుంటే.. శ్రావ్య సరిగా కొట్టలేదు. దాంతో దీప దాన్ని అందుకుని టపటపా పేల్చేస్తుంది. దాంతో భాగ్యం మనసులో.. ‘ఇది రోజు రోజుకి నా కూతుర్ని దాటిపోతుంది. దీన్ని ఎలాగైనా ఇక్కడే వదిలించుకోవాలి’ అనుకుంటూ శ్రావ్యని తీసుకుని భాగ్యం వెళ్లిపోతుంది. దీప జాతరంతా వెతుక్కుంటుంది. photo courtesy star maa and hotstar
దీప మంచి మనసు..
(15 ఏళ్ల తర్వాత..) దీప(ప్రేమి విశ్వనాథ్) కార్తీకపౌర్ణమి పూజ కోసం.. దీపాలు వెలిగించుకుని.. గుడిలో ఉన్న కోనేరు దగ్గరకు వెళ్తుంది. అయితే ఎదురుగా కార్తీక్(నిరుపమ్ పరిటాల) వెళ్తున్నా.. ఒకరినొకరు చూసుకోరు. కార్తీక్ గుడిలోకి వెళ్లిపోతాడు. దీప.. కార్తీకదీపాలు వదిలిపెట్టుడుతున్న సమయంలో.. వెనుక వైపు ఒక ముసలావిడ కళ్లు తిరిగి పడిపోవడంతో.. పరుగున వెళ్లి పట్టుకుంటుంది. ఆమెని కూర్చోబెట్టి.. గుడిలోని పూజారి దగ్గరకు పరుగుతీస్తుంది. పూజారి అప్పుడే కార్తీక్కి తీర్థం పోసేందుకు సిద్ధంగా ఉంటాడు. అయితే దీప అదంతా పట్టించుకోకుండా.. తీర్థం లాక్కుని పడిపోయిన ముసలమ్మ దగ్గరకు తీసుకెళ్లి తాగిస్తుంది. పూజారి పరుగున వచ్చి.. ‘అపచారం తల్లీ’ అంటాడు. ‘చనిపోబోయే మనిషి కూడా తులసి తీర్థం బతికిస్తుందంటారు.. మరి బతికున్న మనిషిని చనిపోకుండా ఈ తీర్థం కాపాడితే తప్పేముంది పూజారి గారు’ అనే దీప మాటలను.. పూజారితో పాటూ కార్తీక్ కూడా వింటాడు. photo courtesy star maa and hotstar
కార్తీక్ మనసు దోచిన దీప..
దీప మాటలకు కార్తీక్ అభినందనగా చూస్తాడు. అయితే కార్తీక్ని దీప చూడదు. ‘వేదపండితుడినైన నాకే కనువిప్పు కలిగించావ్.. మరోమాట తల్లీ.. నల్లగా ఉన్నావని వచ్చిన సంబంధాలన్నీ పోతున్నాయటగా? నీ రంగే నీకు శాపమైంది..’ అంటాడు పూజారి కాస్త బాధగా.. ‘నా రంగు గురించి నాకు ఎప్పుడూ బెంగలేదు పూజారిగారు.. అన్నింటికీ మించి ఇది మా అమ్మ రంగు. మా అమ్మ నాకు ఇచ్చిన రంగు.. అందుకే ఈ రంగు శాపం కాదు వరం.’ అంటుంది దీప నవ్వుతూ.. ‘నీ మంచి మనసుకి మంచి భర్త రావాలని మనస్సూర్తిగా ఆశీర్వదిస్తున్నాను..’ అంటూ పూజారి ఆశీర్వదించడంతో.. దీప నవ్వుతుంది. కార్తీక్ దీపని అలానే చూస్తూ ఉంటాడు. photo courtesy star maa and hotstar
అందాల పోటీలో శ్రావ్య..
సీన్ కట్ చేస్తే.. మురళీ కృష్ణతో భాగ్యం గొడవ పడుతుంది. (దీప ఇంటికి చేరుకుంది అంటే జాతరలో తప్పి పోయిన దీప తిరిగి ఇంటికి చేరిందనే అర్థం). ‘నీ కూతురికి సొంత పెత్తనాలు ఎక్కువయ్యా’ అంటూ తిడుతుంది దీపని. ఇంతలో దీప వచ్చి.. ‘అమ్మా.. వచ్చేశాను’ అంటుంది నవ్వుతూ భాగ్యంతో.. ‘కొత్త పిలుపులు వద్దు అని ఎన్ని సార్లు చెప్పాను? అమ్మ అనకు పిన్ని అని పిలు.. అయినా ఇంట్లో ఎన్ని పనులు ఉన్నాయి.. త్వరగా తగులడు’ అంటూ తిట్టి లోపలికి వెళ్లిపోతుంది భాగ్యం. దాంతో మురళీ కృష్ణ.. దీపతో ‘దాని మాటలకు బాధ అనిపిస్తుందా?’ అంటాడు బాధగా. ‘ఇదే మాట మీరు చిన్నప్పుడు అడిగారు. బాధ లేదు అలవాటు పడుతున్నాను అని చెప్పాను.. ఇప్పుడు అడుగుతున్నారు. అలవాటు పడిపోయాను అని చెబుతున్నాను..’ అంటూ నవ్వుతుంది దీప. భాగ్యం ఫోన్లో మాట్లాడి వచ్చి, సంబరపడిపోతూ.. ‘ఇది విన్నారా.. అందాల పోటీలు నా కూతురే(శ్రావ్య) ముందు ఉందట..’ అని చెబుతుంది. దాంతో దీప సంతోషపడుతుంది. photo courtesy star maa and hotstar
సౌందర్య అహంకారం..
సౌందర్య ఇంటి ముందు ఓ కారు వచ్చి ఆగుతుంది. గన్ మెన్స్ హడావుడిగా కారు డోర్ తియ్యగానే.. ఒక పెద్దావిడ కారు దిగి లోపలికి వెళ్లి సోపాలో కూర్చుంటుంది. కాసేపటికి మెట్లు దిగి ధర్జాగా, గర్వంగా నడిచి వస్తుంది సౌందర్య(అర్చన అనంత్). సౌందర్య నడిచి రావడం చూస్తే ఎంటర్ ది డ్రాగన్ అన్నట్లే అనిపిస్తుంది. కింద సోపాలో కూర్చున్న ఆమె కూడా సౌందర్యని తదేకంగా చూస్తూనే ఉంటుంది. కిందికి వచ్చిన సౌందర్య.. ఎదురుగా ఉన్న సోపాలో కూర్చుని.. ‘చెప్పండి ఎందుకు వచ్చారు?’ అంటూ ప్రశ్నిస్తుంది. దాంతో ఆమె ఓ ఫోటో చూపిస్తూ.. ‘మా అమ్మాయి నక్షత్రకి.. మీ అబ్బాయి కార్తీక్కి పెళ్లి సంబంధం మాట్లాడటానికి వచ్చాను..’ అంటూ ఉండగా.. సౌందర్య భర్త ఆనందరావు కూడా వచ్చి సౌందర్య పక్కనే కూర్చుంటాడు. photo courtesy star maa and hotstar
అందమే ముఖ్యం..
ఆమె నవ్వుతూ.. సౌందర్యతో.. ‘మంచి చదువు ఉంది.. బోలెడు ఆస్తి ఉంది.. కార్తీక్కి సరిపడే హైట్ ఉంది.’ అంటూ ఉంటే.. సౌందర్య మాత్రం పొగరుగా చూస్తూ.. ‘అందం లేదుగా..’ అంటుంది. సౌందర్య మాటలకి ఆమె షాక్ అవుతుంది. అక్కడితో మొదటి ఎపిసోడ్ అయిపోయింది. అయితే ఎంతో పొగురుగా, అందానికి మాత్రమే విలువనిచ్చే ఈ సౌందర్య.. మన మందరం మెచ్చే సౌందర్యలా ఎలా మారింది? దీపని కార్తీక్ ఎలా పెళ్లి చేసుకున్నాడు? అసలు దీప కార్తీక్లు ఎలా ప్రేమించుకున్నారు? వంటివెన్నో సంగతులు, మరిన్ని వివరాలు తరువాయి భాగంలో చూద్దాం! కార్తీకదీపం రీవిజిట్ కొనసాగుతోంది. (అప్పట్లో సౌందర్య(అర్చన అనంత్) చాలా బొద్దుగా ఉండేవారు.. తర్వాత డైట్ చేసి తగ్గానని గతంలో ఓ ఇంటర్వూలో ఆమె చెప్పారు)
శేఖర్ కుసుమ సమయం తెలుగులో ప్రిన్సిపల్ డిజిటల్ కంటెంట్ ప్రొడ్యూసర్గా పని చేస్తున్నారు. ఇక్కడ సినిమా, టీవీ రంగానికి సంబంధించిన తాజా వార్తలు, స్టోరీలు అందిస్తుంటారు. ఆయనకు జర్నలిజంలో 11 సంవత్సరాలకు పైగా అనుభవం ఉంది. గతంలో ప్రముఖ మీడియా సంస్థల్లో పొలిటికల్ న్యూస్, ఎంటర్టైన్మెంట్ రంగాలకు సంబంధించి వార్తలు రాశారు.... మరిన్ని చదవండి
We use cookies and other tracking technologies to provide services in line with the preferences you reveal while browsing the Website to show personalize content and targeted ads, analyze site traffic, and understand where our audience is coming from in order to improve your browsing experience on our Website. By continuing to browse this Website, you consent to the use of these cookies. If you wish to object such processing, please read the instructions described in our privacy policy/cookie policy.